Додека ден по натпреварот меѓу Атлетико и Реал Мадрид се води жива дебата за тоа дали голот на Хулијан Алварез бил легален, многумина се сетија на слична ситуација која му се случи на неговиот сонародник Лео Меси.

Славниот Аргентинец постигна гол во пенал рулетот за време на финалето на Светското првенство во Катар против Франција, но исто како и Алварез синоќа против Реал, двапати ја допре топката.

Единствената разлика е во тоа што Меси прво ја шутна топката, па таа удри во другата нога и заврши во мрежата.

C’est bien, ça ne dérangeait personne quand Messi a fait la même action sur le penalty lors de la Coupe du Monde contre la France.

Bravo le Real Vardride. pic.twitter.com/yOZy1EZAij

— BetProno (@BetPronooo) March 12, 2025

Алварез прво ја допре топката со другата нога пред да го изведе ударот, но во двата случаи беше направен прекршок, голот на играчот на Атлетико беше поништен, додека на Меси не.

🚨 More footage of Julian Alvarez’s penalty.

You decide if it was a double touch.pic.twitter.com/zpHZwnpRT0

— Atletico Universe (@atletiuniverse) March 13, 2025

Она што е всушност најинтересно во оваа приказна е дека судијата и во двата случаи бил Полјакот Симон Марчинијак.

Но, во 2022 година во финалето, Полјакот не доби сигнал од ВАР собата да ја погледне спорната ситуација, па останува прашањето дали воопшто го виделе или не сакале да го видат тој детал.

Светскиот шампион во тешка категорија Олександр Усик (23-0) би можел да ја загуби и титулата во ВБО доколку Украинецот не се бори со Џозеф Паркер (26-3).

Организацијата му даде рок од 30 дена на 38-годишникот да договори меч против Новозеланѓанецот, во спротивно Усик ќе остане „само“ со две титули ВБА и ВБЦ.

Усик стана првиот апсолутен светски шампион во тешка категорија во ерата на „четири појаси“ во мај минатата година, а најпрво го загуби појасот на ИБФ поради реваншот со една година помладиот Британец Тајсон Фјури (34-1-1) во декември.

Тогаш Англичанецот Даниел Дубоа стана шампион на ИБФ со промоција од привремен шампионски статус, а своето владеење го потврди со нокаут против Ентони Џошуа на преполниот Вембли.

Слична е ситуацијата и со 33-годишниот Паркер, кој ја одбрани привремената титула минатиот февруари во Ријад со нокаут над Конго Мартин Баколе, кој влезе како замена за Дубоа.

Усик најави дека има уште две професионални борби пред да се пензионира, а останува да видиме кој ќе биде неговиот следен ривал.

Легендарниот шпански судија Антонио Матеу Лахоз, кој сега работи како професионален коментатор, проговори за одлуката на главниот судија Шимон Марчинијак кој го поништи голот на Алварез, против Реал во пенал серијата.

На Лахоз не му се допадна фактот што Марчинијак ја прифати веднаш одлуката од ВАР собата без самиот да ја прегледа снимката.

„Ако донесете одлука толку брзо, претпоставувам дека имате јасна слика за ситуацијата. Секогаш ми недостига транспарентност, за сите да ја гледаме ситуацијата низ очите на главниот судија и пред мониторот. Со тоа ќе се избегнат контроверзните одлуки кои му штетат на спортот”, изјави Лахоз за ТВ Мовистар.

„Се оди кон тоа да се види ситуацијата од секој агол. Да бев информиран за оваа одлука, немаше да бидам мирен додека самиот не ја погледнев снимката. Би сакал да ја гледам и врз основа на тоа да одлучам. Тоа ќе беше моја одговорност, така го разбирам судењето.

Технологијата е корисна, но мора да се користи правилно, судијата мора сам да ја донесе одлуката. На начинот на кој што постапи Марчинијак и понатаму имаме сомнежи“, изјави Лахоз, кој ја заврши својата кариера во 2023 година.