Спорт
(Видео) Салах го запре Борнмут, Фулам со пресврт победи во Њукасл, Саутемптон го доби дербито на дното
Ливерпул, предводен од Мохамед Салах, победи на тешкото гостување на „Вајталити“ во Борнмут.
„Црешите“ се најпријатното изненадување сезонава, но не успеаја да избегнат пораз од „црвените“, иако ж според играта заслужија повеќе од 0:2.
Првата голема шанса Борнмаут ја имаше во 21. минута, но Семењо немаше среќа, тој одлично шутираше од левата страна и ја погоди гредата.
Ливерпул одговори само две минути подоцна, при што шанса имаше Собослај, но Кепа успеа да го одбрани неговиот удар.
Во 27. минута Кук го собори Гакпо во сопствениот шеснаесетник, судијата Дарен Ингланд покажа на белата точка, а ВАР ја потврди неговата одлука. Пеналот го реализира Салах.
Борнмаут во 37. минута, постигна гол преку Брукс, но ВАР пресуди дека на зачетокот на акцијата Керкез бил во офсајд.
Второто полувреме започна со напади на домашните, тие пропуштија одлична можност за израмнување во 70. минута, најпрвин Маркус Таверние ја погоди стативата, а најдобриот стрелец Џастин Клајверт налета на одбиена топка и го промаши празниот гол.
Казната стигна пет минути подоцна, Куртис Џонс му ја додаде топката на Салах, а Египјанецот во свој стил со лева ја погоди малата мрежа.
Тоа беше 178. гол за Салах во Премиер лигата, со што го престигна легендарниот играч на Челси Френк Лампард. Сега е на шестото место, а Серхио Агуеро е петти со 184 гола.
Тимот на Арне Слот по победата ја зголеми предноста во поредокот, сега има 56 бода, девет повеќе од најблиските ривали Арсенал и Нотингем Форест.
Фулам гостуваше кај Њукасл и ги однесе трите бода во Лондон. Екипата од „Крејвен Котиџ“ победи со пресврт 1.2..
„Страчките“ поведоа кон крајот на првото полувреме со голот на Џејкоб Марфи, но гостите постигнаа два гола во преостанатиот дел од мечот преку Раул Хименез и Родриго Муниз.
Дербито на дното се одигра на „Портман Роуд“, каде се сретнаа претпоследниот Ипсвич го пречека последнопласираниот Саутемптон. Гостите беа поуспешни и славеа со 1:2
Воведниот гол на „светците“ го постигна Нигериецот Џо Арибо, точно десет минути подоцна израмни Лиам Делап, а првата премиерлигашка победа за хрватскиот селектор Иван Јуриќ ја донесе Нигериецот Пол Онуачу во 89. минута.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Официјално – нов тим одобрен за влез во Формула 1
Нов член на „најбрзиот циркус“ од 2026 година ќе биде познатиот американски „Кадилак“, соопшти Формула 1 организацијата.
Светската автомобилска федерација (ФИА) и Ф1 дадоа конечно одобрение за тимот на Кадилак да им се приклучи на Ферари, Мекларен, Ред Бул и други, а тимот, поддржан од TWG Motorsports и General Motors, ќе влезе во натпреварувањето во 2026 година.
ФИА и управата на натпреварувањето објавија дека новиот тим ги исполнил сите услови за да се приклучи на Формула 1 и да стане 11. екипа во шампионатот.
Во оваа прилика изјава даде извршниот директор на натпреварот Стефано Доменикали.
„Како што рековме во ноември, посветеноста на General Motors да го донесе Кадилак во Формула 1 беше важна и позитивна демонстрација на нивната желба да го унапредат нашиот спорт. Би сакал да им се заблагодарам на General Motors и TWG Motosports за нивниот конструктивен ангажман во преговорите во текот на изминатите месеци и со нетрпение очекувам да му посакам добредојде на тимот на почетокот на сезоната во 2026 година“.
Претходно беше најавено дека новиот тим во Формула 1 ќе користи мотори на Ферари во својата дебитантска сезона.
Инаку, базата на тимот на Кадилак е во британскиот Силверстоун.
