Свет
Трамп до министрите: Вие сте задолжени за отпуштањата, ако не ги решите, тогаш Маск ќе ги реши
Американскиот претседател Доналд Трамп им кажа на членовите на неговиот кабинет дека тие се одговорни за кратењето на работните места, а не Илон Маск, бидејќи продолжуваат прашањата за улогата на милијардерот во големите промени во федералната влада.
Трамп рече дека им кажал на своите министри на состанок зад затворени врати на кој присуствувале повеќето членови на кабинетот, како и Маск.
Во исто време, Илон Маск на приватни состаноци со републиканските пратеници изјави дека не е виновен за масовните отпуштања на федералните работници што предизвикаа бес низ САД. Според Асошиетед прес, во разговори со конгресмени кои се под притисок на гласачите незадоволни од отпуштањата на илјадници работници, вклучително и воени ветерани, Маск рекол дека одделни федерални агенции носат одлуки за отпуштање.
„Не сакам да видам големи отпуштања каде што многу добри луѓе ќе ги загубат своите работни места. Сакам министрите да ги задржат добрите луѓе, а оние кои не работат добро, на кои не може да се смета, кои не доаѓаат на работа и слично, тие луѓе можат да бидат отпуштени“, им рече Трамп на новинарите во Овалната соба.
„Ако министрите можат да ги направат кратењата, тоа е подобро. И ако не ги направат кратењата, тогаш Илон ќе ги направи“, рече Трамп.
Маск е јавното лице на напорите на администрацијата на Трамп да ги намали федералните трошоци и бројот на вработени преку Одделот за владина ефикасност, познат по својот акроним DOGE, кој, и покрај неговото име, не е вистинска федерална агенција. Сепак, Белата куќа останува на ставот дека Маск не е шеф на DOGE, туку „специјален државен службеник“ кој го советува претседателот и нема овластување да поставува политика.
Нејаснотијата околу тоа кој раководи со DOGE и каква власт всушност има Маск поттикна критики и правни предизвици поврзани со DOGE и масовните отпуштања во бројни агенции. Трамп ја додаде конфузијата кога во обраќањето пред Конгресот оваа недела рече дека DOGE е „воден“ од Маск, пренесува медиумот.
Трамп ги даде коментарите откако пратениците од двете партии изразија загриженост дека министрите, а не Маск, треба да носат одлуки за вработување и отпуштање.
Во вторникот, лидерот на мнозинството во Сенатот, Џон Тун, републиканецот од Јужна Дакота, изјави за Си-Ен-Ен дека целите на Маск се здрави, но дека раководителите на агенциите „веројатно се поинформирани за индивидуалните програми“.
Администрацијата на Трамп планира нови големи намалувања на бројот на вработени во федералната администрација.
„Златното доба на Америка штотуку започна. Во последните шест недели, нашата администрација ги исполни ветувањата какви што немаше, секогаш ставајќи ја Америка на прво место. Сега кога е формиран мојот кабинет, им наложив на министрите и раководството да работат со ДОГЕ на различни мерки за намалување на трошоците и кадровски прашања. Како министрите ќе ги запознаваатлуѓето во различните министерства и ќе ја сфатат нивната работа, ќе можат многу прецизно да видат кој останува а кој заминува Велиме „скалпел“, а не секира. Заедно со Елон, ДОГЕ и други големи луѓе ќе успееме да постигнеме историски резултати.
Само што имавме средба со повеќето министри, Илон и другите, и беше многу позитивна средба. Многу е важно да се намали бројот на вработени на вистинско ниво, но подеднакво е важно да се задржат најдобрите и најпродуктивните луѓе. Овие состаноци ќе ги продолжиме на секои две недели додека не се заврши оваа многу важна работа. Односите меѓу сите во таа соба се извонредни. Сите сакаат да стигнат до истата цел, а тоа е, едноставно, Америка да ја направиме повторно голема“, напиша Трамп на својата мрежа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Ринкевичс: Европа воено е слаба, мора да се врати задолжителниот воен рок
Претседателот на Летонија, Едгарс Ринкевичс, изјави дека европските земји мора да воведат задолжителен воен рок и да ги зголемат трошоците за одбрана, во светло на актуелните глобални предизвици.
„Европа е прилично слаба во воена смисла и мора да направи сериозни промени. Задолжителниот воен рок е неопходен за да ја зголемиме воената подготвеност“, изјави Ринкевичс за Скај њуз.
Летонија воведе задолжителен воен рок за мажи во 2023 година, а оваа година одреди буџет за одбрана од 1,55 милијарди евра, што претставува 3,45 отсто од бруто домашниот производ.
Ринкевичс нагласи дека во светот на геополитички тензии, европските земји треба да ги зголемат трошоците за одбрана, бидејќи актуелните односи со САД се менуваат, што бара поголема независност во воената сфера.
„САД имаат право да бараат повеќе од нас во распределбата на трошоците за одбрана, но ние исто така мора да ги надградиме нашите воени капацитети“, додаде тој.
