Најмалку еден рудар загина, а 11 се хоспитализирани откако земјотрес го погоди рудникот за јаглен во сопственост на полската компанија ПГГ во Радлин, соопшти денеска групата.

Се додава дека земјотресот се случил во текот на ноќта на длабочина од околу 800 метри, пренесува Ројтерс.

„Во загрозената зона имаше 29 наши вработени. Единаесет од нив беа пренесени во болница. За жал, еден од нашите колеги, еден од рударите, почина“, изјави извршниот директор на ПГГ, Бартош Кепа.

Припадниците на противпожарната и спасувачката единица Чачак утрово од бунар длабок 10 метри во Трбушани кај Камени мост извлекле постара жена (78).

– Таа е жива, најважно е свесна, а соработувала со пожарникарите за време на спасувачката акција. Има полесни повреди, расекотини на грбот, бидејќи бунарот е изграден со камен“, изјавил за РИНА еден од очевидците, додавајќи дека пожарникарите и спасувачите брзо пристигнале и професионално ја завршиле работата.

Со возило на Итна медицинска помош била пренесена во Чачачката болница, а како и зошто завршила во бунарот ќе се утврди понатамошна истрага.

Американскиот државен секретар Марко Рубио денеска се огласи и рече дека САД го одбележуваат Меѓународниот ден на сеќавање на холокаустот, кој беше основан од Обединетите нации по повод годишнината од ослободувањето на концентрациониот логор Аушвиц-Биркенау на 27 јануари 1945 година, најголемиот Нацистички логор на смртта.

„Свечено се сеќаваме на шесте милиони Евреи кои беа систематски убивани низ Европа од нацистите и нивните соработници, како и на милионите други кои загинаа. Им оддаваме почит на оние кои преживеаја, им благодариме на нашите ослободители и ја обновуваме нашата заедничка посветеност на човековата слобода и правда“, се вели во соопштението од кабинетот на Рубио.

Се потсетува дека оваа година се одбележуваат 80 години од крајот на Втората светска војна и холокаустот, а се нагласува дека оваа година би можела да биде една од последните во која преживеаните ќе можат да споделат сведоштва за ужасите што ги доживеале.

За време на Втората светска војна, шест милиони Евреи станаа жртви на нацистичката политика насочена кон елиминирање на оние што се сметаат за „закана“ или „инфериорни“.