Управниот одбор на Заедницата на локални самоуправи (ЗЕЛС) донесе заклучок со кој ќе препорача сите локални самоуправи да ги откажат или да најдат соодветна замена за планираните јавни настанати. Претседателот на ЗЕЛС и градоначалник на Кисела Вода вели дека еден од прифатливите предлози за замена на планираните јавни настани е садење дрвја во чест на загинатите во пожарот во Кочани.

„Донесовме заклучок како ЗЕЛС сите оние јавни настани кои биле планирани од страна на локалната самоуправа во наредниот период нашата препорака е до градоначалниците, до директорите на училиштата до директорите на јавните установи да бидат откажани или да се најде соодветна замена за начин на интерпретација на тие настани. Еден од предлозите беше во чест на жртвите, оние млади лица кои ги изгубија своите животи, за жал, да бидат засадени дрвја во наредниот период, ширум државата. На тој начин да оддадеме почит кон нив“, рече Ѓорѓиевски.

Тој денес извести дека во вонредните надзори во училиштата, градинките и сите јавни објекти во кои се собираат деца и млади ширум земјава, иницирани по пожарот во Кочани, е утврдено дека тие се безбедни. Во следниот период најави вонредни инспекции во сите станбени згради.

До крајот на оваа седмица времето ќе биде променливо облачно со повремени врнежи од дожд.

Наместа процесите ќе бидат поинтензивни со пообилен пороен дожд, појава на грмежи и силен ветер (над 60 километри на час). Во овој период локално се очекува да наврне поголема количина дожд (над 60 литри на квадратен метар), информираат од УХМР.

Во Скопје до крајот на седмицата времето ќе биде променливо облачно со повремени врнежи од дожд. Во делови од котлината врнежите повремено ќе бидат поројни, проследени со појава на грмежи и засилен ветер.

Сериозноста бара одговорност, но не и манипулации со трагедијата, изјави на прес-конференција пратеникот Бране Петрушевски додавајќи дека Социјалдемократскиот сојуз се служи со подмолни политички калкулации кога зборува за трагедијата во Кочани.

Според владејачката партија, прашањата што ги поставува опозициската партија се дел од активна истрага предводена од институции што работат со целиот капацитет и со огромна свесност за големиот интерес на јавноста и општеството за брзи, но праведни резултати.

Сепак, како што рече, ценејќи ја јавноста и настојувајќи по секоја цена да го оттргнат и најмалиот сомнеж, јасно истакнуват дека Владата и органите за истрага од првиот момент реагираа – има веќе голем број приведени лица, а истрагата продолжува со несмален интензитет. И тоа, за разлика од минатото, со обиди за откривање на целосната вистината, а не со алиби-објаснувања за кабли и шасии како главни виновници за трагедиите што во минатото ни се случуваа“.

„СДС прашува: ‘Зошто не се притворени началници, командири, инспектори?’. Ова не е судење со толпа. Правдата не е циркус, туку процес. Притвор се одредува со докази и правни основи, а не со притисоци од партиски штабови. Главната дилема е зошто истото судство, истото обвинителство, создадено во времето на СДС и ДУИ, денес работи со поголема посветеност? Одговорот е јасен: Затоа што Владата денес не се обидува да скрие, туку да расчисти. Не се издаваат наредби на телефон, не се читаат имиња од тефтерчиња и не се прикриваат трагедии со смешни извештаи“, рече Петрушевски.

Додаде дека за време на трагедиите на „Беса транс“, Ласкарци, модуларната болница – немаше ниеден притворен функционер, ниедно поднесено обвинение. Виновни беа каблите, возачите, времето – и никогаш системот. Затоа што системот беше под заштита на Заев и Ахмети. Вели дека опозицијата сега говори за селективна правда, но токму тие се симболот на таа селективност.

Не може да го извадат народот на улица со лаги затоа што народот добро памети.

Петрушевски апелира до јавноста дека ова не е битка помеѓу партии, туку е битка за правда и институциите ќе ја истераат до крај со одговорност, и индивидуална и институционална. Но, нема да има дозвола за манипулација, за злоупотреба на жртвите и за ново сценарио за дестабилизација во момент кога државата се обидува да застане на нозе.

ВМРО-ДПМНЕ повикува Јавното обвинителство со сериозност да ги земе предвид сите укажувања на јавноста и медиумите и секаде каде што постојат реални аргументи и докази за инкриминираност и евентуална одговорност, без разлика на личноста, функцијата или партиската припадност, да постапи соодветно, брзо и во согласност со законот.