Летонскиот претседател ги повика другите европски земји да го следат примерот на Летонија, бидејќи, како што нагласи, „одлуч
Свет
Тајната служба застрела маж со оружје во близина на Белата куќа
Американската тајна служба застрела вооружен маж од Индијана, кој се наоѓаше на еден блок од Белата куќа, рано утринава, откако локалните полициски власти ја известија агенцијата за „човек со самоубиствена намера“, соопшти агенцијата.
„Агентите на тајната служба беа вклучени во пукање по вооружена средба со лице од интерес веднаш по полноќ на 9 март“, потврди портпаролот на Тајната служба, Ентони Џулиелми, на платформата X.
Како што пренесува Њујорк пост, федералните агенти го забележале автомобилот на човекот паркиран во близина на раскрсницата на улиците 17. и Ф, до зградата на извршната канцеларија на Ајзенхауер, еден блок западно од западното крило на Белата куќа.
Неидентификуваниот маж тргнал кон познатата авенија Пенсилванија, каде што агентите на Тајната служба го пронашле веднаш по полноќ.
Дошло до „вооружена пресметка“ кога мажот извадил огнено оружје.
Агентите на тајната служба биле принудени да отворат оган врз мажот, кој потоа бил пренесен во локална болница во непозната состојба, соопшти агенцијата.
Никој од членовите на Тајната служба не е повреден, се вели во соопштението на агенцијата.
Американскиот претседател Доналд Трамп во моментот на пукањето престојувал на својот имот Мар-а-Лаго на Флорида.
Се верува дека мажот, за кој се вели дека бил со самоубиствена намера, допатувал од Индијана до главниот град во саботата, поради што локалната полиција ја известила Тајната служба.
Засега не се знае кои биле неговите мотиви, ниту дали имал намера да направи нешто.
Свет
(Видео) Руски војници со денови се криеле во гасоводните цевки пред нападот на градот Суџа
Руската војска се обиде да го врати градот Суџа, кој е под контрола на Украина, во западниот руски регион Курск, испраќајќи војници преку гасовод, соопштија украински воени власти.
Генералштабот на украинската армија доцна синоќа соопшти дека руските сили биле „навреме откриени“ од тим за воздушно извидување и одбиени со проектили, артилерија и со дронови, пренесе ДПА.
Информациите не можат да се потврдат од независни извори. На руските воени блогови претходно беше јавено за обид за напад врз Суџа.
Гасоводот што се користел, наводно, бил дел од системот што ја снабдувал Европа со руски гас до почетокот на годинава. Цевките се со дијаметар од 1,4 метри.
🇷🇺🇺🇦And here are the shots of the journey through the pipe to Sudzha. The soldiers had to walk 12 kilometers. Through the pipe. pic.twitter.com/JAl9NvshdD
— Intel Slava (@Intel_Slava) March 9, 2025
Прорускиот воен блогер роден во Украина, Јуриј Подољак, изјавил дека руските специјални сили поминале околу 15 километри долж главниот гасовод и дека некои од нив поминале неколку дена во цевката пред да ги изненадат украинските сили во близина на Суџа. Во Суџа се наоѓаат главните мерења на гасоводот што пренесувал руски природен гас во украинскиот гасен транспортен систем за понатамошен транспорт во Европа.
Прорускиот воен блогер „Two Majors“ изјавил дека се води голема битка за Суџа и дека руските сили ги изненадиле украинските војници влегувајќи во градот преку главниот гасовод. Руски Телеграм канали прикажале специјалци во гасни маски и со светла, со нешто што изгледало како голема цевка, објави хрватски Вечерњи.
„Борбите продолжиле цела ноќ во Суџа. Борбите не престанале“, рекол Подољак.
Друг воен блогер, Јуриј Котенок, изјавил дека украинските сили ја префрлуваат опремата од Суџа кон границата.
„Во овој момент нашите единици напаѓаат североисточниот дел на Суџа и се борат во областа на улицата Ломоносов и во индустриската зона на Суџа“, изјавил Котенок.
Украинскиот упад во Курск минатото лето бил најсериозниот напад на руска територија од нацистичката инвазија на Советскиот Сојуз 1941 година. Во последните недели и месеци руските сили ги истиснаа украинските сили од Курск, ставајќи десетици илјади украински војници во опасност од опколување.
Русија лансирала 119 дронови во напад врз Украина
Руските сили продолжуваат да окупираат приближно една петтина од територијата на Украина.
Најмалку 6 лица загинале во руски напади врз Украина во последните 24 часа, соопштија регионалните власти.
Русија во текот на ноќта лансирала 119 дронови врз Украина, а украинската противвоздушна одбрана соборила 73.
Гувернерот на регионот Доњецк, Вадим Филашкин, соопшти дека 2 лица загинале во градовите Покровск и Сиверск, додека, пак, 23 лица се повредени.
Во регионот Харков, 14-годишно дете загинало во руско гранатирање на селото Кившаривке, потврди регионалниот гувернер.
