Европската унија нема да дозволи одлуката на САД да воведат царини од 25 отсто за увоз на челик да остане без одговор, изјави денеска претседателката на Европската комисија Урсула фон дер Лајен.

„Длабоко жалам за одлуката на САД да воведат царини за европскиот извоз на челик и алуминиум“, рече фон дер Лајен во објавата на мрежата X.

ЕУ, според неа, ќе дејствува за да ги заштити своите економски интереси, работниците, работодавачите и потрошувачите.

Најмалку пет лица загинаа откако бомбаш самоубиец активираше експлозив врзан за неговото тело пред банка во североисточен Авганистан, соопшти полицијата.

Експлозија се случи утринава кај филијала на Кабул банка во провинцијата Кундуз, при што загина еден чувар и четворица други, меѓу кои цивили и членови на талибанците, кои се на власт во земјата, соопшти полицијата.

Седум лица се ранети, додаде портпаролот на провинциската полиција.

Тој не кажа за кого се верува дека стои зад нападот, а ниту една група сè уште не ја презела одговорноста.

Милитантите од авганистанскиот огранок на Исламската држава водат бунт против талибанците откако тие се вратија на власт во 2021 година.

Талибанските власти тврдат дека во голема мера ја уништиле групата иако таа продолжува да извршува напади во земјата.

Судијаката од Малта, Надија Хелена Вела вчера донесе осудувачка пресуда за 38-годишен државјанин на Босна и Херцеговина кој беше обвинет за поседување порнографски материјал со малолетници.

Судијката рече дека казната ќе ја изрече на 14 февруари, а името на осуденото лице не беше објавено за да се заштити приватноста на неговата осумгодишна ќерка.

Според локалните медиуми, тој признал дека произведувал, дистрибуирал и поседувал порнографски материјал во кој има деца помлади од девет години.

Неговиот адвокат рече дека во целост соработувал со полицијата и признал се во почетокот на процесот, поради што смета дека тоа треба да се земе како олеснителна околност при изрекувањето на пресудата.

Адвокатот додаде дека осудениот има проблем со алкохолот, поради што ќе побара стручна помош.

При изрекувањето на казната, судијата наредил да му бидат уништени и двата мобилни телефони кои содржеле порнографска содржина.

Со оваа пресуда тој ќе биде ставен во регистарот на насилници на деца, пренесуваат медиумите во регионот.