Фудбалерите на Клуб Бриж на домашен терен ја совладаа Аталанта со 2:1, во плејофот од Лигата на шампионите.

Бриж беше подобар во поголемиот дел од натпреварот, но свои шанси за победа имаше и Аталанта.

Бриж, агресивно влесе во мечот и таквата определба му донесе предност по 14.минути игра. По грешката на дефанзивците на Аталанта, Талби ја пресече ропата, веднаш му асистираше на Ѓутла, кој реагираше мајсторски и погоди за 1:0.

Аталанта , по 25 минуита ја презеде контролата врз натпреварот, но притисокот вроди со плод дури во 41.минута. Запакоста нафрли, а Пашалиќ со глава погоди за 1:1.

Во вторито дел Аталанта имаше две големи шанси за водство но не успеа да ги реализира, најпрвин Запакоста, а потоа Самарџиќ.

Мечот беше решен в судиското надополнување, кога германецот Мелер покажа на белата тошшка за Бриж. Неговата одлука ќе биде предмет на анализи, а истата предизвика гнев кај сите во Аталанта. Хиен немаше намера да го собори Нилсон, но во обид да ја загради топката го удри со рака во лицето, а судијата покажа на белата точка.

Нилсон го реализираше пеналот, а тренерот на Аталанта Гасперини демонстративно го напушти теренот и замина во соблекувалната.

Реваншпт во Бергамо на приограмата е за шест дена.

Фудбалерот на Баер Леверкузен, Флоријан Вирц ќе го продолжи договорот со клубот, дознава германскиот весник „Билд“.

Вирц веќе извесно време е во преговори со Баер за продолжување на соработката.

Актуелниот договор на играчот за врска истекува во летото во 2027 година. Според „Билд“, новиот новиот договор ќе биде продолжен за уште 12 месеци, а Вирц ќе заработува преку 10 милиони евра годишно наместо досегашните осум милиони.

Во договорот на германскиот репрезентативец ќе има и откупна клаузула вредна 125 милиони, која ќе важи од летото 2026 година.

Неколку богати клубови изразија интерес за 21-годишниот фудбалер.

Манчестер сити е најсериозен во обидите да го ангажира Вирц, сидејќи е извесно дека Кевин Де Брујн ќе го напушти „Етихад“ кога ќе му истече договорот на лето.

Вирц е најважниот играч на Баер оваа сезона. Тој е плејмејкер, но веќе постигна 15 гола и забележа 12 асистенции во сите натпреварувања.

Баер Леверкузен е на второто место на табелата во Бундеслигата со 46 бодови, додека Баерн е лидер со 54.

Според моделот на младинската Лига на шампиони на УЕФА и Европската ракометна федерација (ЕХФ) ќе воведе натпреварување за тимови до 18 години. Натпреварувањето ЕХФ го нарече „EHF Youth Club Competition“. Во премиерното издание ќе учествува и Еурофарм Пелистер. Битолчани ќе учествуваат на турнирот во Букурешт, а противници ќе им бидат Динамо, Кјелце и Висла.

Премиерното издание ќе се игра турнирски, а завршниот турнир ќе биде во Келн.
Ќе учествуваат 16 екипи поделени во четири групи од по четири екипи. Победниците на турнирите ќе се пласираат на фајналфорот во Келн.

Турнирите ќе се одржат во Барселона, Букурешт, Веспрем и Берлин:

Турнир во Барселона: Барселона, ПСЖ, Нант, Спортинг

Турнир во Веспрем: Веспрем, Загреб, Сегед, Војводина

Турнир во Берлин: Фуксе Берлин, Магдебург, ГОГ, Савехоф

Турнир Букурешт: Динамо Букурешт, Кјелце, Висла Плоцк, Еурофарм Пелистер

Вкупно, 13 од 16. клубови кои имаат тимови во сениорската Лига на шампиони учествуваат во ова ново натпреварување до 18 години.

Алборг, Фредериција и Колштад не се дел од турнирот, а нивните места ги заземаа ГОГ, Војводина и Савехоф.

ЕХФ се надева дека новото клупско натпреварување, младинската Лига на шампиони, дополнително ќе помогне во развојот на ракометот.