Забава
По што Рибите родени во март се разликуваат од Рибите родени во февруари

Рибите се познати по својата чувствителност, интуиција и имагинација, но ако некогаш сте запознале припадници на овој знак, знаете дека не се сите исти. Ѕвездите откриваат дека постои јасна разлика помеѓу родените во февруари и оние кои слават роденден во март. Иако се обединети со нивната сонлива природа и склоност кон длабоки емоции, овие две групи Риби често се разликуваат во начинот на кој го перцепираат светот, изразуваат чувства и донесуваат одлуки.
Риби родени во февруари
Рибите родени во вториот месец од годината се вистински претставници на магијата на Нептун. Нивниот свет е исполнет со соништа, уметност и длабоки внатрешни искуства. Често се замислени, изгубени во мислите и склони кон интроспективни моменти. Нивната чувствителност е поизразена, а нивната енергија е помистериозна.
Карактеристики на Рибите родени во февруари:
Мистично и интроспективно: Нивната интуиција е неверојатна и често се потпираат на шестото сетило повеќе отколку на логиката.
Креативни души: Овие Риби имаат изразена уметничка низа – без разлика дали пишуваат, сликаат, играат или едноставно сакаат да истражуваат апстрактни светови.
Повлечени и чувствителни: Нивните емоции се интензивни, но ретко ги покажуваат на сите. Тие претпочитаат да ги изразуваат чувствата преку уметност, музика или симболика, наместо преку зборови.
Сонувачи и идеалисти: Нивната имагинација нема граници, па често имаат големи очекувања од животот и луѓето околу нив, иако понекогаш не знаат како да ги постигнат.
Риби родени во март
Рибите родени во март се подинамични, поприлагодливи и пореални во пристапот кон животот. Сè уште се чувствителни и интуитивни, но нивната енергија е малку поприземјена. Нивниот лик носи трага од влијанието на Марс, што им дава поголема иницијатива и сила да дејствуваат, наместо само да сонуваат.
Карактеристики на Рибите родени во март:
Прилагодливи и снаодливи: Иако сè уште се водени од емоциите, Рибите во март знаат како да се справат со предизвиците и да најдат решенија.
Подружељубиви и отворени: Полесно ги изразуваат своите мисли и чувства, па често се популарни во општеството.
Пореални сонувачи: Тие сè уште сонуваат, но се посвесни за тоа што можат да постигнат и како да стигнат таму. Нивната визија не е само апстрактна – тие знаат како да ја претворат во реалност.
Пострасни и поенергични: Влијанието на Марс им дава малку повеќе „борба“, па не се толку пасивни како Рибите родени во февруари. Кога сакаат нешто, полесно се мотивираат и преземаат акција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Бракот тројно го зголемува ризикот од дебелина кај мажите, покажа истражување

Бракот тројно го зголемува ризикот од дебелина кај мажите, покажа полско истражување.
Истражувањето кое ќе биде претставено на Европскиот конгрес за дебелина во Шпанија во мај, било спроведено на 1.200 парови во Полска и покажало дека ризикот од прекумерна тежина во бракот е зголемен за двата пола, но ситуацијата е особено акутна кај мажите.
Истражувачите заклучија дека кога се во брак, ризикот од прекумерна тежина се зголемува за 62 отсто кај мажите и 39 отсто кај жените, во споредба со оние кои не се во брак.
Оженетите мажи имаат 3,2 пати поголема веројатност да бидат дебели од слободните мажи, а таква разлика не е забележана меѓу мажените и слободните жени.
Ова потенцијално се објаснува со културните разлики во ставовите кон дебелината меѓу двата пола, се вели во истражувањето.
Студијата заклучи дека ризикот од дебелина исто така се зголемува со возраста. Секоја година, заканата од прекумерна тежина се зголемува за три проценти кај мажите и четири проценти кај жените. Ризикот од дебелина, сепак, се зголемува за четири отсто кај мажите и шест отсто кај жените, пренесува агенцијата ДПА.
Дебелината се дефинира како индекс на телесна маса од 30 или повеќе, а прекумерната тежина се дефинира како индекс од 25 до 29,99.
Истражувањето го водеше лекарот Алича Цича-Миколајчик од Националниот институт за кардиологија во Варшава.
„Возраста и брачниот статус имаат непобитно влијание врз прекумерната тежина или дебелината во зрелоста, без разлика на полот“, заклучува студијата.
Забава
Скарлет Јохансон не сака да се фотографира со обожавателите на улица, ја откри и причината

Актерката Скарлет Јохансон (40) објасни зошто не и е удобно да се фотографира со обожавателите кои ја среќаваат во јавност. Говорејќи на оваа тема додека го промовираше нејзиниот претстоен филм Jurassic World: Rebirth, Јохансон изјави за InStyle дека не сака да биде „идентификувана“ во одредено време и место. „Тоа навистина навредува многу луѓе“, призна таа.
„Секако дека ценам што луѓето се мои обожаватели и среќни што ме гледаат. Но, секогаш им велам: Не сум на работа. А тоа значи дека не сакам никој да ме „сними“ како некој што бил со нив во тој момент и на тоа место. Јас правам нешто свое“, додала таа.
Актерката нагласи и колку и е важно да ја зачува анонимноста на нејзините деца.
„Мислам дека анонимноста треба да се зачува што е можно подолго, барем додека самите деца не одлучат поинаку. Тоа е одлука што ја донесов за нив“, додаде таа.
Забава
(Видео) Српска инфлуенсерка го привлече вниманието на ревијата на Валентино во Париз

Тамара Калиниќ е една од најпознатите модни инфлуенсерки во регионот, чии модни избори секогаш се следат со голем интерес.
Оваа српска блогерка со постојана адреса во Лондон со години инспирира со своите елегантни, префинети и луксузни модни комбинации, а нејзиниот Инстаграм профил го следат речиси два милиони луѓе, кои секојдневно бараат инспирација во нејзиниот моден избор.
Сепак, нејзиното последно модно издание на ревијата на Валентино во Париз, одржана на 9 март 2025 година, предизвика различни реакции.
Тамара за оваа пригода беше облечена од глава до пети во парчиња на Валентино. Таа избра елегантен црн фустан со суптилни бели детали на ракавите од најновата колекција на брендот. Изгледот го комплетираше со црни хулахопки со дезен, салонки со црвен ремен околу глужд, црни очила за сонце и црна чанта.
Сепак, највпечатлив дел од нејзиното издание, што предизвика дискусија во коментарите, беше накитот за уста во форма на метална декорација што оди преку усните.
@tamara @Valentino ♬ original sound – Tamara Kalinic
„Ова е првпат да не ми се допадне ништо друго освен твојата убавина“, „Накитот за усни е ужасен. Веќе има доволно жени замолчени на овој свет за доброволно да носиш такво нешто во името на модата“, беа некои од критиките.
Но, за некои тој детаљ беше омилен дел од нејзината облека. „Накитот за усни ми е омилен!“, „Го сакам! Толку храбар и поларизирачки, тоа е она што го прави стилот одличен!“, „Секогаш најшик“, „Конечно вистинска мода! Накитот за усни совршено ја раскажува приказната за целата облека. Веројатно вашето најдобро издание досега!“