Македонија
„Една недела институционално насилство врз Албанците – седум дена што ќе остават последици со години“, порача ДУИ

„Во една недела што ја разоткри вистинската слика на власт што ги третира Албанците како непожелни во сопствената држава, провокациите не запреа ниту еден ден“, велат од ДУИ.
„Заменик-премиерот Стоилковиќ, кој претходно беше поставен на чело на министерството одговорно за Охридскиот договор не за да го брани, туку за да ги провоцира Албанците, сега го добива и одликувањето „Војвода Вук“ од здружение што ги промовира вредностите на војните од 1912-1918 година – период кога Албанците беа масакрирани и протерани од своите родни огништа, а ниту Македонците не поминаа подобро. Чиста провокација, отворен предизвик кон жртвите и историјата.
Милорад Додик, негаторот на масакрите во Сребреница и Косово, беше пречекан во Скопје со највисоки државни почести и оттаму испрати пораки против НАТО и Европската Унија, величејќи ја Русија. Ова покажа дека оваа влада нема никаков западен курс, туку единствено врски со силите што му донесоа трагедии на Балканот.
На историски ден, 28 јануари, кога се одбележа годишнината од назначувањето на првиот премиер Албанце, Албанците беа понижени и дискриминирани повеќе од кога било, во атмосфера на отворени провокации.
Во Собранието, раководено од негаторот на албанскиот јазик, Африм Гаши, беа вработени само тројца Албанци, наспроти дваесет Македонци, а одлуките продолжуваат да се издаваат исклучиво на македонски јазик.
Владата незаконски му го укина статусот на правно лице на Инспекторатот за албански јазик, со јасна намера да се елиминира секој механизам за заштита на јазичната еднаквост. Овој потег не е само напад врз еден институционален орган, туку напад врз сите Албанци.
Премиерот ја објави листата од 17 свои советници, на која Албанците речиси и да не постојат. Ова е јасен доказ дека Албанците не се добредојдени во неговата влада и дека за нив нема место во одлучувањето.
На границата со Косово продолжуваат понижувачките и намерни колони во Блаце, координиран обид да се попречи секојдневната комуникација меѓу Албанците од двете страни на границата.
А за крај на неделата, партиите од таканаречената Влен јавно признаваат дека не можат да ја освојат поддршката на Албанците и дека единствениот начин да преживеат политички е да се надеваат на гласачите на ВМРО-ДПМНЕ.,
Маските паднаа означувајќи го почетокот на политичкиот крај за групацијата што ги продаде албанските интереси за лична моќ.
Само седум дена, но штета што ќе остави последици со години.
Влада што не управува, туку владее со Албанците со ароганција и дискриминација.
Власт што веќе не ги крие своите намери.
Недела што покажа дека битката за еднаквост не е завршена“, се наведува во соопштението на ДУИ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.
Македонија
„Уапсени се полицајци и полициски функционери кои биле на смена кобната вечер“: СДСМ ја поздрави акцијата на ОЈО ГОК за Кочани

„Ја поздравуваме вечерашната акција на Обвинителството за организиран криминал и корупција во која се лишени од слобода полицајци и полициски функционери кои биле на смена кобната вечер на 16 март во т.н. дискотека Пулс во Кочани“, соопшти СДСМ.
„Фактот што четири месеци ВМРО-ДПМНЕ се обидуваше да ја сокрие одговорноста на полицајците и полициските функционери, фактот што нивната вина беше негирана од страна на Панче Тошковски и Христијан Мицкоски укажува на тоа дека сите биле вмешани или на некој начин знаеле за нелегалното работење на Пулс и тоа го одобрувале.
Само поради обидите да се сокрие одговорноста од страна на Тошковски и Мицкоски на лицата кои тие ги поставија за полицајци, командири и началници би требало веднаш да си поднесат оставки.
Одговорност мора да има и за Александар Јанев, директорот на БЈБ. Тошковски и Јанев не смеат повеќе да ја попречуваат истрагата ниту да влијаат некој да не сноси одговорност.
Вистината за Кочани која цела недела ја објавуваше СДСМ е точна. Се покажа дека без силен притисок на јавноста, на дел од медиумите и на СДСМ нема да има правда за Кочани. Време е за одговорност, време е за оставки“, се додава во соопштението на СДСМ.