Фудбалерите на Лацио го победија Јувентус со 1:0 во последниот натпревар од деветтото коло на италијанската Серија А. Со оваа победа, Лацио скокна на 10-то место со 11 бода, додека Јувентус остана осми со еден бод повеќе.

Екипата на Игор Тудор со овој пораз ја продолжи серијата од осум последователни натпревари без победа, што е најдолгата таква серија во последните 16 години.

Тренерот е жестоко критикуван, но легендарниот капитен на Јувентус, Алесандро Дел Пјеро, застана во негова одбрана. Поранешниот италијански напаѓач и поранешен соиграч на Тудор смета дека хрватскиот тренер не е единствениот виновен за очајната ситуација во клубот.

„Не мислам дека зборот конфузија е најсоодветен за Игор Тудор. Го познавам многу добро како играч и како личност, разговарав со него и во Лигата на шампионите кога бев во Мадрид. Не е во прашање на конфузија. Јувентус денес нема проблем со тренерот, туку поширок проблем во начинот на кој е составен тимот, колку добро успеа да се поврзе на почетокот на сезоната, како играат поединците.

Значи многу работи имаат влијание. Вечерва тимот беше сè уште жив, не заслужуваше да изгуби, можеби нерешено би бил најфер исходот. Играше добро во Мадрид, проблемот е Комо. Натпреварот со Комо дојде по паузата за репрезентативни натпревари и се случи тој пад. Не мислам дека овој тим би го освоил првенството со кој било друг тренер“, рече популарниот Пинтуричио и дополни. .

„Проблемот е поширок затоа што сè уште немате 11 сигурни стартери, а тоа не е затоа што Тудор не го сака тоа или поради тоа што сака сите да ги држи под притисок. Со исклучок на 2-3 играчи кои одржуваа континуитет, како Јилдиз и Турам, останатите постојано имаа осцилации. Еден или двајца ќе бидат добри, останатите ќе бидат полоши.

Со оглед на бројот на натпревари, сте принудени да воведувате други играчи. Но, нема никој за кого можете да кажете дека мора секогаш да игра, таква е реалноста. Затоа не можете да го обвинувате само тренерот. Денес, Јувентус е во големи проблеми, но тој тие не доаѓаат само со последните резултати.“

Тудор го предводи Јувентус од 23 март оваа година. Досега има забележано десет победи, осум нерешени и шест порази.

Foto/ EPA

Лос Анџелес Лејкерс, без Леброн Џонс и Лука Дончиќ, славеа победа во Сакраменто со 127:120.

Во отсуство на двајцата најдобри играчи, блескаше Остин Ривс. Бекот на Лејкерси го одигра најдобриот меч во кариерата, за 39 минути забележа 51 поен, 11 скока и девет асистенции.

Ривс беше на едно додавање од тоа да стане 10-от играч во историјата на лигата што постигнал трипл-дабл со најмалку 50 поени. Та во кариерата им успеало на Никола Јокиќ, Лука Дончиќ, Карим Абдул-Џабар, Елгин Бејлор, Расел Вестбрук, Џејмс Харден, Вилт Чемберлен, Ричи Герин.

Ривс во Сакраменто голема помош доби од Деандре Ајтон со 22 поени и 15 скока и Руи Хачимура 18 поени.

Кај Сакраменто, Зак Лавин се истакна со 32 поени, ветеранот Демар Дерозан го заврши натпреварот со 21, Денис Шрудер имаше дабл-дабл (18 поени, 12 асистенции), 18 поени постигна и Расел Вестбрук.

Резултати:

Мајами Хит – Њујорк Никс 115:107
Вашингтон Визардс – Шарлот Хорнетс 113:139
Минесота Тимбервулвс – Индијана Пејсерс 114:110
Далас Маверикс – Торонто Репторс 139:129
Лос Анџелес Клиперс – Портланд Треилблејзерс 114:107
Сакраменто Кингс – Лос Анџелес Лејкерс 120:127

Реал Мадрид ја победи Барселона со 2:1 во десеттото коло од Ла Лига. Со триумфот во „Ел Класико“, се издвои на врвот со пет бода предност пред својот голем ривал и актуелен шампион на Шпанија.

Едно од најголемите дербија беше бурно за време и по натпреварот, а по натпреварот, кој беше добар, особено во првото полувреме, најмногу се зборува за Винисиус Жуниор.

Крилниот напаѓач на Реал полуде во 71-та минута кога тренерот Чаби Алонсо одлучи дека мора да ја напушти играта за да биде заменет од Родриго.

Лут поради измената Винисиус кога излезе од теренот не се поздрави со соиграчите и веднаш замина во соблекувалната, подоцна сепак се врати на клупата.

„ДAЗН“, тврди дека во моментот кога му станало јасно дека треба да го напушти теренот, Винисиус рекол: „Го напуштам тимот… Си одам, подобро да си одам!“

Винисиус ги одигра сите 13 натпревари за Реал оваа сезона, од кои 10 во стартната постава. Тој беше заменет седум пати и секој пат кога мораше да излее од теренот беше незадоволен, пишуваат Шпанците и додаваат „но никогаш вака“.

„Јас? Јас? Тренеру, тренеру!“, извика Бразилецот со раширени раце, барајќи објаснување“, пишува „ДАЗН“ и додава: „Додека „седумката“ на Реал удираше во гради, следеше неговата последна експлозија – јасно кажано „Е.и се!“

Чаби Алонсо, од своја страна, се обидел да ја смири ситуацијата: „Ајде, Вини, доста е“.

Истиот извор додава: „За да помогне во смирувањето на конфликтот, Луис Љопис, тренерот на голманите, морал да оди во соблекувалната и да разговара со Винисиус. Тој успеал да го смири и Бразилецот се вратил на клупата со своите соиграчи неколку минути подоцна.“

На прес-конференцијата, тренерот на Реал објави дека проблемот ќе биде решен во рамките на тимот, зад затворени врати.

Foto/ EPA