Мајами Хит се огласи со официјално соопштение во кое објави дека ѕвездата на тимот Џими Батлер е суспендиран на седум натпревари.

Во франшизата од Флорида на ваков потег се одлучиле, како што се наведува, поради повеќекратно недолично однесување кое било штетно за тимот.

„Го суспендиравме Џими Батлер на седум натпревари за повеќекратни случаи на однесување штетно за тимот во текот на сезоната, а особено во последните неколку недели“, објави Мајами.

Исто така, беше нагласено дека ќе ги разгледаат опциите за негов трејд, односно негово заминување од тимот, што се најавуваше во претходните денови.

Впрочем и самиот Батлер најави дека тоа е негова желба, бидејќи повеќе не сакал да игра за Мајами.

„Сакам повторно да најдам радост во играњето кошарка. Каде и да е тоа, ќе дознаеме многу брзо. Надвор од теренот, среќен сум, но сакам повторно да бидам доминантен, сакам да играм и сакам да му помогнам на тимот победи, а во моментов не го правам тоа“, изјави пред два дена Батлер.

Меѓу најзаинтересираните екипи за Батлер, според американските медиуми е Денвер, кој бара помош за Никола Јокиќ, а се спменуваат и Голден стејт Вориорс, односно Далас Маверикс и Хјустон.

Винисиус Жуниор падна на провокацијата од Столе Димитиревски, доби црвен картон во дрматичната победа на Реал во Валенсија (2:1) и сега се соочува со жестока казна.

Реал на „Месталја“ од 79. минута играше со играч помалку поради неспортски потег на Винисиус Жуниор, кога одзади го удри во глава голманот на домаќините Столе Димитриевски.

Не е спорно дека Бразилецот беше испровоциран, но тоа не го оправдува неговиот потег. Го удри во главата голманот на Валенсија и заслужено доби директен црвен картон.

Breaking wonderful news:

A La Liga referee has finally stood up to the disgusting and unprofessional Vinicius Jr actions and sent him off.

Deserved sending off after getting away with ~40-50 red card worthy actions in the past 2 years
pic.twitter.com/SuFnAxZxIT

— H⏳ (@hazfcb_) January 3, 2025

Ден по натпреварот, во Шпанија се шират шпекулации за тоа колкава суспензија ќе добие Бразилецот, бидејќи според правилата на Ла Лига, казната треба да биде многу строга.

Имено, како што е наведено во дисциплинскиот правилник, ваков прекршок се казнува со суспензија од најмалку четири натпревари и најмногу до 12 натпревари.

На играчот на Реал Мадрид ни најмалку не му помага тоа што откако му беше покажан црвениот картон, за малку физички го нападна судијата Цезар Сото Градо.

ROJA A VINICIUS

POR FIN SE HACE JUSTICIA CONTRA ESTE PAYASO
pic.twitter.com/nT2AVE1ukV

— nen (fan) (@FCB_nenn) January 3, 2025

Додека се чека одлуката на дисциплинската комисија, олеснителна околност за него и за Реал е што дел од суспензијата ќе одработи во Купот на Кралот (6. јануари против нисколигашот Депортиво Минера), и во шпанскиот Суперкуп во полуфиналето против Мајорка (9. јануари), или во евентуалното финале три дена подоцна против Барселона или Атлетик Билбао..

Следниот натпревар во првенството, Реал ќе го одигра дома на 19. јануари против Лас Палмас.

Никола Јокиќ постигна 41 поен, но на крајот беше трагичар во поразот на Денвер од Сан Антонио 110:113. Изминатата ноќ, Си Џеј Мекалум од Њу Орлеанс блесна со рекордни во кариерата 50 поени.

Јокиќ, против Сан Антонио забележа 41 поен, 18 скокови и девет асистенции, но во финишот продаде една топка, со што им овозможи на гостите лесни поени, со кои ја обезбедија победата.

Кај Сан Антонио се истакна Виктор Вембањама со 35 поени и 18 скокови.

Овое два тима повторно ќе се сретнат во недела, а домаќин ќе биде Сан Антонио.

Њу Орлеанс Пеликанс со 132:120 славеа над Вашингтон Визардс. Пеликанс до победата ги предводеше брилијантниот Си Џеј Мекалум, кој постави рекорд во кариерата со 50 поени (8/11 за два, 10/16 за три) со три скока и две асистенции.

Кај Визардс се истакна Џордан Пул со 26 поени, четири скока и седум асистенции, а го следеше Александре Сар со 19 поени, седум скока и пет асистенции.

Оклахома Сити Тандер славеа победа во дуелот против Њујорк Никс со 117:107. Тандер ја забележаа 14.победа во низа.

Оклахома до победата ја предводеше Шеј Гилџис-Александер со 33 поени, четири скока и седум асистенции.

Покрај Канаѓанецот се истакнаа и Џејлен Вилијамс со 20 поени, четири скока и пет асистенции, како и Арон Вигинс со 19 поени, пет скока и две асистенции.

Кај Никс, Микал Бриџис постигна 24 поени со три скока и две асистенции, додека Џејлен Брансон имаше 22 поени, три скока и девет асистенции.

Кливленд Кавалирс го совлада Далас Маверикс со 134:122.

Маверикс играа без повредените Лука Дончиќ и Кајри Ирвинг, додека Кавалирс до победата ги предводеше Еван Мобли со дабл-дабл од 34 поени и 10 скока.

Бостон Селтикс на гости го совлада Хјустон Рокетс со 109:86, додека Сакраменто го победи Мемфис Гризлис со 138:133.