Илон Маск, контроверзниот милијардер, наводно размислува да го купи Ливерпул, за кој е подготвен да издвои повеќе од седум милијарди евра. Ова го потврди неговиот татко Ерол во интервју за Радио Тајмс.

Маск постариот првично одби да ги коментира гласините бидејќи тоа може да ја зголеми цената на клубот од „Енфилд“, но на инсистирање на водителот призна дека Илон навистина сака да го купи славниот фудбалски клуб, а објасни и зошто токму Ливерпул.

„Точно е дека Илон изрази желба да го купи Ливерпул, но тоа не значи дека тој навистина ќе го направи тоа. Дали тој сака да го направи тоа? „Секако, кој не би сакал, би сакал и јас да го направам тоа“, изјави Ерол Маск. „Баба му е родена во тој град, таму имаме роднини, а Битлси пораснаа со некои од моето семејство“, објасни Ерол за мотивацијата на неговиот син, кој се поврзал со градот кога татко му го однел во Ливерпул како момче.

Теоријата за интересот на Илон Маск за купување ја лансираше Weekend Sport, според кој цената би била 7,2 милијарди евра, што е помалку од два отсто од богатството на Маск, кое се проценува на 400 милијарди евра.

Маск е сопственик на поранешниот Твитер, сега познат како платформа Х, како и фабриката за автомобили Тесла.

Кошаркарскиот клуб Анадолу Ефес донесе изненадувачка одлука, му врачи отказ на тренеорт Томислав Мијатовиќ и на наговото место го назначи Лука Банки. Интересно отпуштениот Мијатовиќ ќе остане во Ефес, ќе му биде асистент на новиот тренер.

Лука Банки бевработен беше само 32 дена. Поради лошите резултати тој доби отказ во Виртус Болоња.

Одлуката на Ефес да направи промени во стручниот штаб дојде по поразот од Бешикташ во турското првенство.

Ефес моментално има скор 10-9 во Евролигата, а Банки ќе има можност да дебитира веќе во петок против Асвел.

Фудбалерот на Реал Мадрид, Давид Алаба ќе конкурира за место во тимот за претстојниот финален турнир во Суперкупот на Шпанија, соопшти ккубот.

Алаба беше надвор од теренот повеќе од една година откако ги скина предните вкрстени лигаменти на левото колено на 17 декември 2023 година, на натпреварот против Виљареал.

Австрискиот фудбалер мораше да оди на две операции поради повредата на коленото, а неговата рехабилитација траеше подолго од првично планираното.

Алаба (32) почна да тренира на крајот на минатата година, а тренерот на Реал, Карло Анчелоти реши да го вклучи на списокот за Суперкупот. Реал во Џеда ја брани титулата, во полуфиналрто ќе игра против Мајорка.