Македонија
Убиство во Србија, дрога во Албанија, со што се поврзани роднините на Томовски од скандалот во СОЗР?

„Денеска, ќе објавиме нови информации за последниот скандал на власта на ДПМНЕ со тендерот од 3,5 милиони евра во СОЗР поврзан со роднини на директорот Ивица Томовски. За какви луѓе станува збор? Го повикуваме Томовски да излезе пред граѓаните и да одговори дали лицето Дарко Гашиќ, негов роднина, кој има регистриано фирма на иста адреса со подружницата на „Праеторијон“ ДООЕЛ во Охрид, имал проблеми со законите во соседна Србија?“, вели Мартин Костовски, организациски секретар на СДСМ.
„Дали неговиот роднина Дарко Гашиќ бил упасен во Србија заедно со уште 9 други лица, осомничени дека извршиле убиство. Дали Гашиќ, наречен Праки, учествувал во крвава пресметка меѓу две криминални банди во Белгард на 10 ноември 2008 година, која резултирала со двајца загинати? Дали неговиот роднина Власе Танаскоски, кој ја раководи подружницата на ‘Праеторијан’ ДООЕЛ во Охрид лежел во затвор во Албанија поради трговија со дрога? Дали овие денови Танаскоски во Калишта организирал ручек на кој присуствувал и министерот Панче Тошковски? И, конечно, дали ова е обид за создавање нова СГС-агенција на ДПМНЕ, каде што ќе со партиски рекетари и бандити ќе се контролираат држаните институции и ќе се перат пари? Исто како во времето на режимот“, посочува Костовски.
Според него, ова е голем скандал, прво, поради коруптивната мрежа на ДПМНЕ за злоупотребата на власта и испумпување на парите на парите на граѓаните преку тендри вредни милионски суми, и, второ, поради основаната поврзаност со криминални шеми и криминални ликови, кои имале сериозни проблеми со законите во соседни држави.
„СДСМ бара итна истрага од надлежните институции и постапување на Јавното обвинителство и антикорупциската комисија за овој скандалозен тендер вреден 3,5 милиони евра. Владата да го разреши Томовски од функцијата додека трае истрагата“, завршува Костовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Во Македонија 18 пожари на отворено

Во текот на изминатото деноноќие, на ден 20/21.08 на територијата на Македонија имаше вкупно 18 пожари на отворен простор, од кои активни се три пожари, а под контрола и изгаснати се 15 пожари, информира Центарот за управување со кризи.
Активни се пожарите во Јасен (мешана шума), во Општина Маврово и Ростуше восело Церово и во Општина Прилеп во село Беловодица.
Под контрола и изгаснати се 15 пожари, и тоа:
1. Општина Гази Баба: ул. Перо Наков б.б (ѓубриште);
2. Општина Петровец: с. Средно Коњаре (ѓубриште);
3. Општина Петровец: с. Средно Коњаре (ниска вегетација и ѓубре);
4. Општина Струга: с. Драслајца (ѓубриште);
5. Општина Тетово: с. Сараќино (ниска вегетација);
6. Општина Желино: с. Стрмница (ниска вегетација);
7. Општина Чишиново-Облешево: с. Облешево (ниска вегетација);
8. Општина Неготино: с. Криволак, во близина на мостот пред касарна (ниска вегетација и напуштена нива со овоштарник);
9. Општина Тетово: на патот Тетово – с. Брвеница (ниска вегетација);
10. Општина Гостивар: с. Чегране (ниска вегетација);
11. Општина Гостивар: с. Дебреше (ниска вегетација);
12. Општина Крушево: с. Светомитрани (ниска вегетација);
13. Општина Радовиш: с. Раклиш (ниска вегетација);
14. Општина Студеничани: с. Драчевица (сува трева и грмушки);
15. Општина Долнени: с. Лажани (ниска вегетација);
Македонија
Гужва на границите, на Табановце и Богородица се чека по 20-тина минути

Интензитетот на сообраќајот на патиштата надвор од градските средини е зголемен.
Поради летните одмори, се бележи зголемена фреквенција на возила, на ГП „Табановце” времето на чекање за влез и излез е околу 20 минути, за. На ГП „Богородица” времето на чекање за излез знесува околу 20 минути, додека на останатите гранични премини од македонска страна нема подолги задржувања при влез или излез од државата, информира АМСМ.
Поради пожар во националниот Парк Јасен, пак, регионалниот пат Р1106 Македонски Брод – Скопје затворен е за секаков вид на возила.
Сообраќајот на останатите државни патишта се одвива непречено, по суви коловози.
Македонија
Без вода дел од Центар

Од ЈП Водовод и Канализација известуваат дека денеска поради изведување на водоводен приклучок ф-100 мм на улицата Маџирмаало 11, општина Центар, прекинато водоснабдување ќе имаат корисниците на дел од истата улица.
Водоснабдувањето ќе биде прекинато од 09:00 часот до завршување со работните активности.