Регион
Денеска пресуда за семејството Кецмановиќ за злосторството на нивниот син во „Рибникар“: се бара максимална казна

Вишиот суд во Белград денеска треба да ја соопшти пресудата на Владимир и Милјана Кецмановиќ, родителите на момчето кое на 3 мај 2023 година уби девет ученици и обезбедувањето во ОУ „Владислав Рибникар“ и рани уште пет ученици и наставник по историја.
Судот ќе донесе првостепена пресуда против која одбраната и обвинителството ќе имаат право на жалба до Апелациониот суд.
Овој судски процес од самиот почеток е затворен за јавноста, но пресудата ќе биде јавно објавена.
Главниот јавен обвинител на Вишото јавно обвинителство во Белград, Ненад Стефановиќ побара од судот максимални затворски казни за Кецмановиќ.
Тој во последните зборови му предложи на судот Владимир Кецмановиќ да биде осуден на единствена затворска казна од 14 години и 11 месеци за кривични дела тешко кривично дело против општата безбедност и запуштање и злоупотреба на малолетно лице.
За Милјана Кецмановиќ предложи единствена затворска казна од пет години и пет месеци за сторени кривични дела недозволено изработување, држење, носење и тргување со оружје и распрскувачки материи и запуштање и злоупотреба на малолетно лице.
Обвинителот предложи максимална казна затвор од три години за инструкторот за стрелање Немања Маринковиќ за кривично дело давање лажен исказ.
Стефановиќ смета дека за семејството Кецмановиќ нема олеснителни околности, туку само отежнувачки бидејќи не изразиле ниту каење ниту сочувство кон жртвите.
Тој рече и дека Милјана Кецмановиќ се претставувала како беспрекорна мајка, додека со жртвите се однесувала со дистанца и рамнодушност.
Тој потсети и на лажното сведочење на Немања Маринковиќ во истрагата, со кое се обидел да ја пренасочи истрагата во друга насока.
Од друга страна, одбраната тврдеше дека вината на обвинетите не е докажана.
Момчето К.К, кое во моментот на ова кривично дело сè уште немало 14 години и затоа не е кривично одговорно, на 3 мај 2023 година во училиште пукал со два пиштоли на неговиот татко, кои ги зел на 1 мај минатата година.
Кобниот ден ги ставил во ранецот, отишол на училиште и на првиот час убил 10 луѓе и ранил уште пет деца и наставник по историја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Поради силни ветрови, во прекин фериботскиот сообраќај во Грција

Фериботскиот сообраќај во Егејското Море во Грција денес беше прекинат поради силни ветрови, кои достигнаа брзина од 60 километри на час, поради што илјадници туристи не можеа да одат до своите планирани дестинации.
Забраната за пловидба, која ќе биде во сила денес најмалку до 13 часот по локално време, важи во сите поголеми пристаништа во Атика, а само фериботите на неколку линии во областа Аргосароникос сè уште пловат, објавува „Јуроњуз“.
Пристанишните власти чекаат ветерот да стивне за да може да се укине забраната за пловидба.
Пловењето кон островите Киклади беше прекинато во пристаништето Рафина иако екскурзиите до Мармарис на островот Кос продолжија според планот.
Фериботите не сообраќаат од Пиреја, а пловидбата во пристаништето Лаврио е прекината во правец на Китнос и Агиос Маринас и Неа Стира.
Илјадници патници не можеа да го почнат своето патување утрово поради прекин на пловидбата и чекаат да одат на своите дестинации.
Грчката крајбрежна стража им советува на патниците да се консултираат со компанијата чиј ферибот треба да ги превезува кога ќе бидат можни нови поаѓања, како и да ги избегнуваат пристаништата на кои се појавил сообраќаен метеж.
Метеоролошката служба прогнозира дека силните ветрови ќе траат најмалку до недела, што би можело да влијае на фериботскиот сообраќај.
Поради оваа причина, властите им препорачаа на туристите да стапат во контакт со локалните пристанишни власти и компании пред да заминат.
Регион
Гори во Грција: издадена наредба за итна евакуација

Голем шумски пожар избувна денес во областа Каравадос на грчкиот остров Кефалонија, а издадена е наредба за евакуација на три области, јавуваат грчките медиуми.
Пожарот избувнал во земјоделска и шумска зона, а ангажирани биле 20 припадници на противпожарната служба со седум возила, како и членови на планинската спасувачка служба и волонтери, објави „Катимерини“.
„Доколку се наоѓате во областите Каравадос, Доризата и Керамис, засолнете се и упатете се во правец на Аргостоли. Следете ги упатствата на властите“, се наведува во известувањето на противпожарната служба.
Четири авиони и два хеликоптера исто така помагаат во гаснењето на пожарот, пишува грчкиот весник.
Фото: принтскрин
Регион
Плинска боца експлодира во стан на српски туристи во Грција, има повредени

Пет туристи од Србија се повредени денес во експлозија на плинска боца во изнајмена соба во Аспровалта, во регионот на Солун, од кои еден доби тешки изгореници, објавува Катимерини.
Несреќата се случила денес околу 15:30 часот под сè уште неразјаснети околности.
Најтешко повреден е 41-годишен маж, кој се здобил со изгореници, додека другите се здобиле со повреди од скршено стакло, објавува Катимерини, додека Прототема објавува дека маж со изгореници од прв и втор степен и жена со изгореници од прв степен се пренесени во свесна состојба во Општата болница во Солун.
Полицијата го уапси 86-годишниот сопственик на куќата, а надлежните органи ги истражуваат причините за несреќата.