„Денес ја одбележуваме четвртата годишнина од потпишувањето на Законот за употреба на јазиците – моментот кога беше заокружен легислативниот дел од Охридскиот рамковен договор, со што албанскиот јазик го доби заслуженото место во нашиот мултиетнички државен систем“, велат од ДУИ.

„Овој закон не беше само правна регулатива, туку историски чин што ја запечати еднаквоста и институционалната стабилност на земјата.

Но, четири години подоцна, анти-Охридските духови повторно се разбудија за да го нападнат најчувствителното прашање, токму таму каде што синџирот е најслаб – во прашањето на јазикот, најсилниот симбол на еднаквоста и меѓуетничката хармонија.

Обидите за доведување во прашање на уставноста на овој закон не се ништо друго освен напад врз самите темели на соживотот и евроатлантската ориентација на земјата.

ДУИ ја смета оваа политички мотивирана интервенција за регресивен чин кој не е насочен кон правда и институционален поредок, туку кон создавање тензии и отворање на старите рани од минатото.

Секој обид за оспорување на Законот за употреба на јазиците е обид за оспорување на Охридскиот договор и уставниот поредок на Северна Македонија.

Им упатуваме апел на сите државни институции и меѓународни фактори да не дозволат земјата да се лизне во патот на ревизионизмот, кој може да доведе до длабока политичка и институционална криза со непредвидливи последици.

ДУИ со сите демократски средства ќе го брани Законот за употреба на јазиците и нема да дозволи враќање назад. Јазичната еднаквост е неприкосновено право и ќе остане такво“, соопштуваат од ДУИ.

Општина Центар во соработка со Црвениот крст на општинска организација Центар по повод денот на крводарителството, организира крводарителска акција која ќе се одржи во понеделник (17 март), во периодот од 09:00 до 13:00 часот, во Сала на Совет на Општина Центар, барака 6.

Градоначалникот Горан Герасимовски, ги повикува сите жители на Центар да се приклучат на оваа важна акција. Чинот на дарување крв е едноставен начин да се спасат животи и да се покаже солидарност. Со секое дарување стануваме дел од процесот на спасување и помагање на оние во најголема животна опасност.

„Дарувањето крв не е само можност да помогнеме, туку и начин да ја изразиме нашата човечност. Со дарувањето, директно придонесуваме во спасување животи и ја поттикнуваме културата на хуманост во нашата заедница. Ги повикувам сите центарци да се приклучат на акцијата, секој може да биде нечиј херој. Во понеделник да даруваме крв и да им помогнеме на оние кои им е најпотребно“, истакнува Герасимовски.

Долгогодишната соработка на Општина Центар со Црвениот Крст, како и континуираната организација на крводарителски акции се од суштинска важност за позитивни промени и поттик на солидарноста во општеството, додаваат од општината.

„Портпаролот на СДС и претседателот на ССМ, Трендафилов очајнички продолжува да работи стриктно во интерес на опозицијата, а не на работникот. Благодарeние на СДС тој стана нелегално претседател на ССМ, молчеше додека тие беа на власт и додека граѓаните живееја со 150 денари на ден, а сега како на дугме се појавува во јавноста и ја напаѓа власта неаргументирано. Тој е единствениот синдикалец на кого му штети покачувањето на платите. Само тој и СДС се против зголемување на платите, односно се докажува дека се координирани“, велат од ВМРО-ДПМНЕ.

„Неговите илузорни барања кои не се поткрепени со анализи и се неаргументирани, туку се воедначени со барањата на СДС, се далеку од реалноста и затоа Трендафилов продолжува да ги пренесува интересите на СДС како нивен портпарол. Трендафилов треба да одговори дали сам си ја зголемил платата над 1000 евра и дали секој месец троши над 30 илјади денари за службено возило на релација Велес кон Скопје? Дали лицемерноста на Трендафилов е иста како и на СДС?“, посочуваат од партијата и додаваат:

„Портпаролот на СДС Трендафилов, воопшто не знае како е да се биде работник во државата, ниту пак знае како е да се биде во нивна кожа. Него го интересираат само политичките игри сервирани од Бихаќка. Заврши времето на како до сега, Трендафилов да се соземе“.