Свет
(Видео) Шефот на НАТО: Ако работите не се сменат, научете руски или преселете се во Нов Зеланд
ЕУ мора да ги преиспита своите приоритети за трошење за да ги зголеми одбранбените распределби, рече новиот генерален секретар на НАТО Марк Руте во обраќањето пред Европскиот парламент. „Европските земји трошат во просек до една четвртина од својот национален приход за пензии, здравје и социјално осигурување, а ни треба само мал дел од тие пари за значително да ја зајакнеме нашата одбрана“, рече Руте пред пратениците.
Повеќето земји-членки на ЕУ исто така припаѓаат на НАТО, а алијансата веќе една деценија ги повикува членките да издвојат најмалку 2 отсто од својот БДП за одбраната. Во моментов, 24 од 32 членки на НАТО ја постигнуваат оваа цел. Сепак, Доналд Трамп ја подигнува границата. Минатата недела новоизбраниот американски претседател ги повика сојузниците да потрошат 5 отсто од БДП за одбрана, што е значително повисоко од американскиот просек од 3,38 отсто, пренесува „Политко“
За многу земји, 2 проценти веќе беа предизвик, а 5 проценти изгледаат како невозможна мисија. Руте, според написите, не им донесе добри вести на оние кои се надеваа на помек пристап. Конечната цел на распределбата на одбраната во рамките на НАТО, им порача на пратениците, може да биде околу 3,6 или 3,7 отсто од БДП, пишува „Политико“.
И покрај зголемената загриженост за Трамп, кој ја доведе во прашање независноста на Канада и не ја отфрли можноста за употреба на сила за заземање на Панамскиот канал или Гренланд, Руте истакна дека Европа останува зависна од САД за безбедност. Тој смета дека е „илузорно“ да се верува дека Европа може сама да си обезбеди одбрана, според медиумот.
Руте ја пофали Европската програма за одбранбена индустрија (ЕДИП) од 1,5 милијарди евра, која има за цел да го поттикне локалното производство на оружје, велејќи дека европскиот сектор за оружје е „премал, премногу фрагментиран и премногу бавен“.
Сепак, постои несогласување околу тоа дали компаниите кои не се членки на ЕУ треба да имаат лесен пристап до оваа програма. Руте предупреди дека ЕДИП не треба да ги исклучува сојузниците. „Верувам дека вклучувањето на сојузниците кои не се членки на ЕУ во одбранбените индустриски проекти на ЕУ е клучно за безбедноста на Европа“, рече тој. „Трансатлантската соработка во одбранбената индустрија не зајакнува сите нас“.
Во своето прво обраќање пред Европскиот парламент како шеф на НАТО, Руте нагласи дека целта е „да се доближат НАТО и ЕУ“ за да се одговори на „дестабилизирачките кампањи“ на Кремљ, но и на заканите кои доаѓаат од Иран, Кина, сајбер напади и ширење на нуклеарно оружје. „Сега сме безбедни, но за четири или пет години можеби нема да бидеме“, рече тој, додавајќи дека доколку потрошувачката не се зголеми, Европејците треба „да ги извадат своите учебници по руски јазик или да емигрираат во Нов Зеланд“.
„Длабоко сум загрижен за безбедносната ситуација во Европа“, рече тој. „Ние не сме во војна, но не сме ниту во мир. Ова значи дека мора да инвестираме повеќе во одбраната и да обезбедиме дополнителни капацитети. Ова не може да чека повеќе. Мораме да ја зголемиме отпорноста на нашите општества и клучната инфраструктура.
Клучен дел од таа безбедност е зајакнувањето на соработката меѓу НАТО и ЕУ. И покрај тоа што двете институции се наоѓаат во Брисел, тие со години соработуваат на дистанца. НАТО беше фокусиран на одбраната и трансатлантските односи, додека ЕУ водеше на прашања како што се трговијата, земјоделството и климата. Но, руската инвазија на Украина промени сè, пренесува медиумот.
„НАТО и Европската унија имаат многу да направат заедно“, рече Руте, истакнувајќи ги особено напорите да и се помогне на Украина да се одбрани од Русија.
Говорејќи за Украина, тој нагласи дека мирот може да дојде само преку договор што ќе биде во интерес на Киев. „Тоа значи повеќе оружје и побрза испорака, така што [Киев] може подобро да се брани и да обезбеди поволен договор за Украина, Европа и светот“, заклучи тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Албанија
Земјотрес со јачина од 3,8 степени според Рихтеровата скала е регистриран вечерва во 20 часот и 11 минути во Албанија.
Потресот се наоѓа на длабочина од приближно 15 километри под површината на земјата.
Засега нема извештаи за материјална штета или повредени, а надлежните служби ја следат состојбата.
РЕ-Џет сет
Кејт Мидлтон објави дека ракот е во ремисија: „Ви благодарам на поддршката“
Кејт Мидлтон, принцезата од Велс, објави дека нејзиниот рак се повлекува.
