Свет
Човекот на Трамп: Анектирањето на Канада е најдобриот начин за спојување на нашите економии
Американскиот министер за трговија, Хауард Лутник, изјави дека анексијата на Канада е најдобар начин за спојување на економиите на двете земји.
„Најдобриот начин, претседателот тоа го кажа, најдобриот начин, всушност, да се здружат економиите на Канада и Соединетите Американски Држави е Канада да стане нашата 51. држава“, рече Лутник за „Варни и ко“ на „Фокс бизнис-нетворк“.
Како што пренесува „Хил“, коментарите на Лутник доаѓаат во време на неодамнешните тензии меѓу САД и Канада ЗА царините. Во вторникот американскиот претседател Доналд Трамп рече дека ќе ги зголеми планираните тарифи за челик и алуминиум против Канада поради дополнителен надомест за електрична енергија од владата на Онтарио.
Премиерот на Онтарио, Даг Форд, подоцна во вторникот изјави дека нема да продолжи со дополнителната компензација откако САД понудија да се сретнат со Лутник денес.
Трамп претходно предложи Канада да стане 51. држава, но Марк Карни, идниот премиер на северниот сосед на САД, во неделата рече дека „Канада никогаш нема да биде дел од Америка на кој било начин, облик или форма“.
„Но, размислете за ова за момент, зошто американските автомобили се произведуваат во Канада? Тие работни места треба да бидат во Америка. И тоа го мисли претседателот, тоа е она што тој го кажува и тоа е она што ќе го изврши“, изјави вчера Лутник.
„Значи, клучната работа е што Канада ќе мора да работи со нас за навистина да ја интегрира својата економија. И како што рече претседателот, треба да ги земеме предвид неверојатните придобивки од тоа да станат 51. држава на Соединетите Американски Држави“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Расте бројот на повредени во рускиот напад врз Киев
Бројот на повредени во рускиот напад со беспилотни летала и ракети врз Киев се искачи на 19, објави Укринформ.
„Вкупниот број на повредени во главниот град сега е 19, од кои 11 се хоспитализирани“, напиша градоначалникот на Киев, Виталиј Кличко, на Телеграм.
-Има и штети на станбени згради, градилишта и претпријатија. Како резултат на нападите, една третина од Киев остана без греење, изјави украинскиот министер за надворешни работи, Андриј Сибиха.
Русија синоќа нападна неколку региони, вклучувајќи ги Черниговската, Николаевската, Харковската и Житомирската област.
Свет
Белата куќа ја потврди средбата на Трамп со Зеленски за утре
Американскиот претседател Доналд Трамп ќе се сретне со украинскиот претседател Володимир Зеленски утре на Флорида, соопшти Белата куќа.
Според распоредот на американскиот претседател, билатералните разговори ќе се одржат во 15 часот по локално време во Палм Бич, Флорида.
Белата куќа не издаде посебно соопштение во врска со ова, но во распоредот за викендот што го испрати до медиумите, го прецизираше времето за средбата меѓу Трамп и Зеленски за недела во 15 часот, пренесува „Њујорк тајмс“.
Повеќе детали не се соопштени. Зеленски овој состанок го најави вчера на социјалните мрежи.
Тој рече дека во таа пригода ќе претстави нов план од 20 точки за завршување на војната, кој вклучува предлог за демилитаризирана зона, а главен фокус на средбата ќе бидат безбедносните гаранции за Украина.
Свет
Уште трае рускиот напад, во Киев нема струја и парно, има и загинати
Речиси 9 часа Киев ноќеска беше под опсада. Во градот воздушната опасност сè уште е на сила поради заканата од балистички ракети. Русија лансираше повеќе хиперсонични ракети „Кинжал“, балистички ракети „Искандер“ и крстосувачки ракети „Калибр“ врз украинскиот главен град. Во нападот, најмалку 11 лица беа повредени, пишува „Киев Индепендент“.
Речиси една третина од украинскиот главен град е без греење, а во некои делови од Киев нема електрична енергија.
Kyiv is dying – just a few hundred kilometers from the NATO border.
All because Europe is led by the most cowardly and stupid politicians like Merz, Macron, Starmer, Meloni, and Tusk. pic.twitter.com/GqvmYbCwMf
— Jürgen Nauditt 🇩🇪🇺🇦 (@jurgen_nauditt) December 27, 2025

