Деструктивните шумски пожари кои го опкружуваат Лос Анџелес се проширија на Холивуд Хилс, откако во другите пожари во областа загинаа најмалку пет лица, уништија стотици домови и ги исцрпеа ресурсите за гасење пожари и снабдувањето со вода.

На повеќе од 100.000 луѓе им е наредено да се евакуираат бидејќи сувите ветрови со урагански сили ги попречуваат операциите за гаснење и ги разгореа пожарите кои речиси непречено беснеат во областите погодени од суша од вторникот.

„Овој пожар е масивен“, рече градоначалничката на Лос Анџелес Карен Бас на прес-конференција.

Нов пожар избувна во Холивуд Хилс во средата вечерта, изјави началникот на противпожарната служба Кристин Кроули на прес-конференција, што присилува повеќе евакуации, а бројот на пожари во округот Лос Анџелес се искачи на шест.

Beverly Hills evacuated! pic.twitter.com/FNtACel03R

— arttra (🛡️🌟 🚀) (@art____tra) January 9, 2025

Четири од нив горат надвор од контрола, вклучително и два големи пожари на источната и западната страна на градот, кои продолжија да се шират во средата додека паѓаше ноќта.

Во пожарот во Холивуд Хилс изгореа 20 хектари, соопшти пожарникарската служба на Калифорнија. Екипите со хеликоптер фрлаа вода врз пламените јазици и се чини дека го забавуваат пожарот.

Противпожарната служба во Лос Анџелес издаде наредба за евакуација на луѓето во област во Холивуд каде што се наоѓаат познати локации поврзани со филмската и забавната индустрија.

Во рамките на овој простор е и театарот Долби, каде што се одржуваат Оскарите. Објавувањето на номинациите за Оскар е одложено поради пожарот, соопштија организаторите.

Иако е релативно мал во споредба со другите, овој пожар гори веднаш над булеварот Холивуд и патеката на славните. Преминувањето на автопатот би го загрозило холивудскиот знак на ридот како и опсерваторијата Грифит.

People all over Hollywood are evacuating through Studio City due to the new fires on Sunset and in Hollywood. Wind has died down making it easier to contain the spread, but fires are still blazing. A bud just sent me this from the front of his apt in Hollywood. pic.twitter.com/SNgvooUfNP

— Beau Robinson🇺🇸 (@_beaurobinson) January 9, 2025

На западната страна на Лос Анџелес, пожарите на Пацификот Палисадес проголтаа 6.406 хектари и стотици градби во ридовите меѓу Санта Моника и Малибу во вторникот, тркајќи низ кањонот Топанга додека не стигнаа до Тихиот Океан.

Воздушната снимка снимена од телевизијата „КТЛА“ покажува блок по блок куќи што горат во Пацифик Палисадес, мрежа од чад повремено испрекината од портокаловите пламени на уште неколку запалени куќи.

На исток, во подножјето на планините Сан Габриел, вториот пожар уништи уште 4.289 хектари, 1.000 објекти и уби најмалку пет лица, соопштија локалните власти.

Метеоролошката служба „Акју ведр“ ја процени почетната штета и економската загуба на повеќе од 50 милијарди долари.

„Се соочуваме со историска природна катастрофа. И мислам дека тоа не може да се каже доволно силно“, рече на прес-конференција Кевин Мекгован, одговорен за управување со итни случаи во округот Лос Анџелес.

„Имаме пожари со години, но не вакво нешто“, изјави Френсис Колела, 71-годишна пензионерка за Ројтерс во центарот за евакуација во Пасадена, одмарајќи се во инвалидска количка заедно со десетици други.

„Тоа е навистина тажна појава и не можам да се сетам на нешто слично“.

Los Angeles has never experienced something like this. There are now 5 major fires all with 0% containment. The Sunset fire just resulted in mandatory evacuations in parts of Hollywood, with Beverly Hills now in the “get ready” zone. pic.twitter.com/luhjB8X29w

— Finance Guy (@101Dubby) January 9, 2025

Размерите и ширењето на пожарот ги исцрпиле противпожарните екипи.

Пожарникарите од шест други држави итно се префрлени во Јужна Калифорнија, изјави на прес-конференција началникот на противпожарната служба на округот Лос Анџелес, Ентони Мароне.

„Го доведовме системот до неговите граници. Се бориме со огнот со градските водни системи“, рече на прес-конференција Џенис Кинонес, извршен директор на Одделот за вода и енергија во Лос Анџелес.

Пожарите избувнаа во особено чувствително време за Јужна Калифорнија, каде што нема значителни врнежи со месеци.

Потоа дојдоа силните ветрови, носејќи сув пустински воздух од исток кон крајбрежните планини, разгорувајќи шумски пожари додека дува над врвовите на ридовите и по кањоните.

Научниците велат дека пожарите, кои горат и надвор од традиционалната сезона на шумски пожари, го означуваат последниот во серијата временски екстреми кои најверојатно дополнително ќе ескалираат бидејќи глобалните температури продолжуваат да растат во наредните децении.

