Спортскиот директор на Баерн Минхен, Кристоф Фројнд изјави дека е сигурен дека Џошуа Кимих ќе го продолжи договорот со клубот, пренесува германски „Скај Спорт“.

Актуелниот договор на Кимих со клубот од Минхен истекува на 30. јуни оваа година, поради што се појавија информации дека ќе се пресели во Реал.

„Сигурен сум дека Кимих ќе одлучи да продолжи да игра за Баерн“, изјави спортскиот директор на клубот од Минхен, Фројнд.

Кимих во Баерн пристигна во 2015 година од Лајпциг.

„Јас дадов јасна изјава пред две недели. Ситуацијата не е променета. Искрено, не можам да давам нови информации на секои три дена. Во одреден момент ќе има некои вести, но нема да ги коментирам на секои три дена“, рече Кимич, очигледно алудирајќи на неговата изјава дека најмногу би сакал да остане во својот сегашен клуб.

Бразилскиот фудбалер Андерсон Талиска го договорил трансферот во Фенербахче. Талиска е поранешен играч на Бешикташ, во Фенербахче доаѓа од Ал Наср.

Талиска седум години не играше во Европа, прво играше во Кина, а потоа се пресели во во Саудиска Арабија.

Жозе Мурињо тренерот на Фенербахче инсистирал трансферот да биде реализиран.

Талиска во претходниот период го немаше во составот, што само покажува дека сакал да се пресели во друг клуб.

Фенербахче по 20 одиграни натпревари во првенството на Турција се наоѓа на второто место со шест бода помалку од лидерот Галатасарај.

Горан Иванишевиќ е еден од кандидатите за иден тренер на најдобриот светски тенисер Јаник Синер. Ова го пишува „Газета дело Спорт“, потсетувајќи на успешната соработка помеѓу Иванишевиќ и Новак Ѓоковиќ и фактот дека актуелниот тренер Австралиецот Дарен Кејхил го напушта Синер на крајот од сезоната.

Горан Иванишевиќ, кој неодамна се раздели од Елена Рибакина, моментално е слободен агент. Поранешниот шампион на Вимблдон би можел значително да го подобри сервисот на Синер, како што тоа го правеше во годините на работа со Новак Ѓоковиќ.

Иванишевиќ беше клучен во претворањето на сервисот на Новак во моќно оружје. Плус, тој е дел од истата агенција како Синер, „Старвинг Спорт“ што ја олеснува потенцијалната соработка.

Да потсетиме, ова не би било првпат Синер да ги „превзема“ поранешните членови на тимот на Ѓоковиќ, бидејќи во својот тим веќе донесе двајца поранешни соработници на Новак.

Тоа се фитнес тренерот Марко Паники и физиотерапевтот Улисес Бади.

Покрај Горан Иванишевиќ како можни тренери на Синер се споменуваат Андре Агаси (кратко работеше со Ѓоковиќ) и поранешниот италијански тенисер Андреа Сепи.