Црна хроника
По сообраќајните контроли, издадени 949 платни налози

Според досегашните статистичко-компаративни анализи од континуираните и засилени сообраќајни контроли што се превземаат секојдневно на патиштата низ земјава, и натаму останува заклучокот дека непочитувањето на прописите по однос на паркирањето, потоа пречекорувањето на брзината на движење и секако – возењето без возачка дозвола се прекршоци што најчесто ги прават учесниците во сообраќајот во државава, информираат од МВР.
Во тој поглед анализата на вчера превземените сообраќајни контроли само го потврдува таквиот заклучок, појаснуваат од таму. Така, вчера, од 949 издадени платни налози од страна на полициските службеници на целата територија на земјата, 313 прекршоци се однесуваат на неправилно паркирање, 154 – на пречекорување на брзината на движење, а 96 – на управување без возачка дозвола.
Исто така, забележително е дека зад оваа група на прекршоци и натаму следат по бројност прекршоците што се однесуваат на некористењето на сигурносен појас – 59, како и прекршоците заради говорење на мобилен телефон при возење – 32. Во рамки на вчерашните контроли прекршочно се санкционирани и 17 пешаци, шестмина возачи минале на црвено светло, а осумина возеле под дејство на алкохол, се истакнува во соопштението.
Инаку, согласно одредбите на Законот за возила, вчера биле евидентирани и 27 случаи на нерегистрирани возила што учествувале во сообраќајот, додека пак кај 34 возила била констатирана техничка неисправност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Управувал возило со 2,61 промили алкохол во крвта: уапсен возач од струшко

Синоќа во 20.00 часот на регионалниот пат Струга – Дебар, на место викано „Кореа“, полициски службеници од Полициското одделение Велешта при ОВР Струга го лишиле од слобода Д.Б.(60) од с.Пискупштина, струшко.
При контрола во патниот сообраќај, полициските службеници сопреле патничко возило „застава“ со струшки регистарски ознаки, кое го управувал и по преземени мерки било констатирано дека е под дејство на алкохол, односно дека има 2,61 промили алкохол во крвта.
Тој бил исклучен од сообраќај и задржан во полициска станица, а по целосно документирање на настанот против него ќе биде поднесена пријава по член 297-а од Кривичниот законик – „безобѕирно управување со моторно возило“, соопшти полицијата.
Топ
(Фото) Кривична против 29-годишен скопјанец: нелегално поседувал автоматска пушка и друго оружје и муниција, а ја истепал и сопругата

СВР Скопје – Единицата за насилен криминал поднесе кривична пријава по брза постапка против А.Р.(29) од Скопје поради постоење основи на сомнение за сторени кривични дела „неовластено изработување, држење, посредување и тргување со оружје или експлозивни материи” по член 396 и „телесна повреда” по член 130 од Кривичниот законик.
На 08.06.2025 во 20.30 часот во Скопје, полициски службеници од СВР Скопје го лишиле од слобода А.Р., постапувајќи по претходна пријава дека во семејниот дом на подрачјето на Бит Пазар физички ја нападнал неговата 33-годишна сопруга, при што употребил и тврд предмет.
Подоцна, со наредба од Основен кривичен суд Скопје, бил извршен претрес во неговиорт дом и биле пронајдени и одземени 1.167 куршуми од различен калибар, автоматска пушка калибар 7.62 х 39 мм, пиштол „Зораки“ за светлосна звучна сигнализација преправен во огнено оружје калибар 7.65 мм, полуавтоматски пиштол „Рангер“ калибар 9 мм, пневматски пиштол, една рачна граната, рамки за автоматско оружје, футроли за пиштоли, делови од огнено оружје, ножеви и други остри предмети и други предмети за кои постои основи на сомнение дека потекнуваат од кривично дело.
Од страна на судија на претходна постапка на пријавениот А.Р. му е изречена мерка притвор во траење од 30 дена.
Црна хроника
Тепачка во соблекувалната на Градскиот стадион во Виница, нападнат фудбалер на „Карбинци“

Две лица физички нападнале фудбалер од клубот „Карбинци“ во соблекувалната на Градскиот стадион во Виница.
Според информациите на МВР, поднесена е кривична пријава против Д.М.(44) и Н.К.(40), двајцата од Виница, поради постоење основи на сомнение за сторено кривично дело „насилство“.
На 04 јуни во соблекувална на Градскиот стадион во Виница, пред започнување на фудбалски натпревар помеѓу екипите на ФК „Слога“ од Виница и ОФК „Карбинци“, пријавените физички го нападнале М.Д., фудбалер на екипата на ОФК „Карбинци“.