Реал Мадрид е клуб со големи амбиции и секогаш размислува за нов нареден трансфер. Иако зимскиот трансфер прозорец е сè уште далеку, веќе почнаа шпекулациите за трансфери кои би можеле да се случат на „Бернабеу“ во наредниот преоден рок.

Шпанските медиуми објавија вистинска „бомба“ поврзана со ѕвездата на ПСЖ, Витиња.

Португалецот е многу заинтересиран да го замени Париз со Мадрид, односно да прејде од ПСЖ во Реал. Но, пречка за овој трансфер може да биде сумата што ПСЖ ја бара за услугите на 25-годишниот играч.

Од ПСЖ порачаа дека би го пуштиле Витиња, но не за сума помала од 100 милиони евра.

Витиња стана член на ПСЖ во 2022 година, кога дојде од редовите на Вулверхемптон. Минатата сезона Португалецот блескаше со феноменални настапи и го освои третото место на листата за добитник на годинашното издание на „Златната топка“.

Засега Шкендија добро се носи во овој згуснат распоред. Играше првенствен меч против Тиквеш кој го реши во своја корист, потоа заостанатиот натпревар од 4. коло против Работнички каде исто така запиша победа, а идната недела го очекува и првиот дуел во групната фаза во Лигата на Конференции против Рајо Ваљекано.

Шампионот денеска го очекува меч од осмото коло во ПМФЛ против Силекс, кој минатата сезона заврши на вицешампионската позиција. Амбициите на Шкендија се одбрана на првото место во оваа сезона, и освојување на нова титула во првенството. Такви се и очекувањата и од таборот на тетовската екипа.

Што се однесува до мечот со Силекс, најавуваат дека ќе го дадат максимумот, и дека нема да ги залаже двата порази по ред на противникот.

„Ова ќе биде дерби натпревар меѓу два тима кои како минатата, така и оваа сезона најавуваат борба за врвот. Дефинитивно не криеме дека имаме цел да ја одбраниме титулата, а тоа можеме да го оствариме само со континуитет на добри резултати. После одличниот почеток, Силекс во последните две кола има пад во формата. Меѓутоа двата порази по ред нема да нѐ залажат. Треба максимално сериозно и концентрирано да му пристапиме на овој меч, со почит кон противникот, но и верба во сопствените квалитети. Со помош на поддршката и од нашите навивачи, верувам во добра фудбалска партија и наша победа“, изјави Клисман Цаке, дефанзивецот на тетовска Шкендија.

Во рамките на шестото коло од англиската Премиер-лига, Челси, Ливерпул и Манчестер jунајтед претрпеа порази истиот ден – редок случај кој статистичката платформа „Опта“ го бележи за првпат во овој век.

Сличен настан се случил последен пат на 16 април 1994 година, пред повеќе од 31 година. Тогаш Јунајтед загуби со 0-1 од Вимблдон, Челси исто така со 0-1 од Арсенал, а Ливерпул падна со 0-2 од Њукасл.

Интересно е што три децении подоцна има одредени сличности – како во 1994, така и сега Јунајтед и Челси загубија со ист резултат, додека Ливерпул прими два гола.

Овојпат, лондонскиот тим Челси загуби со 1-3 од Брајтон, „црвените ѓаволи“ паднаа со ист резултат против Брентфорд, додека Ливерпул беше поразен од Кристал Палас со 2-1 во Лондон.