Спорт
Хуманоста секогаш на прво место – Петар Ристески типуваше, а Mozzart донира во Клиничката болница „Д-р Трифун Пановски” од Битола

Традицијата на хуманоста во која јавните личности типуваат, а Mozzart донира продолжува и оваа година.
Оваа тимска игра на хуманост од ден на ден го зголемува фондот на солидарност, а средствата од првиот добитен хуманитарен тикет за оваа година, по желба на фудбалерот Петар Ристески, ќе бидат донирани во Клиничката болница „Др Трифун Пановски” од Битола.
Директорката Ненси Лозанче, не го криеше задоволството за оваа донација, со која ќе се набават потребни апарати во детското одделение.
„Голема благодарност до Mozzart и до Петар Ристески за оваа донација. Ова е од големо значење за нас, бидејќи ќе имаме можност да набавиме дел од потребната опрема која ќе биде поставена во детското одделение”, изјави Др. Ненси Лозанче, Директор на Клиничката болница „Др Трифун Пановски” од Битола.
Типувачот кој го состави првиот добитен тикет за оваа година, Петар Ристески, ја поздравува оваа хуманитарна акција на Mozzart, која црта среќа и насмевки на многу лица.
„Среќен сум што имав можност да бидам дел од оваа хуманитарна акција, а особено задоволство ми преставува што токму јас го имам првиот добитен тикет за оваа година. Без размислување одлучив дека средствата треба да бидат донирани во детското одделение во Клиничката болница во Битола и се надевам дека донацијата ќе им биде од големо значење”, изјави Петар Ристески, фудбалер на ФК Јени Маале од Битола.
Кога станува збор за хуманоста,помошта,поддршката и добрите дела, Mozzart дефинитивно е, и останува лидер во регионот.
„Ова е традиционална акција која ја организираме веќе неколку години. Од добитните тикети, до сега помош пристигна во многу институции и организации. Она што преставува вистинско задоволство е што годината ја отворивме со добивка, а ако по утрото се познава денот, ќе имаме убави и успешни нови 365 дена исполнети со голем број реализирани проекти преку кои помагаме секаде каде е тоа потребно”, изјави Ивана Стефановска Крстевска од Mozzart.
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Реал Сосиедад ќе бара нов тренер

Реал Сосиедад во четвртокот објави дека ќе се раздели со тренерот Иманол Алгуасил на крајот од сезоната.
Всушност, одлуката за заминување беше негова.
„Иманол Алгуасил го извести клубот за неговата одлука да не го води тимот следната сезона. По шест и пол години на чело на стручниот штаб, тој одлучи дека е време да се повлече кога ќе заврши оваа сезона. Но, пред да дојде тој момент, имаме уште многу работи за кои вреди да се бориме.
Билет за Европа би бил најдобриот крај што оваа приказна го заслужува. Ти благодариме Иманол“, соопштија од клубот.
Во периодот додека Алгуасил го предводеше клубот, Реал Сосиедад играше пет пати во европските натпреварувања и го освои Купот на кралот во сезоната 2019/2020.
Сосиедад моментално е деветти на табелата, со 42 бода и три последователни натпревари без победа.
ℹ Imanol Alguacil ha comunicado al Club que no continuará dirigiendo el equipo la próxima temporada.
— Real Sociedad Fútbol (@RealSociedad) April 24, 2025
Спорт
(Видео) Крај на една ера – Џејми Варди ќе го напушти Лестер

Херојот на Лестер, Џејми Варди по 13 години реши да го напушти клубот. Клупската легенда на социјалните мрежи објави дека по завршувањето на сезоната ќе замине од „Кинг Пауер“.
„Навивачи на Лестер, мразам што дојде овој ден, но мораше да дојде. По 13 неверојатни години во клубот со многу успеси, некои падови, но главно најголеми успеси, време е да се откажам. Уништен сум, но мислам дека е вистинското време. Само сакам да ви кажам големо благодарам што ме прифативте како едно од вас. Лестер секогаш ќе биде во моето срце, сигурно ќе го следам во наредните години и се надевам дека клубот ќе биде успешен. Во овој момент ова е мое збогум, но ќе ме видите наскоро, ви благодарам“, рече Варди.
Goodbye to the GOAT 🐐 pic.twitter.com/romej28Kbr
— Leicester City (@LCFC) April 24, 2025
Варди е веќе бесмртен во очите на навивачите на Лестер, кои засекогаш ќе го паметат како херој во шампионската сезона 2015/2016 година. Пет години подоцна, тој ги предводеше „Лисиците“ до трофејот во ФА Купот, зацврстувајќи го својот статус на најголем играч во историјата на клубот.
Варди доби отказ од Шефилд Венсдеј како 16-годишник, па својот фудбалски пат го започна од дното, од најниските лиги, преку Стокбриџ Парк и Халифакс.
Лестер го донесе Варди од аматерскиот Флитвуд за еден милион фунти во 2012 година, а четири години подоцна беше прогласен за најдобар играч во Премиер лигата, а во сезоната 2019/2020 беше најдобар стрелец.
Иако го посакуваа најголемите европски клубови, тој и во најтешките моменти им остана верен на „лисиците“, па го водеше тимот минатата сезона кога експресно се врати во Премиер лигата. во втората лига, првенството во претходната сезона 2023/2024 до враќањето во елитата.
По поразот на домашен терен од Ливерпул со 1:0. По овој пораз Лестер и математички ги загуби шансите да остане во елитата.
За „лисиците“ постигна 198 гола на 496 натпревари, а доколку настапи во последните четири кола од тековната сезона ќе го напушти клубот со точно 500 настапи.
Иако во јануари наполни 39 години, Варди нема намера да ја заврши кариерата.
Спорт
Алкараз се повлече од Мастерсот во Мадрид

Шпанскиот тенисер Карлос Алкараз објави дека се повлекува од Мастерсот во Мадрид поради повреда на препоните на десната нога.
Алкараз беше втор носител на турнирот во Мадрид и требаше да игра со победникот од мечот меѓу Белгиецот Зизу Бергс и Канаѓанецот Габриел Диало во второто коло.
„Решивме да не ризикуваме. Направив се што можев, но работите не се подобрија многу. Морав да го послушам моето тело и да донесам тешка одлука. Мислам дека ја донесов вистинската одлука. Ќе се обидам да се одморам и да се вратам што е можно поскоро”, изјави Алкараз на прес-конференцијата во Мадрид.
Шпанскиот тенисер беше во иста половина од ждрепката со Новак Ѓоковиќ, односно беше „планирано“ да се сретнат во полуфиналето.
Шпанските медиуми потсетуваат дека Алкараз се повреди пред четири дена за време на финалето на турнирот во Барселона против Данецот Холгер Руне (6:7, 2:6).
Најдобриот шпански тенисер триумфираше на Мастерсот во Мадрид во 2022 и 2023 година.