Македонија
ВМРО-ДПМНЕ: Намалувањето на средствата за МЗТ од Општина Аеродром е поради фактот што сегашното раководство работи многу подобро и обезбедува многу повеќе спонзори

„Колку и да сме сконцетрирани на претстојната завршница од Купот на Македонија, каде што сме подготвени да го дадеме последниот атом енергија за да дојдеме до 13-тиот трофеј во ова натпреварување, не можеме да ја премолчиме злоупотребата на МЗТ Скопје Аеродром во политички цели во момент и кој не е случајно избран. СДС денеска излезе со политички памфлет без никакви аргументи и само со конфузни прашања, во кој го споменува нашиот клуб, нешто што веруваме дека е со цел да внесе немир во нашите редови пред вечерашната четвртфинална пресметка со Работнички. Тоа не само што нема да се случи, туку нивните ниски удари ќе ни дадат дополнителен мотив да одиграме најдобро што знаеме за да победиме на спортското поле, кое е единствено на кои ние како клуб се натпреваруваме.Нивниот т.н. напад дека општина Аеродром наместо 24 милиони денари од нивно време сега за МЗТ дава двојно помала сума ја сфаќаме како пофалба на нашата работа изминативе години откако тие не се на власт“, велат од ВМРО-ДПМНЕ.
Според нив, намалувањето на средствата е поради фактот што сегашното раководство работи многу подобро на терен и обезбедува многу повеќе спонзорски договори од приватни компании.
„Ваквата работа треба да биде пофалена, а не нападната, секако ако тоа се прави со чесни намери, а не од ситни политички побуди. СДС мора да знае дека вкупниот буџет на МЗТ е ист како и во годините претходно, дури и поголем од нивно време, но наша интенција е да бидеме што повеќе самоодржливи и да функционираме со средства кои самите ќе ги обезбедиме со макотрпна работа на терен, а не само да се чекаат парите од граѓаните, нешто што тие го правеа додека беа на власт во општината, а со тоа и во МЗТ. Тука несомнено е и поддршката од Министерството за спорт, кои наместо „ваучери“, даваат директна финансиска помош во спортските клубови, која помош се зголемува од година во година. Заврши времето кога општина Аеродром трошеше ијладници евра народни пари на ветар и магла. За потсетување, еден кубик даски во нивно време чинеше повеќе од 10.000 евра. Таквото расипништво ги однесе во опозиција, а судејќи по изјавите, сеуште не ги научиле грешките“, посочуваат од партијата и додаваат:
„Спортот е динамичен и интересен токму поради изненадувачките резултати, но тоа не значи испаѓање ниту, пак, крај на амбициите за играње со најдобрите во регионот и во елитните натпреварувања на ФИБА. Само спортски лаик може така едноставно да ги презентира работите, само за да мисли дека му е издржан политичкиот памфлет. МЗТ ниту е понижен, ниту неговите навивачи се прелажани. Играчите сѐ уште го оставаат срцето на паркет на секој натпревар, но за да го видите тоа треба да дојдете во сала, а не да се криете по штабови и да смислувате како да ѝ наштетите на „Гордоста на Аеродром“. На МЗТ дефинитивно му треба обединување на сите политички, партиски и останати субјекти. Еве ви уште денеска шанса за такво нешто. Наместо да читате празни памфлети исполнети со лаги и полувистини, дојдете во Гевгелија и помогнете им на нашите момци да го победат Работнички. Така ќе покажете дека навистина го сакате клубот, а не дека само бркате политички поени на него“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сончево и топло низ целата земја, температури до 27 степени

По нестабилностите од претходните денови, денес ќе има стабилизација на времето во целата држава. Ќе биде сончево и топло, со мала до умерена локална облачност, што нема значително да влијае на пријатниот временски амбиент.
Ќе дува слаб до умерен ветер од јужен правец, што дополнително ќе придонесе за благи и пријатни температури низ земјава. Временските услови ќе бидат погодни за активности на отворено, прошетки и патувања.
Минималните утрински температури ќе изнесуваат од 5 до 11 степени Целзиусови, а максималните дневни температури ќе се движат од 19 до 27 степени Целзиусови.
И во главниот град не очекува сончев и топол ден, со мала до умерена облачност. Ќе дува слаб до умерен ветер од јужен правец, а температурите ќе бидат идеални за викенд-излети и дружења на отворено. Во Скопје минималата утринска температура ќе изнесува 8 степени Целзиусови, додека максималната дневна температура ќе достигне до 27 степени Целзиусови.
Македонија
Родителите на децата загинати во пожарот во Кочани: Живееме за да одиме на гробишта, да си помуабетиме со нашите деца

