Фото/ ffm.mk

По четвртфиналните натпревари од Лигата на нациите, шпознат е конечниот изглед на квалификациските групи во европската зона за пласман на Светското првенство во 2026 година.

Популарната платформа „Фудбал Митс Дејта“, даде проценка како ќе изгледа конечниот пласман во квалификациските групи.

За нас најинтересна е прогнозата за Ј групата, во која покрај Македонија партиципираат и Белгија, Велс, Казахстан и Лихтенштајн. Македонија во саботата со победа кај аутсајдерот Лихтенштајн ги започна квалификациите.

Македонија има 11 отсто шанси дс го освои првото место во групата, а 24 отсто да избори пласман во баражот за Мундијалот во САД, Канада и Мексико. Според „Фудбал Митс Дејта“, Македонија има 48 отсто шанси да го освои третото место во групата.

Логично, според рејтингот Белгија е најголем фаворит во групата. Белгија има 55 отсто шанси да го освои првото место, наспротив Велс (33 отсто). Предвидувањата на платформата се дека, кога се работи за второто место Белгија има 31, а Велс 42 отсто шпанси.

Најголеми шанси за директен пласман на СП има Шпанија (85 отсто), потоа Германија (84 отсто), Франција (82 отсто), Холандија (82 отсто), Португалија (81 отсто), Англија (73 отсто), Австрија (70 отсто), Хрватска (68 отсто), Италија (58 отсто), Белгија (55 отсто)…

Легендата на Ливерпул, Дирк Кајт ги повика клупските челници да стават крај на сагата за иднината на Мохамед Салах и Вирџил ван Дaјк со продолжување на нивните договори. Интересно, Кајт не го спомна Трент Александар-Арнолд.

„Вирџил го води тимот на брилијантен начин и во исто време игра на највисоко ниво“, рече Кајт во интервју за „Атлетик“.

„Не му беше лесно да се врати по таа страшна повреда, да издржи критики, но тој игра неверојатна сезона, искрено – уживам во секој момент кога го гледам. Наскоро ќе наполни 34 години, но сега фудбалерите можат подолго да играат на врвно ниво, што не беше случај во мое време. Истото важи и за Салах кој во јуни ќе наполни 33 години. Сите што навиваат за Ливерпул сакаат тие да потпишат нови договори веднаш, но ние не ги знаеме деталите. Се што можам да кажам е дека се надеваме, дека што е можно поскоро ќе добиеме знак дека тие ќе останат во клубот, бидејќи и понатаму се меѓу најдобрите во светот“, рече Кајт.

Наводно, преговорите со Салах и Ван Дијк се уште се во тек, додека Александар-Арнолд наводно одбил уште една понуда и е се поблиску до преселба во Реал ова лето.

Хрватскиот тренер Игор Тудор го презеде Јувентус, а сега се откриени интересни детали околу неговиот ангажман, во клубот, чии дрес го носеше како играч.

Игор Тудор во Јувентус дојде на местото на тиаго Мота, кој вчера доби отказ. Според „газета дело спорт“, Мота телефонски го добил отказното решение.

Италијанските медиуми објавија дека Тудор за што поскоро да потпише договор со новиот работодавец, во неделата се седнал во својот автомобил и по 10 часа возење (1.000 километри) вечерта пристигнал во Торино.

Истите извори наведуваат дека неговата плата до крајот на сезоната ќе биде 500.000 евра.

Во договорот има и клаузула според која договорот на Тудор може да биде продолжен за целата наредна сезона, а се што треба да направи за тоа е да се пласира во Лигата на шампионите оваа сезона.

Инаку, Јуве има право да ја прекине соработката без дополнително објаснување до 30-ти јули годинава

Хрватскиот стручњак, откриваат Италијанците, веќе имал средба со навивачите на „старата дама“ во понеделник наутро, а се планира веднаш да го води првиот тренинг.

Тудор и Јувентус, му беше асистент на Андреа Пирло во периодот од 2020 до 2021 година.

Тудор го презема Јувентус по двата катастрофални порази (4:0 од Аталанта и 3:0 од Фиорентина). Клубот моментално е на петтото место, со еден бод помалку од Болоња, која се наоѓа на четвртото место, последно кое обезбедува пласман во Лигата на шампионите.