Свет
Путин: Рускиот нуклеарен потенцијал мора целосно да се искористи

Рускиот претседател Владимир Путин изјави дека нуклеарниот потенцијал на земјата мора целосно да се искористи за развој на економијата и одбраната на земјата, пренесе денеска РИА Новости.
„Уникатниот потенцијал на домашната нуклеарна индустрија мора целосно да се искористи за модернизација на економијата и обезбедување на одбранбените способности на Руската Федерација“, рече Путин.
Изјавата на претседателот на Русија е дел од честитката што помошникот на претседателот за наука и образование Андреј Фурсенко им ја пренесе на учесниците на состанокот посветен на претстојната 80-годишнина од домашната нуклеарна индустрија.
„Важно е уникатниот потенцијал и навистина неисцрпните иновативни способности на нуклеарната индустрија денес целосно да се искористат за модернизација на националната економија, обезбедување на одбранбените капацитети и енергетска безбедност на земјата и обука на модерен, квалификуван персонал“, се наведува во честитката, пренесе Танјуг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.