Македонија
Поради можни вдишувачки изгореници, на лекар да се јават и оние кои се чувствуваат добро, а биле во дискотеката, апелираа Таравари и Клековски
Сите пациенти се во релативно стабилна состојба, испратените на лекување во странство се сместени во болниците и состојбата е под контрола, рече министерот за здравство, Арбен Таравари, утрово. Повредените кои беа сместени во болниците во Кочани и Штип се повлечени во Скопје за да им се пружи подобар третман, но министерот извести дека денес имаат нова состојба, помош бараат пациенти кои досега не се јавиле на лекар. Двајца нови пациенти веќе побарале помош во болницата во Штип.
„За среќа сите пациенти што беа донесени во болниците се во стабилна состојба. И тие што беа пренесени надвор од државата, а вкупно се 51 досега, сите се во генерално стабилна состојба. Ни се појавува нов проблем, има пациенти кои вчера не се појавени, се јавуваат денеска. Јас би сакал да упатам порака до сите што биле на трагичниот настан во Кочани што не се пријавиле вчера, ги молам денес да се пријават. И ако имаат и ако немаат симптоми да се консултираат барем со матичните“, рече министерот Таравари.
Директорот на Фондот за здравствено осигурување, Сашо Клековски, го дополни министерот и објасни дека на лекар треба да се јават сите што биле гости во дискотеката во Кочани во времето на пожарот.
„ Мораме да сметаме на тоа дека се можни вдишувачки изгореници на дишните органи. Сите пациенти, и оние кои се чувствувале добро, да се јават на лекар да се провери дали имаат внатрешни повреди“, рече директорот Клековски.
Во текот на денот министерот Таравари најави дек аќе бидат назначени лица кои на четири – пет часа ќе им даваат информации на родителите на пациентите кои се надвор од земјата нивната состојба. Травари рече дека поради природата на повредите, генерално изгореници од втор и трет степен, компликации се очекуваат денес и утре и токму за да им се обезбеди потребната нега во изолирани услови, се испратени во други земји.
Меѓу испратените во странство се дваесетте пациенти во критична состојба.
„20 пациенти кажавме дека се критични не дека се случило нешто дека сега се многу подобри, но од информациите што ги добиваме сите се под контрола и сите се во релативно добра состојба“, рече министерот Таравари.
Во Клинички центар сега има 49 пациенти. Во Градската општа болница „8 Септември“ 18 повредени, во Стара градска болница 17, во Кочани нема ниеден пациент од пожарот, а во Штип се двајцата кои се пријавиле денес.
Во Турција се испратени деветмина пациенти, тројца во Истанбул и шестмина во Анкара. Сместени се во болниците и генерално се во стабилна состојба.
Во Бугарија има 14 пациенти. Тројца се во Варна, тројца во Пловдив и осуммина во Софија.
Во Грција во Солун се петмина пациенти.
Во Србија се препратени 17 повредени.
Вчера се упатени двајца пациенти во Унгарија во Будимпешта, и четворица во Литванија.
Денеска министерот очекува уште неколку пациенти да бидат упатени надвор од државата.
„Во Словенија денеска сигурно двајца ќе одат, подоцна може уште двајца или ќе остане за утре. За Хрватска денес или утре ќе појдат уште четворица пациенти. Во Австрија, во Виена ќе одат трипати по двајца пациенти, тројца во Виена, тројца во Грац. Уште 12 пациенти со авион ќе бидат испратени во Белград во ВМА“, рече министерот Таравари.
Тој нагласи дека ситуацијата е комплетно под контрола и сега здравствените власти се посветени на тоа да има што помалку компликации кај повредените.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Беќаровски за пациентите на Токсикологија: Млади страдалници раскажуваат како мирисот на изгорено човечко месо им ги парал ноздрите, а нам солзи ни навираат
Докторот Нико Беќаровски на неговиот фејсбук посочи дека на Универзитетската клиника за токсикологија хоспитализирани се дваесетина млади лица повредени од пожарот во дискотеката во Кочани кои саскажуваат низ солзи, како преку нив газеле други деца бегајќи од пламените.
„На Универзитетската клиника за токсикологија хоспитализирани се дваесетина млади страдалници од хоророт кој го доживеаа во таканаречениот кабаре бар. Од една страна среќни што сепак извлекле жива глава, задоволни што поминале со некоја полесна изгореница, сѐ уште со гареж во нивните гради“, но секој од нив има своја траорна приказна за ужасот кој го доживеале тие 10-30 минути“, посочи докторот Нико Беќаровски и додаде:
„Раскажуваат низ солзи, како преку нив газеле други деца бегајќи од пламените, како изнесувале на своите раце изгорени и јагленисени свои другари, како мирисот на изгорено човечко месо им ги парал ноздрите, како топлината им го горела ждрелото, како чучнати во вецето го чекале судниот момент и уште многу други лични трауми кои ги погодија овие прекрасни млади личности. Тие раскажуваат, нас солзите нѝ навираат“.