Претседателот Џо Бајден, кој ги прогласи пожарите за голема катастрофа, му се придружи на гувернерот на Калифорнија Гевин Њусом во противпожарната станица во Санта Моника за да добие брифинг за напорите за гаснење на огнот.

Во последните денови како претседател пред да му го предаде на новоизбраниот претседател Доналд Трамп на 20 јануари, Бајден го откажа претстојното патување во Италија за да се фокусира на координирање на федералниот одговор на шумските пожари, соопшти Белата куќа.

„Правиме сè што можеме за да ги контролираме овие пожари… за да се погрижиме да се вратите во нормала“, рече Бајден во противпожарната станица. „Ќе биде пеколно долг пат. Ќе треба време.

Американскиот претседател Џо Бајден изјави дека верува оти ќе го победел Доналд Трамп на ноемвриските избори, објави Би-Би-Си.

Бајден (82) сепак додаде дека не е сигурен дали би имал доволно енергија за уште еден четиригодишен мандат.

„Засега се е во ред, но кој знае како ќе се чувствувам на 86 години“, коментира тој.

Бајден, исто така, откри дека сè уште ја разгледува можноста за превентивно помилување за противниците на Трамп, вклучително и поранешната републиканска конгресменка Лиз Чејни и поранешниот врвен здравствен функционер Др. Ентони Фаучи.

Во интервјуто објавено вчера, Бајден рече дека бил многу директен со Трамп за можните помилувања за време на нивната средба во Овалната соба веднаш по изборите во ноември.

„Се обидов да му објаснам дека нема потреба од тоа и дека би било контрапродуктивно да се врати назад и да се обиде да се пресмета“, рече Бајден, додавајќи дека Трамп не се спротивставил, туку главно само слушал.

Бајден истакна дека неговата конечна одлука ќе зависи од тоа кого Трамп ќе избере за членови на неговиот кабинет.

Бајден, исто така, рече дека Трамп е полн со пофалби за неговата економска политика.

„Тој мисли дека оставам добро досие зад себе“, рече демократскиот претседател. Интервјуто за „УСА Тудеј“ е единственото печатено интервју кое Бајден го дал пред да ја напушти функцијата. Белата куќа строго го контролира медиумскиот пристап до Бајден, претседателот не одржа ниту една прес-конференција откако се повлече од трката на 21 јули.

Во интервјуто, претседателот во заминување го бранеше и целосното и безусловно помилување за неговиот син Хантер Бајден, кој се соочуваше со осуда во два кривични случаи, за затајување данок и нелегална набавка на оружје, и покрај претходните тврдења дека нема да го стори тоа.

Бајден, кој првпат влезе во американскиот Сенат во 1972 година, се соочи со критики во сопствената партија за неговата неподготвеност да се повлече од претседателската трка и покрај загриженоста за неговата возраст и менталната подготвеност.

„Кога Трамп се кандидираше за реизбор, навистина верував дека имам најголеми шанси да го победам. Но, исто така, не планирав да бидам претседател на 85 или 86 години“, рече Бајден.

По поразот на потпретседателката Камала Харис од Трамп, високи членови на Демократската партија, како што е поранешната претседателка на Претставничкиот дом Ненси Пелоси, изјавија дека демократите можеби би имале подобри резултати на изборите доколку Бајден се повлечеше од трката порано.

Уште една куќа гори втора ноќ по ред во Пацифик Палисадес, додека пожарникарите признаваат дека немаат доволно вода за да се борат со пламените јазици.

Цели блокови се зафатени од пламен, а противпожарните екипи штедливо ги користат цревата, повремено насочувајќи вода на покривите на останатите куќи со надеж дека ќе спречат ширење на пожарот.

Но, ветерот е силен над океанот, а пламенот и искрите се издигнуваат високо до ноќното небо.

A friend who lives in Pacific Palisades sent me these horrific videos of the fire.

He just evacuated and said traffic was so bad people abandoned their cars. pic.twitter.com/mbOjz8QAf9

— Jon Michael Raasch (@JMRaasch) January 7, 2025

Огнот е присутен каде и да погледнете, осветлувајќи ги околните гребени и ридови со морничав портокалов сјај, пишува „Си-ен-ен“.

Семејството кое побегна од својот дом во Пасадена во средата сега престојува кај роднините во Лас Вегас, бидејќи пожарите продолжуваат да уништуваат домови и бизниси низ делови од пошироката област на Лос Анџелес.

„Моравме да се евакуираме“, изјави Тони Еспиноза за филијалата на CNN, KSNV.

This is what’s left of the Pacific Palisades. The mall survived. Most everything else is gone. Homes, apartment complexes… businesses. pic.twitter.com/Vfz721V48J

— Jonathan Vigliotti 🐋 (@JonVigliotti) January 8, 2025

„Заминавме набрзина. Имавме само неколку часа да се спакуваме. Моите соседи сè уште беа во своите куќи“.

Тој рече дека успеале да ги земат само најосновните работи.

„Веќе не можевме да дишеме“, изјави тој за КСНВ.

Еспиноза побегна со уште 13 членови на семејството и ќе остане кај роднините во Лас Вегас додека не стивнат пожарите.