Седумнаесетгодишен сведок на фаталната авионска несреќа во Вашингтон имал застрашувачки близок поглед на трагедијата.

Џими Мазел изјави за Си-Ен-Ен дека вечерал во Гравелли Поинт Парк, мал јавен зелен простор во Арлингтон, недалеку од националниот аеродром Реган.

„Забележав бела светлина што паѓа од небото и не бев сигурен што е тоа. Бев многу загрижен за тоа што може да биде“, рече Мазел.

Било премногу темно за да види што точно се случува, а деталите ги дознал кога разговарал со новинарите собрани во Арлингтон.

„Сè уште сум шокиран. Сè уште сум потресен“, рече Мазел.

Авион на „Американ ерлајнс“, со 60 патници и четворица членови на екипажот, слетувал на националниот аеродром Роналд Реган, кога во воздух се судрил со воен хеликоптер „Блек Хок“ во кој се наоѓале тројца војници. Двете летала паднале во реката Потомак, а авионот при падот се распаднал на два дела. Според информациите, во несреќата нема преживеани лица.

Претседателот на Пaнама, Хозе Раул Мулино, денеска изјави дека нема да разговара за контролата на Панамскиот канал со американскиот државен секретар Марко Рубио, кој треба да ја посети земјата викендов, што ќе биде негова прва официјална посета во странство.

Мулино ова го изјави на неделна прес-конференција, откако американскиот претседател Доналд Трамп се закани дека ќе ја преземе контролата врз Панамскиот канал, тврдејќи дека е управуван од Кина. Панамската влада жестоко го негира ова.

„Не можам да преговарам, а камоли да отворам преговарачки процес за каналот“, рече Мулино.

„Тоа прашање е затворено. Каналот и припаѓа на Панама. Со каналот долг 82 километри управува независна панамска агенција надгледувана од панамската влада.

САД го изградија каналот на почетокот на 20 век и ѝ ја предадоа контролата на Панама во 1999 година, две децении откако беа потпишани низа договори со кои се гарантира неговата постојана неутралност. Трамп тврди дека овој договор се прекршува и дека Кина го контролира каналот бидејќи таму има војници. Тој не презентираше докази за ова.

Американскиот претседател тврди и дека САД плаќаат премногу за транзит низ каналот.

„Не добив апсолутно никакви информации од американската амбасада во Панама, ниту од државниот секретар со кој соработуваме за миграциските прашања, за наводно воено присуство на друга земја во каналот“, рече Мулино.

„Панамскиот канал е контролиран од Панама и неговото управување отсекогаш било во рацете на Панама“, заклучи тој.

Повеќе од 20 Американци исчезнаа на бојното поле во Украина. Бројот на странски жртви се зголеми во изминатите шест месеци бидејќи странците сѐ повеќе ги пополнуваат празнините во одбраната на Украина. Телата на најмалку пет неодамна убиени американски доброволци во украинските редови не може да се извлечат од бојното поле, откри „Си-Ен-Ен“.

Роднините на исчезнатите Американци зборуваат за неможноста да ги закопаат своите синови и официјално да ги прогласат за мртви, како и за онлајн малтретирањето од руските интернет тролови. Поради интензитетот на борбите на фронтот, телата на паднатите војници од двете страни често се оставени да лежат на бојното поле.

Проблеми со враќањето на телата

Двајца американски доброволци беа убиени во инцидент во близина на Покровскоје кон крајот на септември. Нивните тела не беа пронајдени. Поранешниот американски војник Захари Форд (25) од Мисури и уште еден Американец без никакво воено искуство, чие семејство побарало тој да биде идентификуван само со прекарот Гунтер, биле убиени со дрон додека се обидувале да уништат мост кај селото Новохродивке.

Преживеаниот Американец, со прекар Реднек, опиша опасна мисија во која група од тројца американски доброволци брзо се нашле под руски оган во ровот на околу 500 метри од мостот.