Според гувернерот на Херсонската област, Олександр Прокудин, во напади во областа Херсон загинале 3 лица, а девет се ранети.
Нарко-босот Валмир Етеми беше екстрадиран, а сега е пуштен од притвор со гаранција од 600.000 евра
Обвинетиот Валмир Етеми кој е организатор на криминална група за трговија со дрога и оружје во охридско-струшкиот регион, кој беше...
Јанев: Секој возач е потенцијална „жртва“ доколку не ги почитува сообраќајните правила
Директорот на Бирото за јавна безбедност, Александар Јанев, најави дека се размислува за комбинирање на повеќе мерки за подобрување на...
Василевска: ДУИ си вработи луѓе кои не одат на работа, а земаат плата, затоа глумат политичка жртва
Негативната селекција и позитивната дискриминација се два главни проблеми со кои македонското општество мора да се справи доколку сака вистински...
„БМВ“ удри во мопед, еден малолетник е тешко повреден, а другиот полесно
Еден малолетник е тешко повреден, додека друг добил полесни повреди откако во нив удрило „бмв“ додека тие биле на мопед....
Балканот ќе биде како под вршник, летото ќе биде пеколно, сушно и со екстремни бури
Балканот ова лето ќе се соочи со рекордно високи температури и екстремни временски услови. Долгорочните прогнози најавуваат топло лето и...
Во Сирија се случува масакр, над 1.000 лица се убиени за 48 часа
Повеќе од 1.000 луѓе, меѓу кои 745 цивили, се убиени во дводневните судири меѓу сириските безбедносни сили и борците лојални...
Николоски: Стево троши си ја пензијата и не туку дели „ум“ на светските лидери
Потпретседателот на ВМРО-ДПМНЕ, Александар Николоски, жестоко го нападна поранешниот претседател Стево Пендаровски, обвинувајќи го дека по десет месеци молк, сега...
Утрото ќе биде студено, а денот со пролетни температури до 23 степени
Денешното утро ќе биде студено, но преку ден се очекува сончево и топло време со мала до умерена облачност. Ќе...
Падна договор во Германија, Мерц ќе прави влада со партијата на Шолц
Германските конзервативци (ЦДУ/ЦСУ) и Социјалдемократската партија (СПД) ги завршија прелиминарните разговори за формирање коалициска влада, соопштија денеска партиските лидери. „Имаме...
Марш за женски права во Скопје, жените бараат крај на дискриминацијата
Денеска во Скопје се одржа марш организиран од Платформата за родова еднаквост, со слоганот „Нека јадат ружи!“. Поводот беше Меѓународниот...
Жестока караница меѓу Маск и Рубио во Белата куќа, Трамп ја смирил тензијата
На последниот состанок на кабинетот свикан од американскиот претседател Доналд Трамп, дојде до жесток конфликт меѓу државниот секретар Марко Рубио...
Ужас во Скопје: Вонбрачен партнер фрлил жена и деца од возило кои 3 дена по ред ги тепал
39-годишна жена и нејзините две малолетни деца се здобиле со тешки телесни повреди во Аеродром, откако биле исфрлени од возило,...
Мицкоски од Свети Николе: По 7 години пустош, конечно Македонија се гради
Премиерот Христијан Мицкоски денеска од Свети Николе порача дека Македонија влегува во фаза на обновување и развој, нагласувајќи дека по...
Трамп повлекува 35.000 војници од важна европска земја
Доналд Трамп размислува да ги повлече американските војници од Германија и да ги прераспореди во Источна Европа, со акцент на...
(Видео) Фицо: Значи, вие признавте дека тоа е закана за целата ЕУ
Земјите членки на Европската унија признаа дека прекинот на транзитот на гас преку Украина е проблем кој претставува закана за...
18-годишен возач пренесен во Скопје со сериозни повреди
18-годишниот Е.Е. од прилепското село Дебреште, управувајќи патничко возило „мерцедес“ на регионалниот пат Прилеп – Македонски Брод, излетал од патот...
СДСМ: „Грозје не сум пробал“ но „донеси папаја и манго“, Мицкоски се однесува како султан
Опозициската СДСМ и денеска остро ги критикуваше одлуките на Владата предводена од ВМРО-ДПМНЕ, потврдувајќи дека се работи за „најлажаната“ влада...
Стоматолог уценуван со видео клип за 5.000 евра од двајца напаѓачи
Основното јавно обвинителство во Скопје го истражува случајот на изнуда што се случил на 29 јануари, кога двајца осомничени, еден...
СДСМ: Таравари преку „Ѓока” ќе им наплаќа паркинг на пациентите како да се во шопинг мол!
Вчерашните изјави на министерот за здравство, Арбен Таравари, и премиерот Христијан Мицкоски, го потврдија тоа што СДСМ го тврди –...
Сончев викенд пред нас, време е за прошетки и уживање
Утрово температурите се пониски, но преку денот се очекува сончево и топло време со слаб до умерен јужен ветер. Минималните...
