Државјанин на Швајцарија Р.В. (29) вчера околу 2 часот и 30 минути е тешко повреден откако се качил на локомотива на железничка станица во Белград.

Како што неофицијално дознава српски Телеграф, младиот човек добил струен удар, при што се здобил со тешки изгореници по целото тело.

Неговите тројца пријатели, кои биле сведоци на несреќата, наводно веднаш повикале брза помош.

Брзата помош го пренела младиот човек во тешка состојба во Ургентниот центар во Белград, а за случајот е известено и обвинителството.

Украинската државна железница денеска објави дека нејзините онлајн системи биле изложени на цел сајбер напад од големи размери. Обновата на онлајн системот е во тек, соопшти компанијата во објава на апликацијата за пораки Телеграм, а сообраќајот на возовите е стабилен и работи без одложувања.

Во исто време, украинските воздухопловни сили денеска соопштија дека собориле 57 од 99-те беспилотни летала лансирани од Русија во текот на ноќта.

Дополнителни 36 беспилотни летала не успеаја да стигнат до своите цели, се вели во соопштението. Не е наведено што се случило со преостанатите шест дрона.

Доминик Пелико, во декември минатата година, беше осуден на 20 години затвор во Франција затоа што ја дрогирал својата поранешна сопруга Жизел, ја силувал и поканил десетици мажи исто така да ја злоставуваат во текот на речиси десет години. Нивниот најстар син даде интервју за „Скај Њуз“.

„Тој беше мојот татко, но веќе не е“, рече Давид. „Денес е чудовиште“.

Жизел Пелико стана заштитно лице на едно од најголемите масовни судења за силување во Франција, а потоа и симбол на борбата против сексуалното насилство откако реши да излезе јавно.

Злосторствата на Доминик Пелико беа случајно откриени во 2020 година, кога тој беше фатен како тајно снима жени во локалниот супермаркет. Кога полицијата му ги конфискувала уредите, открила 20.000 организирани видеа и фотографии од злоупотреба. На 2 ноември 2020 година, полицијата на Жизел и ги покажала пронајдените снимки.

Откако видела дека ја малтретираат, им се јавила на децата и им кажала што направил нивниот татко.

„Тој момент засекогаш ќе остане врежан во моето сеќавање“, рече Давид.

Тој вели дека неговата сопруга го зела телефонот, разговарала со мајка му и побледела пред да му го даде телефонот. Мајка му го замолила да оди некаде сам, а потоа му објаснила дека татко му, заедно со десетици други мажи, со години ја силувале.

„Она што ми го кажа беше како цунами. Чувствував дека ме преплавуваат емоции… И тогаш гадењето кое цело време се зголемуваше го достигна својот врв. Го спуштив телефонот, почувствував како се руши земјата под моите стапала и отидов да повратам“.

„Моментот кога дознавме дека била злоставувана од повеќе од 50 мажи беше особено тежок бидејќи тој човек, Доминик Пелико, беше столбот на нашето семејство“, продолжи Давид. „Ме научи да ги почитувам жените, па кога слушнав што и направи на мајка ми, се што почувствував беше гнев и целосно неверување“.

За време на интервјуто, Давид го користел целото име на татко му. Тој рече дека тоа е негов начин да продолжи понатаму и да ја преброди траумата. За време на судењето, неговиот адвокат тврдеше дека Доминик има поделена личност што му дозволува да биде совршен сопруг и грижлив татко додека тајно извршува ужасни дела.

Давид вели дека верува дека Доминик е способен да биде љубезен во еден момент, а суров во следниот.

Судот слушна дека Доминик не само што го снимал злоставувањето на Жизел, туку и тајно ги снимал жените на неговите синови. Камерите ги криел во нивните бањи или соби во куќата. Потоа ги споделил нивните разголени фотографии на интернет. Ја фотографирал и својата возрасна ќерка Керолин додека таа спиела полугола. Доминик негираше дека ја малтретирал, но таа стравува дека е една од неговите жртви.

Давид вели дека верува и дека неговата сестра била малтретирана и и ветил дека ќе и помогне да се бори за правда.

Откако полицијата ги открила злосторствата на Доминик, Давид прекинал секаков контакт со неговиот татко. Непосредно пред почетокот на судењето, неговиот татко му испратил писмо.

„Се прашував зошто ми пишува? Дали пишува за да се извини или да бара прошка? Или пак се обидува да манипулира со мене? Го прочитав внимателно, но искрено, потоа го искинав и го фрлив во ѓубре. Никогаш нема да му простам“. Тој вели дека има само едно прашање до неговиот татко – зошто?

Давид не верува дека неговиот татко некогаш ќе ја каже вистината и ќе открие дали Жизел била неговата единствена жртва. „Сигурен сум дека ќе умре во затвор, но убеден сум дека ќе однесе многу тајни во својот гроб“, вели тој.