Спорт
ЗЕГИН вторпат организира хуманитарна трка
Компанијата ЗЕГИН минатата година за прв пат на територијата на Општина Аеродром ја организираше хуманитарна трка “ЗЕГИН СПЕКТРАТОН – трка на херои во сите бои”, каде речиси 2000 граѓани трчаа во име на хуманоста.
Со собраните средства од котизациите на сите учесници и со дополнителна донација од 50.000 евра од Фондацијата “Д-р Верица Механџиска” се помогна за реконструкција на првиот регионален социјален клуб за адолесценти и млади со аутистичен спектар и атипичен развој.
Трката “ЗЕГИН СПЕКТРАТОН” беше препознаена како една од најдобрите социјално-одговорни практики за 2024 година.
ЗЕГИН како една од најголемите општествено одговорни компании одлучи и во 2025та година во фокус да ги стави лицата со аутизам и да ја продолжи мисијата за помош на оваа категорија на граѓани.
Оваа година повторно трчаме километри полни љубов и хуманост со трки од 10км, 5км, штафетна трка, како и детски трки од 150, 300 и 500м.
Датумот на трката е закажан за 23 Март со почеток во 09.00 часот, а стартот на трката е пред паркот Јане Сандански во Општина Аеродром.
За сите учесници следуваат одлични стартни пакети, а за најдобрите во сите категории предвидени се и награди.
Не ја пропуштајте можноста да трчате, да се поврзете со истомисленици и заедно да оствариме уште една голема хумана мисија!
Резервирајте го вашето место на следниов линк
https://trka.zegin.com.mk/mk/events/zegin-spectrathon-2025/register
Пријавувањето е отворено до 16 март
За сите детали околу овој голен хуманитарен настан можете повеќе да се информирате на социјалните мрежи
Facebook https://www.facebook.com/zegintrka
Instagram https://www.instagram.com/trka_zegin/
Се гледаме на стартната линија!
Спорт
Канаѓанец на FBI 10 Most Wanted, САД нуди 10 милиони долари
Американскиот Стејт департмент објави дека нуди награда од 10.000.000 долари за информација што ќе доведе до апсење на поранешен канадски олимпиец во сноуборд.
ФБИ го стави 43-годишниот Рајан Вединг на својата позната листа „10 најбарани“ за наводно водење на меѓународен синџир за трговија со луѓе и организирање на повеќе убиства поврзани со нарко картели.
Вединг беше на листата на барани лица на ФБИ од октомври, а во тоа време наградата за неговото апсење беше „само“ 500.000 долари.
Помеѓу другите имиња, според ФБИ, Вединг бил познат како „Ел Хефе“, „Државен непријател“ и „Џејмс Конрад Кинг“.
The #FBI has named Ryan James Wedding to its Ten Most Wanted Fugitives List. Wedding is wanted for his alleged involvement in a large-scale transnational drug trafficking operation and orchestrating multiple murders linked to his criminal enterprise: https://t.co/VD2Z9BLu5F pic.twitter.com/jV1796iMGu
— FBI (@FBI) March 6, 2025
Вединг во јуни беше обвинет за заговор и убиство, а неговата организација, која е е под заштита на озлогласениот картел Синалоа, наводно организирала увоз на 60 тони кокаин од Мексико, Калифорнија, Јужна Калифорнија.
Вединг и претходно беше осуден за трговија со дрога, а во 2010 година беше осуден на четири години затвор. .
Канаѓанецот беше 24-ти во паралелниот велеслалом на Олимписките игри во 2002 година во Солт Лејк Сити.
Македонија нема да испраќа војници во Украина
Северна Македонија во овој момент не е подготвена да испрати војници во Украина како дел од воена мировна мисија која...
Зеленски не планира да му се извини на Трамп за расправијата во Овалната соба
Украинскиот претседател, Володимир Зеленски, нема да му се извини на претседателот на САД Доналд Трамп по нивниот корисен разговор во...
Двајца возачи загинаа на патот Штип-Кочани
Две лица го загубија животот во тешка собраќајна несреќа на експресниот пат Штип-Кочани што се случи попладнево. Според информациите од...
Меѓународниот ден на жената одбележан со пленарна седница
По повод 8 Март – Меѓународниот ден на жената, Собранието ја одржа 39. седница, тематски посветена на статусот и правата...
