Аргентинецот Мартин Анселми ја презеде функцијата тренер на португалскиот фудбалски гигант Порто. 39-годишниот, кој на клупата го замени Витор Бруно, потпиша договор со Порто до крајот на сезоната 2026/27.

Порто е на третото место во португалскиот шампионат со 41 бод, исто колку и второпласираната Бенфика, додека Спортинг води со 47 бодови.

На „змејовите“ им оди полошо во Лига Европа, на табелата се на 25. место од 36 екипи во пресрет на последното коло.

Витор Бруно мораше да се збогува пред една недела поради слабите резултати откако го презеде Порто од 1. јули минатата година.

Него сега ќе го наследи Анселми, кој претходно го водеше мексиканскиот Круз Азул.

Португалските медиуми пишуваат дека прв пат во историјата на португалското првенство, три најголеми клубови во земјата, во иста сезона им врачиле откази на тренерите. Претходно тренерите ги отпуштија Бенфика и Спортинг.

Манчестер јунајтед синоќа во 23. коло од Премиер лигата го совлада Фулам на гости со 1:0.

Стрелец на единствениот гол на натпреварот беше аргентинскиот дефанзивец Лисандро Мартинез во 78. минута. По неговиот удар топката удри во ногата на Саша Лукиќ кој се обиде да блокира, доби дополнително забрзување е заврши во голот.

Триумфот над Фулам е најдобриот подарок за менаџерот Рубен Аморим, кој вчера наполни 40 години.

„Немам 40, имам 50 години. За два месеци работа во Манчестер јунајтед, осатарев 10 години, но мило ми е што сум тука и што можам да го прославам роденденот со овие луѓе“, изјави Аморим.

Манчестер јунајтед во последните четири дена оствари два важни триумфа, прво над Ренџерс во Лига Европа, а сега и против Фулам во Премиер лигата. Во првенството, Јунајтед се на 12. место со 29 бода.

Спортскиот директор на Баерн Минхен, Кристоф Фројнд изјави дека е сигурен дека Џошуа Кимих ќе го продолжи договорот со клубот, пренесува германски „Скај Спорт“.

Актуелниот договор на Кимих со клубот од Минхен истекува на 30. јуни оваа година, поради што се појавија информации дека ќе се пресели во Реал.

„Сигурен сум дека Кимих ќе одлучи да продолжи да игра за Баерн“, изјави спортскиот директор на клубот од Минхен, Фројнд.

Кимих во Баерн пристигна во 2015 година од Лајпциг.

„Јас дадов јасна изјава пред две недели. Ситуацијата не е променета. Искрено, не можам да давам нови информации на секои три дена. Во одреден момент ќе има некои вести, но нема да ги коментирам на секои три дена“, рече Кимич, очигледно алудирајќи на неговата изјава дека најмногу би сакал да остане во својот сегашен клуб.