„Руски беспилотни летала се обидуваа да го урнат покривот на бункерот. Имав пушка, се обидував да ги соборам беспилотните летала“, се сеќава Реднек за Си-Ен-Ен.

„Еден пријател е мртов“

Форд преку радио им рекол на своите команданти дека ќе ја прекине акцијата, но му било наложено да продолжи и дека евакуацијата не е можна. Кога започна нападот, Реднек пукаше со митралези кон Русите, а Украинците кои користеа противтенковски системи Javelin беа убиени додека ги држеа руските оклопни возила.

Реднек објаснува дека влегол во бункерот за муниција, за влакно избегајќи од дронот што ги убил Форд и Гунтер. Успеал да го запре крварењето на Форд и бил сведок на смртта на украинскиот војник кој бил застрелан во лицето пред него.

„Неколку минути подоцна слушнав како Форд вика дека Гинтер е мртов. Влегов во бункерот, а Украинецот кој беше внатре само ме погледна и рече: „Мојот пријател е мртов“. „Форд беше сè уште стабилен во тоа време, но командантот не предупреди дека доаѓа нов руски напад“, изјави Реднек за Си-Ен-Ен.

„Тој ме замоли да го убијам“

„Тој знаеше дека нема да издржиме. Форд ме замоли да го убијам за да не биде заробен”, додаде.

Реднек одбил, но Форд станувал се послаб и изгубил премногу крв. Последното барање на Форд било да ја види сончевата светлина додека умре.

„Го легнав со главата свртена кон вратата, за да може да го види сонцето и само го држев за рака“.

Реднек вели дека веројатноста странските борци да преживеат на бојното поле зависи од нивното искуство, но и од задачите што им ги даваат нивните команданти. Некои команданти, наводно, ги дискриминираат странските доброволци и ги испраќаат во самоубиствени мисии.

Говорејќи од САД, Реднек изјави дека неговата единица била евакуирана од областа и дека подоцна видел снимки од дронови од телата на Форд и Гинтер. Областа сега е под руска контрола.

Макотрпниот процес на извлекување на телото

Процесот на извлекување на мртвите од бојното поле е макотрпен и емотивен. Поранешниот американски маринец Кори Навроки (41) од Пенсилванија беше убиен борејќи се во руската област Брјанск во октомври. Снимката од неговото тело се појави на Телеграм, но по сложени преговори Русија во петокот го врати неговото тело, како и телото на уште еден исчезнат Американец.

Неговата мајка, Сенди Навроки, вели дека Кори, ветеран од морнарицата со шест патувања во Ирак и две во Авганистан, решил да замине во Украина поради цивилните жртви. Навроки бил убиен додека се обидувал да му помогне на ранетиот другар.

На руските социјални мрежи беа споделени фотографии од неговото тело и оружје.

Лорен Гијом, Американка која живее во Киев и работи за непрофитната фондација RT Weatherman, им помага на семејствата да ги најдат своите најблиски, често барајќи мртовечници со украинската истражувачка Ирина Хорошаева. Позитивната идентификација е можна преку комбинација на методи за визуелна идентификација и ДНК тестирање.

Половина од 88-те загинати или исчезнати странци се Американци

Идентификацијата на загинатите е посложена кога телата се враќаат од руска страна.

„По размената на телата, понекогаш добиваме торба со остатоци од тела кои припаѓаат на различни луѓе“, рече Артур Добросердов, комесар на Украина за исчезнати лица во Министерството за внатрешни работи.

Еден од првите случаи во коишто помогна Гијом беше оној на ветеранот на американската армија Седрик Хам од Тексас, кој почина во март 2024 година. Семејството на Хам можеше да ги идентификува неговите тетоважи во видеопренос од мртовечница.

Гијом моментално се справува со 88 мртви или исчезнати странци од 18 земји. Половина се Американци. Не е познат точниот број на смртни случаи меѓу американските волонтери во Украина.

Таа смета дека зголемениот број загинати и исчезнати е резултат на испраќањето странци на многу ризични операции: „Нивните животи и нивната жртва не се залудни“.