Спорт
Дрејпер го победи Алкараз: Цела недела го анализирав, знаев дека можам да го победам

Британскиот тенисер Џејк Дрејпер го победи Карлос Алкараз и се пласира во финалето на првиот Мастерс во сезоната, Индијан Велс.
Џек Дрејпер го совлада фаворизираниот шпански тенисер со 6:1, 0:6, 6:4. Од понеделник ќе биде рангиран меѓу 10. најдобри во светот.
„Играм тенис со левата рака, но јас сум деснак. Тоа е голем плус за мене, бидејќи постојано ги подобрувам моите удари, особено мојот форхенд и сервисот. Мојот бекхенд отсекогаш бил подобар, можев да го играм со затворени очи, но сега станувам подобар и со другата страна. Затоа немам проблем кога со форхенд дијагонали го напаѓаат мојот бекхенд. За останатите тоа слабост, но за мене тоа е предност“, изјави Дрејпер.
Алкарас откри дека го загубил полуфиналето бидејќи не ги контролирал добро емоции, а Дрејпер откри дека му помага кога има трема, бидејќи тоа подобро го мотивира.
„Исто така, имав сомнежи за тоа што ќе се случи на овој меч. На ова ниво, секогаш се плашам дека ќе загубам од толку добри ривали. Цела недела гледав дека Карлос игра добро, но бев сигурен дека можам да му направам проблеми. Сигурен сум дека многу тенисери излегуваат да играат против него без надеж дека можат да победат. Во такви ситуации, вербата во себе е многу важна“, рече Дрејпер.
Дрејпер во првото мастерс финале за противник ќе го има Данецот Холгер Руне.
Jack Draper’s reaction after beating Alcaraz at Indian Wells
He closes his eyes & puts his face towards the sky
He started 2025 coming off an injury
Now, he’s into the biggest final of his life & just had the biggest win of his life
Soak it in 🥹
— The Tennis Letter (@TheTennisLetter) March 16, 2025
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Интер маршира кон титулата, ја победи Аталанта во Бергамо

Интер ја совлада Аталанта во Бергамо со 2:0 во 29. коло од Серија А и ја презеде лената позиција на табелата во Серија А.
Ова беше еден од најважните натпревари за двата тима во трката за титулата, вториот против третиот на табелата и уште една во низата победи на Интер против Ла Деа“.
Стрелци за гостите беа Карлос Аугусто во 54. минута и Лаутаро Мартинез во 87.
Ова беше осма последователна победа на Интер против Аталанта во сите натпреварувања.
Екипата на Џан Пјеро Гасперини очигледно не знае да игра против „неро-азурите“, а тоа беше случај и вечерва, а немоќта на домашните беше видлива по нервозните реакции кои доведоа до жестоки расправии и на крајот и до црвени картони.
Еден доби Џанпјеро Гаспреини поради бурни протести, а во 81. минута и Едерсон, кој поради протест доби жолт, по што следеше ироничен аплауз во лицето на судијата, поради што мораше да замине во соблекувалната.
Интер на врвот има 64 бодови, три повеќе од Наполи и шест од Аталанта.
Спорт
(Видео) Барселона со спектакуларен пресврт на „Метрополитано“, од 2:0 до 2:4 против Атлетико

Атлетико и Барселона одиграа уште еден спектакуларен натпревар, овојпат на „Метрополитано“ во Мадрид. Во 28.коло, Барселона победи со 4:2 иако до 72.минута имаше негатива од два гола.
Атлетико поведе со голот на Хулијан Алварез во 45.минута. Аргентинецот ја реализраше акцијата која ја започна Гризман, а Симеоне му асистираше на сонародникот.
„Јорганџиите“ предноста ја зголемија во 70.минута преку Серлот. Ова е шести натпревар по ред на кој Норвежанецот постигнува гол против Барселона.
Тука, Атлетико застана, дали остнаа играчите на Чоло Симеоне без енергија, по исцрпувачкиот меч против Реал во средата, најдобро може да одговори тој самиот.
Левановдки намали на 2:1 во 72.минута, а шест минути подцна Феран Торес го изедначи резултатот.
Во судиското надополнување целосен шок за „јорганџиите“. Ударот на Јамал од 20 метри во 92.минута удри во Реинилдо, топката целосно го смени правецот го измами Облак и заврши зад неговиот грб.
Точка на мечот ставо Феран Торес во 97.минута.
Барселона, со натпревар помалку, се изедначи со Реал на првото место. Двата тима имаат по 60 бодови, четири повеќе од Атлетико.
Спорт
(Видео) Гол и две асистенции за Фернадеш, Јунајтед победи во Лестер

Манчестер јунајтед забележа победа од 3:0 на стадионот „Кинг Пауер“ против Лестер. Повторно, капитенот Бруно Фернандеш имаше клучна улога во победата на „црвените ѓаволи“.
Португалскиот играч за врска повторно беше движечка сила, дури и кога енергијата на теренот опаѓаше. Фернандеш му асистираше на Хојлунд во 28. минута за првиот гол на гостите.
До тој момент, Лестер воопшто не остави лош впечаток. „Лисиците“ имаа добри шанси но беа лоши во реализацијата.
Во вториот дел избраниците на Рубен Аморим сакаа што поскоро да ја обезбедат победата, а Гарначо во 57. минута постигна гол, кој беше поништен поради офсајд.
Десет минути подцна повторно Фернандеш одигра важна улога и му асистираше на Аргентинецот кој овојпат можеше да го прослави голот.
Лестер можеше да се врати во 74. минута. Варди ја украде топката, го пронајде Буонаноте, но Де Лигт во последен момент со лизгачки старт спречи гол.
Бруно ја круниса играта со феноменален гол во 90. минута од 18 метри за конечени 0:3.
Со оваа победа Јунајтед ги прескокна Тотенхем и Евертон во поредокот, сега на 13. место со 37 бодови, додека Лестер е 19. со 17 бодови.