Една од најпопуларните спортски двојки во светот, поранешната тенисерка Ана Ивановиќ и поранешниот фудбалер Бастијан Швајнштајгер одлучија да се разведат, пишува „Билд“.

Овој германски медиум се повикува на магазинот „Бунте“ и пишува дека Србинката и Германецот два месеца живеат одвоено, а сега наводно решиле да поднесат документи за развод.

Швајцајгер поголемиот дел од времето го поминува во Минхен, каде што се занимава со бизнис, а Ивановиќ решила со трите сина да се врати во родниот Белград, каде што купила стан од околу 100 метри квадратни во близина на станот на нејзините родители.

Оваа вест шокираше многумина бидејќи Ана и Бастијан важеа за хармоничен пар. Тие често доаѓаа во Србија заедно со синовите Лука, Леон и Тео. Швајнштајгер често ги следеше натпреварите на кошаркарскиот клуб Партизан од првиот ред со братот и таткото на Ана и изгледаше дека е близок со целото нејзино семејство.

„Билд“ наведува дека токму нивната љубов ги навела да веруваат дека бајките можат да бидат реални, но очигледно не било се така идилично како што се прикажува.

Ана и Бастијан стапија во брак пред девет години во Венеција, а целиот настан го проследија германските, српските и светските медиуми, бидејќи и двајцата тогаш беа успешни спортисти.

Тие двајца не се огласија во врска со овие пишувања.

Карло Анчелоти зборуваше на прес-конференцијата пред реванш натпреварот од четвртфиналето на Лигата на шампионите помеѓу Реал и Арсенал во Мадрид.

Арсенал го доби првиот натпревар со резултат 3:0. Што се однесува до Анчелоти, неговиот тим е „уште жив“.

„Имаме квалитет да ги свртиме работите во наша полза, имаме посветеност и искуство, ги имаме и навивачите. Имаме се што ни треба, сега на нас е да дадеме се од себе. Ментално, на добро место сме, треба добро да ја контролираме играта”, изјави Анчелоти на почетокот на конференцијата.

„Сантијаго Бернабеу има магија, сите знаат колку е специфична атмосферата. Утре ќе ни треба малку од се – квалитетна и комплетна изведба, физички, индивидуално и колективно. Ништо од оваа не смее да тргне наопаку. Мотивацијата е тука, а сега сакам само играчите да бидат мирни пред натпреварот. Знам дека ќе дадеме се од себе. Се разбира, секогаш е добро кога ќе постигнеш гол рано на важен натпревар. Најважно за мене е што ја имаме контролата врз играта. Се работи за обидот да се даде максимум на почетокот, да се воспостави контрола и кога го имаш тоа, можеш да постигнеш гол во секоја минута. Мора да играме сериозно. Со глава, срце, ма..ња. Мислам дека се чувствуваме добро ментално, важно е да бидеме доследни и да ја контролираме играта“, рече Анчелоти.

Натпреварот во Мадрид се игра во среда од 21 часот.

Париз предводен од Ти Џеј Шортс го обезбеди седмото место во Евролигата, откако го победи Реал среде Мадрид со 81:73. Реал за осмото место ќе игра в петок, повторно на домашен терен против Баерн. Баварците ја добија драмата против Црвена звезда, во продолжение со 97:93.

Париз клуб кој е основан пред шест и пол години, во својата дебитанскат сезона во Евролигата избори место во четвртфиналето.

Екипата на Тиаго Сплитер го надигра Реал. Речиси во текот на целиот меч гостите ја имаа предноста на своја страна. Реал успеа да се доближи на поен разлика на влезот во последниот период, но Париз го одби тој напад и на крајот победи.

Во четвртфиналето Париз ќе игра против Фенербахче.

Ти Џеј Шортс мечот го заврши со 23 поени и девет асистенции, Надир Хифи постигна 15 поени, имаше и по четири скока и асистенции.

Во Минхен, Црвена звезда избори продолженија на секунда до крајот на регуларниот дел од мечот. Баерн во продолжението погоди две тројки со кои ја направи клучната разлика.

Српскиот првак ќе жали долго по овој меч, клучни беа слободните фрлања, црвено-белите промашија девет и лошата игра во последните пет минути во третата четвртина која на крајот Баерн ја доби со 32:17.

Црвено-белите имаат поплаки и на судењето особено во последните минути од регуларниот дел, кога судиите имаа неколку дискутабилни одлуки.

Филип Петрушев мечот го заврши со 30 поени, пет скока и четири асистенции, Никола Калиниќ постигна 20 поени, а Коди Милер Мекинтаер забелжа 13 поени, седум скока и осум асистенции.

Баерн го предводеше Девин Букер со 21 поен, Карстен Едвардс постигна 17, а Вајлер баб забележа 16 поени и по шест скока и асистенции.