Свет
Израел: Хамас на заложниците им има дадено стимуланси пред ослободување за да изгледаат поздраво

Хамас наводно извршил процес на забрзана рехабилитација на заложниците непосредно пред нивното ослободување. Според извештајот на израелскиот N12, тие им дале на заложниците храна и стимуланси непосредно пред нивното ослободување за да остават впечаток дека биле добро третирани за време на нивното заробеништво.
Оваа практика излезе на виделина при постепеното ослободување на заложниците, тврдат израелските медиуми. Во извештајот се наведува дека Хамас се грижи заложниците да изгледаат енергично и во добра состојба кога ќе се вратат во Израел. Сепак, како што објави „Џерусалем пост“, сведочењата на неодамна ослободените жени откриваат сосема поинаква слика за нивното затворање.
Ослободените заложници им кажале на израелските власти, според N12, дека пиеле морска вода и јаделе само леб и ориз. Други открија дека биле држени во тешки услови, вклучувајќи подземни тунели и кафези. N12 истакна дека овие мерки непосредно пред ослободувањето биле дел од напорите на Хамас да влијае на јавната перцепција за нивниот третман кон заложниците.
Четворицата заложници – Карина Ариев, Лири Албаг, Даниела Гилбоа и Наама Леви – беа ослободени од заробеништво на Хамас во саботата. Покрај тоа, Емили Дамари, Роми Гонен и Дорон Штајнбречер беа отпуштени од медицинскиот центар „Шеба“ по една недела медицински прегледи по нивното враќање дома.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Во сообраќајка загина поранешен хрватски фудбалски репрезентативец и играч на фудбалскиот клуб Динамо

Во тешка сообраќајна несреќа, што се случи во Карловац, загинаа 2 лица, меѓу кои и поранешниот хрватски фудбалски репрезентативец и играч на фудбалскиот клуб Динамо, Никола Покривач, јавуваат хрватските медиуми.
Полицијата во краткото соопштение наведува дека несреќата се случила на обиколницата Турањ и дека во неа учествувале 4 патнички возила.
Три лица се пренесени на лекување во медицинска установа.
Свет
Русија и Украина денеска треба да разменат затвореници

Русија и Украина денеска треба да разменат затвореници, а посредник во договорот повторно се Обединетите Арапски Емирати, соопштил извор запознаен со преговорите.
Ќе бидат разменети вкупно 492 војници – 246 од двете страни, како и уште 46 ранети украински војници.
За време на војната Русија и Украина со посредство на ОАЕ веќе разменија вкупно 3.233 воени заробеници
Свет
„Вие сте глупави луѓе“: Трамп за Путин и Зеленски доколку ги отфрлат преговорите за прекин на огнот

Американскиот претседател Доналд Трамп ги потврди зборовите на американскиот државен секретар Марко Рубио во врска со повлекувањето од преговорите доколку руската и украинската страна не постигнат договор наскоро.
Трамп понуди помек пристап, велејќи дека Рубио бил „во право“, но во исто време покажа поголем оптимизам во врска со изгледите за постигнување договор.
На прашањето за временската рамка во која САД би можеле да се повлечат, Трамп одговори:
– Нема конкретен број на денови, но сакаме брзо да го завршиме. Ако, поради некоја причина, една од двете страни го отежни тоа многу, ние само ќе кажеме: „Вие сте глупави, вие сте глупави. Вие сте ужасни луѓе“ и едноставно ќе се откажеме. Но се надевам дека нема да мораме“, продолжи тој.
Трамп не сакаше да каже дали е подготвен целосно да ги напушти преговорите или дали ќе продолжи воено да ја поддржува Украина доколку преговорите не успеат.
На прашањето каков напредок би требало да види за да ги продолжи преговорите, Трамп рече дека „ќе мора да види ентузијазам за заклучок“ од двете страни, предвидувајќи дека ќе знае „наскоро“.
– Мислам дека имаме навистина добри шанси да го постигнеме тоа. „Сега сè завршува“, рече тој.
Претходно американскиот државен секретар Марко Рубио изјави дека ако не е можно да се стави крај на војната во Украина, Соединетите Американски Држави треба да се откажат од своите напори и да продолжат понатаму, според написите во светските медиуми.