Целосен пресврт – Трамп и се закани на Русија со остри мерки до мировниот договор
Американскиот претседател Доналд Трамп изјави дека размислува за воведување нови санкции и царини против Русија по новите руски напади врз...
Болните не треба да плаќаат паркинг, Таравари и Владата да ги заштитат граѓаните, а не приватникот, има решенија, вели Лазаревски, експертот за ЈПП
Договор во кој приватникот треба да изгради две монтажни катни гаражи и да одвојува еден отсто од годишниот приход за...
Маркети, аптека и големи увозници на овошје и зеленчук затворени поради непочитување на владините мерки за маржите
Кај осум правни субјекти пазарната инспекција констатирала целосно непоичитување на владините мерки од кои три маркети, една аптека и три...
Филков: Не смееме да дозволиме жртвите на кривични дела со насилство да останат без заштита, а насилниците да бидат неказнети
На третиот правосуден форум за родова рамноправност на Западен Балкан, министерот за правда, Игор Филков, порача дека нема напредок во...
Продолжувањето на проектот „Скопје 2014” ќе биде поздравено од идејниот творец, кој е на печалба во Будимпешта, Жерновски за натстрешникот на МНР
„Не мора да се носат наочари за сонце бидејќи нè зафаќа сè поголема сенка. Токму овој потег е она што...
Паркирањето на Клинички ќе биде 50 денари, што за Таравари е добра цена, но вели дека договорот не е потпишан и ќе поништи ако јавноста е против
Секогаш ми значи мислењето на јавноста, договорот со албанската компанија за паркингот на Клинички центар не е потпишан и може...
Сиљановска–Давкова се сретна со Јандроковиќ: Претседателот на хрватскиот Сабор со став дека заканата со вето од соседите не е фер
Претседателката Гордана Сиљановска-Давкова го прими претседателот на Саборот на Република Хрватска, Гордан Јандроковиќ, кој е во официјална посета на земјава....
Орбан: ЕУ нема пари, а планот за вооружување може да ја уништи Европа
Унгарскиот премиер Виктор Орбан го исмеа амбициозниот нов план на ЕУ за големи дополнителни трошоци за одбраната, предупредувајќи дека тоа...
Утрово, најстудено во Берово, денеска максималната температура до 23 степени
Утрово најстудено било во Берово каде што биле измерени -5 степени, -4 било во Битола, -3 во Струмица, -2 во...
ДУИ: Првпат од потпишувањето на Охридскиот рамковен договор ниеден Албанец не зазема водечка позиција во Армијата
„За прв пат од потпишувањето на Охридскиот рамковен договор, ниту еден Албанец не зазема водечка позиција во Армијата на Северна...
Левицата: Скандалозен договор со контроверзна албанска фирма – Таравари го продаде паркингот на Клинички
„Министерот за здравство, Арбен Таравари, де факто го приватизира јавниот паркинг, лобирајќи албанска компанија да стопанисува со паркингот на Клиничкиот...
(Видео) Експлодира „Старшип“ на Маск, паѓаа делови, стопирани авионски летови
Вселенското летало Starship на SpaceX експлодираше во четвртокот, само неколку минути по полетувањето од Тексас, спречувајќи обид да се распоредат...
Макрон: Путин е ревизионистички империјалист, ја разоткривме неговата игра
Францускиот претседател Емануел Макрон вчера го обвини својот колега Владимир Путин дека е „ревизионистички империјалист“, кој, според неговите зборови, направил...
Трамп: „Ако НАТО не плати, нема да ги бранам“, Макрон му одговори
Доналд Трамп вчера ја доведе во прашање и посветеноста на САД кон НАТО и солидарноста на сојузничките земји во рамките...
(Видео) Европската ракета лансира шпионски сателит
Нова европска ракета Ariane 6 вчера успешно лансираше француски шпионски сателит на својата прва целосно оперативна мисија, означувајќи го враќањето...
Заклучоците за Украина усвоени во Брисел, од 27 земји, поддржани од 26
Лидерите на сите земји-членки, освен Унгарија, ја повторија својата силна поддршка за Украина и ја истакнаа потребата руската агресија да...