„Олеснување е што сега сум во ремисија и останувам фокусирана на закрепнувањето. Како што знае секој на кого му е дијагностициран рак, потребно е време да се прилагоди на новата нормала“, рече таа во изјавата објавена на Инстаграм.
„Мојата искрена благодарност е до сите што тивко одеа покрај мене и Вилијам додека минавме низ сето ова“, продолжи таа. „Не можевме да бараме повеќе. Грижата и советите што ги добивме за време на моето боледување беа исклучителни“
Таа додаде дека се радува на исполнета година што претстои: „Има многу да се очекува. Ви благодариме на сите за континуираната поддршка“.
View this post on Instagram
Истиот ден кога ја објави веста, Кејт ја посети болницата каде што беше на лекување, за да им се заблагодари на членовите на персоналот кои и помогнаа. За време на посетата, Кејт го сподели своето искуство за хемотерапијата.
„Навистина е тешко. Тоа е вистински шок“, рече таа. „Сите ми рекоа да задржам позитивен начин на размислување бидејќи тоа прави голема разлика“. Таа, исто така, разговараше со Кетрин Филд, друга пациентка која прима хемотерапија во болницата. „Толку се приврзав“, рече таа, мислејќи на нејзината игла за терапија, шегувајќи се дека се двоумела кога и рекле: „Можеш да ја извадиш сега“.
„Има добри и лоши денови“
Принцезата Кејт првпат објави дека и е дијагностициран рак во март 2024 година, откако тестовите спроведени по планираната операција во јануари открија присуство на рак. Таа не откри за каков вид на рак се работи.
View this post on Instagram
Во текот на следните неколку месеци, Кејт редовно споделуваше информации за нејзиниот третман и здравје. Во јуни изјави дека се уште не е надвор од животна опасност и дека и претстојат уште неколку месеци хемотерапија.
„Добро ми оди, но како што знае секој што оди на хемотерапија, има добри и лоши денови“, рече таа во јуни. „Во тие лоши денови се чувствувате слабо, уморно и морате да го оставите вашето тело да се одмори.
„Не можам да го опишам олеснувањето“
Кон средината на јуни таа се појави во јавноста за прв пат откако ја објави дијагнозата, на церемонијата Trooping the Color, роденденската прослава на кралицата. Околу еден месец подоцна, таа присуствуваше на финалето во машка конкуренција на Вимблдон со нејзината ќерка Шарлот. Во септември, Кејт објави дека завршила со хемотерапија и дека сега се фокусира на живот без рак.
View this post on Instagram
„Како што летото се приближува кон крајот, не можам да го опишам олеснувањето што го чувствувам што конечно завршив со хемотерапијата“, рече таа во видеото објавено на платформата „Икс“.
„Последните девет месеци беа неверојатно тешки за нашето семејство како што знаете, тоа може да се промени во еден момент , и моравме да најдеме начин да се справиме со бурните мориња и непознатите патеки“.
Таа учествуваше на неколку јавни настани од септември, вклучувајќи го и нејзиниот годишен концерт „Заедно на Божиќ“ со нејзиното семејство во декември.
Свет
Судот пресуди: Авиокомпанија направила дискриминација со политиката мажите да не седат покрај деца кои летаат без придружба
Норвешкиот суд за антидискриминација одлучи дека политиката на „Ер Франс“ да не им дава на мажите места покрај малолетниците без придружба за да ги заштити од злоупотреба е дискриминаторска, тврди патник.
Екипажот на кабината на летот од Осло до Париз во октомври 2022 година побара од маж да ги смени седиштата со жена бидејќи не му беше дозволено да седи покрај две деца кои патуваа сами.
Патникот Доминик Селиер го пријавил тоа во норвешкиот суд.
Адвокатот на Ер Франс за време на судењето тврдеше дека персоналот само ги следел правилата на компанијата, воведени затоа што мажите сочинуваат 97,93 отсто од сексуалните злоставувачи.
„Тоа не беше пријатна ситуација“, изјави Селиер за агенцијата „Франс прес“ во вторникот.
„Патниците околу мене ме гледаа и чекаа да ги сменам седиштата за да полетаме. Можеби тоа беше делумно моја проекција, но дел од погледите ги протолкував како ‘овој човек е сомнителен’“, рече Селиер.
Според минатогодишната пресуда на Трибуналот за дискриминација, Ер Франс има политика да седи жена покрај малолетно лице без придружба ако е можно во случај на лет.
„Ер Франс“ се бранеше со тврдењето дека норвешкиот суд немал јурисдикција над нејзиниот авион бидејќи не бил регистриран во Норвешка.
Француската авиокомпанија исто така нагласи дека оправдувањето за различниот третман на мажите и жените е потребата да се заштитат малолетниците од трговија со луѓе и други форми на насилство и агресија.
Селиер смета дека генерализацијата кон мажите отишла предалеку.
„Како можеме да прифатиме таков вид сомнеж затоа што сме машки?“
Иако го доби случајот пред Трибуналот за дискриминација, Селиер не доби отштета или извинување од „Ер Франс“.
За време на летот тој само добил шампањ во хартиена чаша, додаде.
