Свет
Саркози една година ќе носи електронска алка на ногата

Поранешниот претседател на Франција, Никола Саркози, кој е осуден поради корупција и трговија со влијание, од денеска ќе носи електронска алка на ногата.
Касациониот суд во декември ја потврди пресудата за Саркози – тригодишна затворска казна. Две години затвор се суспендирани, а Саркози е осуден на носење на електронски мониторинг уред една година, наместо да оди во затвор.
Одлуката на судот значи дека Саркози ќе мора да носи електронска алка и оти три години нема право да с е кандидира за јавна функција.
Саркози по напуштањето на функцијата во 2012 година беше прогласен за виновен од понискиот суд за обид за поткуп на судија и тргување со влијание во замена за доверливи информации за истрагата за финансиите на неговата кампања во 2007 година. Судот утврди дека Саркози направил заговор да обезбеди работа во Монако за судија во замена за внатрешни информации за истрагата за наводите дека прифаќал незаконски плаќања од наследничката на Лореал, Лилијан Бетенкур. Судијата Гилберт Азибер, исто така, беше осуден за корупција и трговија со влијание.
Поранешниот француски претседател се соочува и со судење по обвиненијата за корупција и нелегално финансирање поврзани со наводното либиско финансирање на неговата претседателска кандидатура во 2007 година. Саркози негира дека е виновен. Доколку биде прогласен за виновен во тој случај, може да се соочи со казна затвор до 10 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Новиот командант на Иранската револуционерна гарда: „Наскоро ќе се отворат портите на пеколот“

Новоименуваниот командант на иранската револуционерна гарда, Мохамад Пакпур, се закани со жестока одмазда за израелските напади во кои беше убиен неговиот претходник, Хосеин Салами.
„Како одмазда за крвта на нашите убиени команданти, научници и граѓани, портите на пеколот наскоро ќе се отворат за овој режим кој убива деца“, рече Пакпур во изјавата што ја пренесе иранската државна новинска агенција ИРНА.
Свет
Иранскиот претседател: Израел ќе зажали, ќе одговориме силно

Претседателот на Иран, Масуд Пезешкијан, вети дека Иран ќе одговори легитимно и силно на израелските воздушни напади што утрото го погодија Техеран и неколку други градови.
Во пораката објавена на официјалната веб-страница на неговата канцеларија, Пезешкијан рече дека иранскиот народ и официјалните лица нема да молчат пред злосторството за кое рече дека го извршил Израел.
„Одговорот на Иран ќе го натера Израел да зажали за оваа глупава одлука“, рече Пезешкијан, повикувајќи ја нацијата „на единство, доверба, солидарност и консензус повеќе од кога било“.
Тој додаде дека е убеден дека иранскиот одговор ќе биде „поостар, помудар и посилен“.
Пезешкијан ги нарече нападите „брутална агресија врз Техеран и другите ирански градови“, истакнувајќи дека меѓу загинатите има „деца, жени, невини цивили, воени команданти и нуклеарни научници“. Тој го обвини Израел дека со своите постапки ги прекршува меѓународните обврски и ја потврдува „криминалната природа на нелегалниот ционистички режим“.
Тој рече и дека неговата влада ќе се погрижи секојдневниот живот на граѓаните да продолжи без прекин во услугите.
Израелските воздухопловни сили рано утрото нападнаа цели во Техеран и неколку други ирански градови. Државната новинска агенција ИРНА објави дека началникот на Генералштабот на иранските вооружени сили Мохамад Багери, командантот на Корпусот на гардата на Исламската револуција Хосеин Салами, командантот на Генералштабот на Катам ал-Анбија Голам-Али Рашид и командантот на воздухопловната единица на ИРГЦ Амир Али Хаџизаде се убиени во нападот во Техеран.
Иранскиот врховен лидер Али Хамнеи по нападот рече дека Израел „мора да чека строга казна за неговото злосторство против Иран“.
Свет
Израел објави видео од агенти кои инсталираат системи за напад во Иран

Израелската шпионска агенција Мосад објави видео за кое тврди дека покажува двајца нејзини агенти на иранска територија како распоредуваат прецизни системи за удар дизајнирани да ги уништат иранските системи за противвоздушна одбрана.
Не е можно самостојно да се потврди времето или локацијата на снимањето, наведува Би-Би-Си.
Претходно беше објавено дека израелската разузнавачка служба формирала воена база во Иран каде биле складирани беспилотни летала кои биле прошверцувани во земјата многу порано и биле користени за време на нападот.
На почетокот на нападот и паралелно со воздушните напади на израелските воздухопловни сили, Мосад ги активирал системите кои биле однапред подготвени за операцијата, изјавил во петокот наутро доверлив и анонимен извор за израелскиот весник Хаарец.
Според изворите, експлозивните дронови биле поставени на ракетни фрлачи земја-земја во воена база во близина на Техеран. Во исто време, командантите на Мосад станаа активни во централен Иран и поставија оперативни системи за прецизно наведувано оружје во отворени области во близина на иранските системи за противвоздушна одбрана.
Изворот тврди дека Мосад во Иран има инсталирано и офанзивни системи за напад и дополнителни технологии на возила, наменети за неутрализирање на иранската противвоздушна одбрана што може да ги загрози израелските борбени авиони. Тие ги уништија одбранбените системи на Иран на почетокот на нападот.
Операциите на Мосад беа планирани во долг временски период и со години се собираа разузнавачки информации. Според Хаарец, израелската војска и Мосад со години работеле на собирање разузнавачки информации за високи ирански одбранбени функционери и нуклеарни научници кои биле убиени, како и за иранската стратешка ракетна инфраструктура.
Стотици израелски воени авиони нападнаа повеќе од 100 цели низ Иран во текот на ноќта во петокот, вклучително и нуклеарни постројки и познати резиденции на високи ирански функционери, со цел да ја осакатуваат нуклеарната програма на Техеран и неговата способност да лансира балистички ракети.