Истакна дека ова се дваесетина индивидуални драми, но секој од тие петстотини невини фиданки, има своја приказна своја лична траума.
„Драми кои не може да ги креира ниту Холивуд. Физичките трауми ќе зараснат или ќе остават трајни физички дефекти, но душевните трауми уште долго или доживотно ќе бидат нивен следбеник. Ноќните кошмари уште долги години ќе бидат нивен несакан ноќен придружник. ЗОШТО ??? За туѓи бели дворови, копај си црни гробови”, завршува Беќаровски.
Македонија
Митева: Ќе се обезбедат 30 милиони денари за транспорт и сместување во странство на семејствата на повредените
На територија на државата извршени се околу 50 контроли во текот на 16 и 17.03. 2025 година во угостителски објекти коишто имаат лиценца за работа која се однесува на кабаре, ноќен клуб, диско-клуб и диско-клуб на отворен простор. Согласно овие контроли на увид се приложени лиценци за вршење на угостителска дејност коишто се со важност и тие се 22 на број на цела територија на државата, но има и 15 лиценци коишто се со истечена важност. Државниот пазарен инспекторат е на терен и се проверуваат сите 22 објекти коишто имаат важечка лиценца дали ги исполнуваат минимум технички услови коишто се потребни за да ја добијат таа лиценца. Заедно со останати надлежни институции за тоа ќе излеземе со дополнителни информации откако ќе заврши целиот надзор којшто тие го прават, рече владината портпаролка Марија Митева на прес-конференција
„За сите други објекти, коишто се со истечена важност на лиценцата или немаат воопшто лиценца, Државниот пазарен инспекторат донесе забрана за вршење на нивната дејност сè додека не се утврдат сите потребни документи, додека не се провери дали воопшто поседуваат услови, минимално технички услови за вршење на дејност за истите да можат да обезбедат дополнителна лиценца. Во Министерството за економија, пак сакам да информирам дека се прави и проверка на лиценците дали повторно има некој случај со злоупотреба на архивското работење, односно за некоја лиценца да е заведена по друга основа. Сакам да ја информирам јавноста за она што го најавивме вчера, дека ќе се донесе и официјализира одлуката во однос на помошта на семејствата за транспорт и сместување. Денеска Владата ја официјализираше таа одлука и го задолжи Министерството за финансии да обезбеди средства во висина од 30 милиони денари коишто треба да ги пренесе на Службата за општи и заеднички работи“, додаде Митева.
Посочи дека се обезбедени 58 лица, односно за истите се обезбедени транспорт и сместување.
„И дека оваа одлука ќе се однесува и на оние лица коишто заминале и пред донесување на оваа одлука, ќе може ретроактивно да им се изврши дополнителна исплата. Ова се актуелните случувања коишто на денешната седница на Владата, беа соопштени како информации и ова се заклучоците коишто беа донесени. Остануваме посветени, ќе ја информираме јавноста транспарентно за сите преземени чекори“, заврши Митева.
Македонија
Никогаш не размислувавме дали ќе помогнеме или не, туку како побрзо да се организира евакуацијата на повредените, рече бугарскиот министер за здравство
Направивме навистина една навремена евакуација на настраданите, би рекол повеќето деца, и тие беа сместени во бугарски медицински установи пред да почне евакуацијата на другите повредени, изјави министерот за здравство на Бугарија, Силви Кирилов.
– Никогаш не размислувавме дали ќе помогнеме или не. Првата и единствена реакција и мисла беше како и како што побрзо да се организира евакуацијата и да се создадат идеални услови за транспорт на вакви исклучително тешки пациенти, бидејќи тие се на механичка вентилација и секогаш може да се очекува некаков колапс, појасни Кирилов.
Тој денеска заедно со македонскиот министер за здравство Арбен Таравари и министрите за надворешни работи на земјите Георг Георгиев и Тимчо Муцунски, ја посетија Универзитетската мултипрофилна болница за активно лекување и ургентна медицина (УМБАЛСМ) „Н.И. Пирогов“, пренесе БТА.
Пожарите во ноќни клубови од кои светот не научи лекција: заеднички им се пиротехника, пренатрупаност и изоставени безбедносни проверки
Трагичниот пожар во дискотеката „Пулс“ во Кочани уште еднаш ги истакна смртоносните последици од неправилната употреба на пиротехничките средства во...
Митева: Во Скопје само 2 објекти од вкупно 13 имаат важечка лиценца за кабаре
Имало 22 лиценци за вршење угостителка дејност, а 15 со истечена важност. Во Скопје има само 2 објекти за кабаре...
