Рускиот конзулат во Марсеј, Франција, рано утринава бил нападнат со „молотов коктел“, а нема информации за жртви, јавува „Анадолија“.

Инцидентот се случил околу 8 часот по локално време на авенијата Амброаз-Паре, улица на која се наоѓаат многу странски конзулати, објави BFMTV.

‼️ ⚡️Une explosion a tonné à l’intérieur du consulat russe à Marseille — BFM TV

«Il y a environ 30 pompiers et policiers travaillant sur les lieux», rapportent les médias. pic.twitter.com/NgsR7Df3Jw

— Camille Moscow 🇷🇺 🌿 ☦️ (@camille_moscow) February 24, 2025

Два „молотови коктела“ биле фрлени во дворот на конзулатот, но, за среќа, не е забележана штета или повредени, јавуваат медиумите повикувајќи се на полициски извори.

Во тек е истрага за мотивите за нападот.

Портпаролката на руското Министерство за надворешни работи, Марија Захарова, потврди дека имало експлозија кај рускиот конзулат во Марсеј опишувајќи ја како потенцијален терористички напад.

Москва ја повикува Франција темелно да го истражи инцидентот и да ја зголеми безбедноста во руските дипломатски претставништва, рече таа.

Папата Франциско, кој е во критична состојба и се бори со билатерална пневмонија, помина мирна ноќ во болница, спиејќи и одморајќи се, соопшти Ватикан.

88-годишниот папа беше примен во римската болница „Гемели“ на 14 февруари, откако неколку дена имаше проблеми со дишењето, а потоа му беше дијагностицирано воспаление на двете бели дробови.

Ватикан ја опиша неговата состојба како критична втор ден по ред во неделата и рече дека тој ден имал „почетни, благи знаци на откажување на бубрезите“.

Прогнозата за папата, кому во саботата му беше потребна трансфузија на две единици крв, откако доживеа „продолжена респираторна криза слична на астма“, останува неизвесна, покажуваат најновите медицински информации.

„Беше добра ноќ, папата спиеше и се одмара“, се вели во соопштението на Ватикан во една реченица објавено утрово, без дополнителни информации.

На денешен ден пред точно три години започна сеопфатната руска инвазија врз Украина. Руските сили, под наредба на Владимир Путин, започнаа сеопфатен напад врз Украина со цел да ја преземат контролата врз територијата, предизвикувајќи го најголемиот воен конфликт во Европа од Втората светска војна.

Инвазијата резултираше со десетици илјади жртви, масовно уништување на инфраструктурата и раселување на милиони луѓе. Украина и денес се спротивставува на руската агресија, три години по тој ден, и се стреми да ја зачува својата независност и територијален интегритет.

Потсетување на хронологијата од тој ден со придружната снимка, која на Икс ја објави Антон Герашченко, советник во украинското Министерство за внатрешни работи.

24.02.2022: the chronicle of a day that changed the fate of the entire world

▪️ It all started with Putin's speech, in which he announced the decision to start the so-called "SMO".
▪️ At 5:00 Russian troops attacked the state border of Ukraine from Russia and Belarus within the… pic.twitter.com/5gbumcCMlB

— Anton Gerashchenko (@Gerashchenko_en) February 24, 2025

• Се започна со говорот на Владимир Путин во кој тој го најави почетокот на т.н „специјални воени операции“.
• Во 5:00 часот, руските сили ја нападнаа државната граница на Украина од правец на Русија и Белорусија, во границите на регионите Луганск, Суми, Харков, Чернихив и Житомир. Покрај тоа, напад беше покренат од правец на окупираниот Крим. Ракети погодија десетици градови.
• Во 6:11 часот, претседателот Зеленски го свика Советот за национална безбедност и одбрана (NSDC), кој прогласи вонредна состојба.
• Во 6:46, Зеленски им се обрати на Украинците: „Не паничете! Ние сме силни, подготвени сме на се. Ќе победиме се. Затоа што ние сме Украина. Слава на Украина!“
• Веќе во 7:53 се појавија информации дека се соборени 5 авиони и 1 хеликоптер на Вооружените сили на Руската Федерација. Пристигнаа и првите вести за жртви меѓу војниците и цивилите.
• Во 10:40 часот, две „неидентификувани цели“ им се заканија на украинските граничари на Змискиот остров во Црното Море. Војниците зазедоа одбрана, а на агресорот му беше упатена фраза која стана мото на целата нација
• Во 12:40 часот руските специјални сили тргнаа во воздушен десант на аеродромот во Хостомел во близина на Киев.
• Во 13 часот руска оклопна колона го започна својот пробив кон Киев.
• Во 13 часот, министерот за одбрана Олексеј Резников изјави: „Сите што се подготвени да земат оружје, приклучете се на Територијалната одбрана. Ние им даваме оружје на сите патриоти кои се подготвени да го употребат против непријателот без двоумење!“
• Во 15 часот, портпаролот на Кремљ Песков изјави дека Путин е „подготвен за преговори“ доколку Украина ги прифати неговите услови.
• Во 16:00 часот руските сили напредуваа во регионот Суми и влегоа во зоната на Чернобил.
• По 17:30 часот, во близина на Чернихив се предаде извиднички вод на 74-та моторизирана бригада на вооружените сили на Руската Федерација.
• Во текот на првиот ден од инвазијата загинаа 57 лица, а 169 беа ранети.
• Околу 18 часот Зеленски им се обрати на светските лидери: „Ако не ни помогнете денес, утре војната ќе затропа на вашите врати“.
• Во 22:00 часот, 16 часа по почетокот, украинските вооружени сили, граничарите, спасувачите и припадниците на другите безбедносни сили херојски ја одржаа одбраната