Обвинители, дали нашиот молк, тишината и тагата по нашите деца, кои се убиени, ви даде право да ослободите лица кои беа во притвор, а се соучесници во убиството на нашите деца, прашаа родителите на настраданите во пожарот во дискотеката „Пулс“ пред почетокот на денешниот трет протестен марш „Задоцнета реакција“ што се одржа во Кочани.
Точно во 12 часот и 5 минути учесниците на маршот тргнаа од Паркот на Револуцијата кон Трговскиот центар и кон општинската зграда, а оттаму кон полициската станица, Судот и Обвинителството во Кочани.
Нѐ прашува ли некој нас како ги минуваме деновите, какво е чувството да знаеш дека детето никогаш повеќе нема да се врати дома, да ги видиш неговите убави очи, неговата убава насмевка, да го слушнеш како се смее, да дочекаш уште еден Велигден со него. Живееме за да одиме на гробишта, да си помуабетиме со нашите деца, да им раскажеме колку тие недостигаат дома, вели Јулија Златкова, чиј син настрада во пожарот.
Вели дека протестите ќе продолжат се додека не биде задоволена правдата.
– Ќе продолжиме да излегуваме и да ги потсетуваме челниците на оваа скапана држава дека сме тука и до наш последен здив ќе ја бараме правдата за сите починати и повредените на 16. март, бидејќи ги закопавме нашите деца поради нечии грешки, поради тоа што некој бил корумпиран, поради тоа што ја злоупотребил својата функција за пари, за корист за личен бенефит. Нашите деца ги нема, но правдата мора да излезе на виделина, рече Златкова.
Пред општинската зграда родителите порачаа дека будно ќе ја следат работата на надлежните инспекциски служби, а в.д. градоначалникот Венко Крстевски им даде целосна поддршка истакнувајќи дека нема да бидат осамени во барањето правда, затоа што, како што рече, сите заеднички треба да го променат системот што е нефункционален.
На собирот пред Полициската станица семејствата на настраданите прашаа зошто полициските службеници кои последни беа вклучени во истрагата на Обвинителството се пуштени дома.
Тагата и револтот, родителите на загинатите во трагичниот пожар ги искажаа и пред Судот и Обвинителството, секој одделно споменувајќи го името на своето дете и плановите што ги имале за во иднина.
Протестниот марш заврши во Паркот на револуцијата, а присутните најавија дека ќе се одржува секоја сабота сѐ додека не ја добијат бараната правда за своите најблиски.
Македонија
МВР и СВР Охрид ги преземаат сите потребни предуслови за сите туристи во претстојната сезона да уживаат во својот одмор

Министерот за внатрешни работи Панче Тошковски денеска беше во работна посета на СВР Охрид и Полициската станица за граничен премин „Св. Апостол Павле“ на која се наоѓа Аеродромот во Охрид.
Како што информираат од МВР, Тошковски од посетата констатирал дека има зголемување на патниците на овој граничен премин, како и на сите гранични премини во рамки на Регионалниот центар – Запад.
За разлика од лани, има за околу 20 проценти зголемен број на патници на граничниот премин на Аеродромот, а за околу 30 проценти на граничниот премин „Блато“ кај Дебар.
Се фокусираме на зголемување на техничките услови и човечките капацитети со кои ќе можеме соодветно да одговориме на овој зголемен број на патници коишто го имаме во овој временски период. Добро е што имаме зголемена размена на туристи и сакаме тој број контактно да расте, што повеќе туристи да ги видат убавините на Охрид и Македонија, потенцирал Тошковски.
Нагласил дека МВР и СВР Охрид ги преземаат сите потребни предуслови за сите туристи во претстојната сезона да бидат безбедни и да уживаат во својот одмор, како во рамки на СВР Охрид, така и на територија на целата држава.