Резервоарот со нафта во Кочани бил празен и не е поврзан со дискотеката, рече Тошковски
Министерот за внатрешни работи, Панче Тошковски, потврди дека во близина на дискотеката „Пулс“ е пронајден резервоар за нафта, но вели...
Незаконито и паушално биле изготвувани круцијални документи за работа на дискотеката во Кочани, информирше Тошковски
Досега за случајот со пожрот во Кочани се приведени 18 лица во СВР Штип и СВР Скопје, а задржани се...
Осуммина пациенти од КАРИЛ денес заминуваат на лекување во странство, Мерџаноски вели дека не се во тешка состојба, но има влошување
Лекарите утрово известија дека состојбата на пациентите повредени во пожарот во Кочани сместени во нивните клиники е под контрола, но...
Жалам што за 15 минути за одредена сума се давани овие лиценци: Мицкоски најави голема акција и затворање и санкционирање на сите што не ги исполнуваат условите за работа
Како држава во рекордно време ги преземавме сите мерки и протоколи што требаше да бидат преземени како никогаш досега, изјави...
Умре колега на кој треба да му се издигне споменик, а возач на Итната помош е најпонижуваната и неплатена професија, вели колега на Иле Гоцевски, кој почина по кобната ноќ
Стефан Бурназов работел кобната ноќ и следниот ден заедно со возачот на Итната медицинска помош, Иле Гоцевски, кој трагично почина...
Да не се шират дезинформации во врска со бројот на загинатите бидејќи дополнително се зголемува вознемиреноста во јавноста, порачуваат од Владата
Во врска со трагедијата во Кочани, Владата изразува најдлабоко сочувство до семејствата на загинатите и повредените. „Ова се моменти на...
Таравари: Сите хоспитализирани пациенти во Солун во моментот се во стабилна состојба
Министерот за здравство, д-р Арбен Таравари, денеска во раните утрински часови, заедно со министерот за надворешни работи, Тимчо Муцунски, и...
Клиничкиот центар во Србија ја соопшти состојбата на пациентите од пожарот во Кочани
Вчера, на Ургентниот центар на КЦС, од пожарот што избувна во дискотеката во Кочани, пристигнаа осум посериозно повредени пациенти, што...
(Видео) Македонската амбасадорка во Бугарија: Немилосрдна борба против сите коруптивни практики мора да има
„Промената во Република Македонија е неизбежна. Општеството сака чистење на системот и одговорност“. Ова го истакна амбасадорката на Република Македонија...
Ден на жалост во Србија поради трагедијата во Македонија – знамињата на половина копје
59 лица загинаа, а повеќе од 150 се повредени во пожарот во дискотеката „Пулс“ во Кочани, што избувна на 16...
Таравари ќе ги посети повредените во пожарот во Кочани, кои се лекуваат во Софија
Посетата на македонскиот министер за здравство Арбен Таравари на Софија е најавена за денеска во периодот од 14 до 15...
Ден на жалост во Бугарија поради трагедијата во Кочани
Министерскиот совет на Бугарија донесе одлука со која 18 март 2025 година е прогласен за Ден на национална жалост во...
„Не чувствувам вина, јас ги спасив сите што можев“, кажа Столе Боев обезбедување на дискотеката „Пулс“
Столе Боев, обезбедување на дискотеката „Пулс“ изјави вечерва дека не чувствува вина. „Јас ги спасив сите што можев и многу...
Тага, болка и гнев – Кочани ден по трагедијата низ фотографии
Во Кочани, градот во кој се запали нелегалната дискотека „Пулс“, голем број семејства се завија во црно. Во пожарот, животот...
Обвинителството досега најде 14 одговорни за трагедијата во Кочани, се бара краткотраен притвор за сите
Четиринаесет лица се прцесуирани и за нив Обвинителството ќе бара краткротраен притвор, а меѓу нив е и ексминистерот за економија,...
На протестот во Кочани демолирано кафулето на сопственикот на дискотекта „Пулс”
Ескалира протестот во Кочани на кој се бара правда за загинатите во пожарот во дискотеката „Пулс“. Во еден момент, дел...
Иле Гоцевски беше на првата линија, некои болки се преголеми, некои загуби се претешки за да се носат, рече Таравари за смртта на возачот на Итната помош
Министерот за здравство, Арбен Таравари, на социјалните мрежи се огласи за смртта на возачот на Итната помош во Кочани, Иле...
Само 12 лиценци за кабареа биле издадени лани, Мицкоски вели – сите што работат на диво ќе бидат затворени
Премиерот Христијан Мицкоски изјави дека минатата година биле издадени смо 12 лиценци за кабареа, а може а се заклучи колку...