Гаши за Даути: До денес не сум добил официјално известување за оставка од ниеден претседател на комисија
Како претседател на Собранието мојата главна одговорност е да ги почитувам и спроведувам Деловникот и неговите процедури, вели претседателот на...
(Видео) Пуштен во употреба патот Градско – Дреново, доцни оти една година биле повлечени и вработените и механизацијата на „Страбаг“
Со врнежи снег утрово свечено во употреба беше пуштен експресниот пат Градско-Дреново, долг 15,5 киломтери. За свеченоста, исто како и...
Комесарката за проширување на ЕУ: Нема да има геополитички попуст, процесот на проширување ќе продолжи да се заснова на заслуги
Агресивната војна против Украина отвори можност за проширување на Европската Унија, но нема да има геополитички попуст, процесот на проширување...
Покачување од 30 отсто на платите што почнуваат од 25.010 денари бараат вработените во неколку министерства, ќе штрајкуваат цела недела
Место на пауза, утрово, вработените од неколку министерства во 11 часот излегоа на получасовен штрајк пред Министерството за животна средина...
Автомобил специјално конструиран за криење стока: Царината заплени фалсификувани производи, парфеми, облека и обувки
Во соработка со МВР службата за мобилни скенери откри случај во кој автомобил со германски регистарски таблички бил специјално конструиран,...
Судијка од Велес обвинета за фалсификување службена исправа, обвинение и против сопружници – сопственици на синџир аптеки
Основното јавно обвинителство Кавадарци поднесе обвинение против судијка од Основниот суд во Велес, двајца сопружници – сопственици на синџир аптеки,...
СДСМ: На страна сме на работниците, власта да ги зголеми платите и да се потпишат колективните договори
СДСМ го разбира револтот на работниците во јавниот сектор и ги поддржува нивните барања за покачување на платите кои се...
СДС треба да се извини што го толерирале Груби, што не го спречиле кога имале шанса, велат од ВМРО-ДПМНЕ
„СДС и Филипче додека беа власт се им дозволија на коалициските партнери ДУИ. СДС и Филипче дозволија криминалот да царува...
Ердоган е лидер со најдолг стаж во модерна Турција: тој е во последниот мандат, освен ако има уставни амандмани или предвремени избори
Кандидатурата на турскиот претседател Реџеп Таип Ердоган за четврти мандат е „на дневен ред“ на владејачката Партија на правдата и...
(Видео) Монструозните пожари израмнија цели населби во Лос Анџелес, сега се очекува засилен ветер
Пожарникарите во Лос Анџелес се подготвуваат за силни ветришта во текот на ноќта, налети кои би можеле да разгорат два...
Најстудено утрово на Попова Шапка
Утрово најстудено било на Попова Шапка каде што се измерени -10 степени, -7 било во Маврови Анови и Крушево, -4...
(Видео) Пожарите во Лос Анџелес изгореа област со големина на Вашингтон, пристигнуваат и мексикански пожарникари
Контингент од 72 мексикански пожарникари денеска им се придружија на американските колеги во борбата со шумските пожари кои беснеат во...
Активни забрани за тешки товарни возила на неколку патни правци
Сообраќајот на државните патишта се одвива во зимски услови по влажни коловози со остатоци од кашест снег на коловозот по...
Трамп: Има само една стратегија за ставање крај на војната, набргу се среќавам со Путин
Новоизбраниот американски претседател Доналд Трамп утринава изјави дека ќе се сретне со рускиот претседател Владимир Путин „многу брзо“ откако ќе...
Јанкулоска: Борбата за правда продолжува, се надевам дека ќе се утврди кој го вршел прислушкувањето
Задоволна сум од денешната одлука, но борбата за правда ќе продолжи, вели Гордана Јанкулоска поранешната министерка за внатрешни работи, во...
Грујевски и Бошковски добија највисоки казни за „Тврдина“, Гордана Јанкулоска ослободена
Ексразузнавачот Горан Грујевски доби 14 и пол години затвор, а Никола Бошковски – 9 години и 10 месеци во случајот...
Постаро лице заглавено во својот дом во Кочани поради снегот, спасувачките екипи се координираат
Спасувачките екипи се координираат за извлекување постаро лице, кое е заглавено во својот дом од снежните наноси во селото Полаки,...
Белешките на мртвите севернокорејски војници откриваат ужасна тактика: „Човечката мамка треба да биде на 7 метри од дронот“
Рачно напишаните белешки пронајдени покрај телата на загинатите севернокорејски војници убиени на бојното поле во областа Курск во Русија откриваат...
Велешанец со „опел“ удрил во столб од наплатна станица, двајца повредени
Денеска во СВР Велес било пријавено дека околу 00.06 часот на автопатот Скопје – Велес, на наплатна станица Сопот, патничко...
Се излизга машина за чистење снег, во целосен прекин сообраќајот на патот Гевгелија – Богданци
Машина за чистење снег се излизга на патот Гевлегија-Богданци. Од АМСМ објавија дека сообраќајот е во прекин во двата правци....
