Спорт
(Видео) Два гола на Асенсио, Астон Вила го победи Челси

Зимските засилувања Маркус Рашфорд и Марко Асенсио, во копродукција со голманот на Челси, Филип Јоргесен и ја донесоа победата на Астон Вила прптив „сините“ од Лондон (2:1). Гоманот на Челси „придонесе“ за поразот на Челси со аматерската реакција во 90.минута.
Челзи поведе, и тоа во раната фаза од мечот, во деветтата минута, кога Нето брилијантно го проигра Фернандез, а Аргентинецот рутински го совлада својот сонародник и соиграч од репрезентацијата Мартинез.
Вила можеше брзо да израмни, во 19. минута, но Оли Воткинс шутираше од многу добра позиција по средината на голот. Истиот играч пропушти шанса две минути подоцна, кога во последен момент беше блокиран.
Енцо Фернандез можеше да го удвои водството во 29. минута, но шутираше над голот на Астон Вила. Во следниот напад, по одличната индивидуална акција на Кол Палмер не успеа да погоди.
До крајот на првиот дел, Воткинс имаше уште една шанса и повторно промаши, додека на другата страна имаше шанса и Нкунку, но Мартинез забележа фантастична интервенција.
Педро Нето можеше да ја удвои предноста на Челзи на стартот од вториот дел, но промаши од добра позиција. Казната стигна многу брзо, во 57. минута Рашфорд упати прецизен пас до Асенсио, кој го донесе израмнувањето.
Палмер потоа имаше уште две шанси, но англискиот репрезентативец во двата наврати беше непрецизен, во 70. и 76. минута. Казната „сините“ ги стигна во 90.минута.
Нова асистенција на Рашфорд за Асенсио чии удар мина низ рацете на Јоргенсен.
Астон Вила со натпревар повеќе има 42 бода на седмото место, Челси има бод повеќе на шестата позиција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сане како слободен играч ќе го засили Галатасарај

Лирој Сане одби да го продолжи договорот со Баерн, а германските медиуми тврдат дека тој сигурно ќе го напушти клубот. Сане, според овие извори бил блиску до преселба во Галатасарај.
Сане отпатува во САД со Баерн на Светско клупско првенство, но дека само прашање на денови е кога ќе потпише со турскиот првак.
Турскиот шампион ги подобри финансиските услови што му ги нуди на Сане, играч чиј договор со германскиот шампион истекува на крајот на јуни. Тотенхем и Арсенал исто така беа заинтересирани за неговите услуги.
Сане ја започна својата професионална кариера во Шалке, а потоа играше за Манчестер сити од 2016 до 2020 година. Тој се пресели од англискиот клуб во Баерн, за кој одигра 153 натпревари во Бундеслигата и постигна 40 голови. Со Сити освои две титули во Премиер лигата, а со Баерн четири во Бундеслигата.
Галатасарај работи на зајакнување на играчкиот кадар пред сезоната во која ќе игра во Лигата на шампионите. Вредноста на Сане според „Трансфермаркт“ е 32 милиони евра.
Спорт
Чиле остана без пласман на СП и без селектор

Фудбалерите на Чиле забелаа уште еден пораз во квалификациите за пласман на Светското првенство следната година. По поразот од Боливија (2:0), Чилеанците остнаа без шанси за пласман на Мундијалот.
Ова е вистинска катастрофа за националниот тим, бидејќи не учествуваа и на претходните две Светски првенства, во Русија 2018 и Катар во 2022 година. Сето тоа се случи откако Чилеанците ја освоија Копа Америка во 2015 и 2016 година.
По поразот од Боливија, Чиле е на последното место на табелата во Јужна Америка. Како резултат на лошиот пласман, веднаш по поразот во Боливија, 67-годишниот Аргентинец Рикардо Гарека, доби отказ. Гарека го презеде Чиле во 2024 година, забележа само една победа во 13 официјални натпревари со Чиле.
Спорт
Сити го потврди трансферот на Рејндерс

Манчестер сити потврди уште едно засилување. Дресот на клубот од „Етихад“ ќе го носи и Холанѓанецот Тижани Рејндерс.
Сити го потврди трансферот од Милан на својата веб-страница, и иако не открија финансиски детали, медиумите објавија дека Сити ќе плати 70 милиони евра за трансферот на холандскиот репрезентативец, кој потпиша договор до летото 2029 година.
„Чест ми е што потпишав за Сити. Горд сум што сум дел од тимот на Пеп Гвардиола, чија работа ја следам со години, уште од Барселона со Лео Меси. Едвај чекам да почнам да работам со него и сигурен сум дека Гвардиола ќе ме направи уште подобар играч“, рече Холанѓанецот.
Пред Рејндерс, Сити ги претстави Рајан Аит-Нури и Рајан Шерки, додека голманот Маркус Бетинели пристигна од Челзи, кој ќе биде трет избор зад Едерсон и Стефано Ортега.
Нури пристигна за сума од околу 45 милиони евра, Шерки од Лион за 36+6 преку бонуси, што значи дека Сити потроши околу 150 милиони евра за летни засилувања.
Важно е да се истакне дека Пеп ќе може да смета на сите играчи на претстојното Светско првенство за клубови во САД.