Спорт
(Видео) Фудбалерот на Атлетико не можел да дише, употребил кислород на теренот

Вистинска драма се одвиваше на натпреварот меѓу Боливија и Уругвај во квалификациите за Светското првенство.
Во последните минути од натпреварот, дефанзивецот на Атлетико Мадрид, Хозе Хименез, имаше сериозни тешкотии со дишењето, поради што го напушти теренот и употреби маска за кислород.
Условите на стадионот „Вила Ингенио“ во Ел Алто се екстремни, бидејќи се наоѓа на 4.100 метри надморска височина.
Фудбалската федерација на Боливија одлучи да ги пресели своите игри на овој стадион во октомври минатата година, сметајќи дека висинската предност ќе му помогне на тимот да се пласира на Светското првенство во 2026 година.
Иако традиционалниот боливиски стадион Ла Паз е веќе познат по својата височина од 3.640 метри, федерацијата реши да оди уште повисоко и да игра на терен кој се наоѓа на 600 метри повисоко.
Овој чекор беше одговор на лошите резултати на тимот, кој претрпе три порази на последните пет натпревари, па беше одлучено да се искористи дополнителната висинска предност.
На надморска височина од 4.100 метри воздухот е многу разреден, со само 0,82 грама на литар, од кои само 0,17 грама се кислород, што го отежнува дишењето дури и за професионалните спортисти.
Натпреварот заврши без голови, со резултат 0:0.
Боливија сега заостанува еден бод зад Венецуела, која ја зазема плеј-оф позицијата, додека Уругвај е на третото место со 21 бод.
🇧🇴😳 Tough conditions in Bolivia: José María Giménez had to use an oxygen bottle during the match. 🫁🇺🇾
El Alto Stadium sits at 4,150 meters above sea level. ⛰️🏟️pic.twitter.com/i06FeOJ0Ax
— Tekkers Foot (@tekkersfoot) March 26, 2025
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Најскапото засилување во историјата на Аталанта се пресели во Бешикташ

Напаѓачот од Мали, Ел Билал Туре (23) ја напушти Аталанта и ќе го помине остатокот од сезоната на позајмица во редовите на Бешикташ. Турскиот клуб ќе може да го откупи неговиот догоговор по завршувањето на сезоната.
Пред две години, Туре стана најскапото засилување во историјата на Аталанта кога дојде од Алмеира за нешто повеќе од 30 милиони евра.
Сепак, тој не се снајде во Бергамо. Речиси веднаш по пристигнувањето во Италија, тој заработи сериозна повреда на тетивата, што го спречи да игра до февруари.
Минатата сезона ја помина на позајмица во Штутгарт, а сега се сели во Бешикташ.
Претходниот тренер на Аталанта, Џан Пјеро Гасперини, не беше задоволен од неговата форма, а новиот тренер на „Ла Деа“, Иван Јуриќ, очигледно не смета ниту на него.
Тој одигра вкупно 17 натпревари за Аталанта, постигнува три гола, додека минатата сезона одигра и 17 натпревари за Штутгарт, постигнува три гола.
Туре е роден во Брегот на Слоновата Коска, но игра за репрезентацијата на Мали, вза која одигра 25 натпревари и постигна девет гола.
Спорт
Тотална промена во ждрепката за Лига Европа и Конференциската лига

Ждрепката за групните фази на Лигата на Европа и Лигата на Конференции ќе се одржи на една церемонија, а тоа носи голема промена во самиот процес. Наместо традиционалното извлекување со топчиња, распоредот ќе биде одреден со софтвер.
На сцената ќе се употреби само едно копче. Ќе се притиска на самиот почеток на обете извлекувања, што ќе активира програма која случајно ги одредува противниците и редоследот на домашните и гостинските натпревари.
Откако софтверот ќе ги обработи сите податоци, распоредот ќе биде објавен постепено.
Церемониите за извлекување започнуваат во петок, 29 август, во 13 часот по средноевропско време. Ќе биде извлечена и Шкендија, доколку го помине Лудогорец ќе биде во ждрепката за Лигата на Европа, во спротивно македонскиот првак оди во Конференциската лига.
Спорт
Реал Мадрид издвојува најмногу за плати од сите клубови во Европа

Реал Мадрид и во новата сезона 2025/2026 го потврдува статусот на клуб со највисоки плати во европскиот фудбал. Според податоците на специјализираните страници „Betideas“ и „Capology“, просечната годишна плата на играчите на „кралскиот клуб“ е 11,2 милиони евра.
Оваа бројка е дури за 60 проценти повисока од сумата што ја издвојуваат повеќето други европски гиганти. Интересно е што ова е сепак мало намалување во споредба со минатата сезона, кога просекот беше малку повеќе од 12 милиони евра.
Далеку зад Реал Мадрид е нивниот најголем ривал, Барселона, чии играчи заработуваат просечно 7,91 милиони евра годишно. Каталонците исто така забележаа пад, со оглед на тоа што минатата сезона просекот беше 8,5 милиони евра.
Третото место на рангирањето го зазема Манчестер сити со просечна плата од 7,43 милиони евра. Сепак, за разлика од шпанските гиганти, англискиот клуб ја зголеми својата сметка за плати за повеќе од еден милион евра во споредба со претходната сезона.
По водечкото трио следува Баерн Минхен со 7,38 милиони евра, потоа Пари Сен Жермен и Арсенал, кои издвојуваат околу 7 милиони евра за просечна плата.
Клубови со највисоки просечни бруто плати во светот
1. Реал Мадрид – 11,2 милиони евра
2. Барселона – 7,9 милиони евра
3. Манчестер Сити – 7,43 милиони евра
4. Баерн Минхен – 7,38 милиони евра
5. ПСЖ и Арсенал – 7 милиони евра
6. Ливерпул и Манчестер Јунајтед – 6 милиони евра
7. Челзи и Тотенхем – 4,5 милиони евра
Foto/ EPA/J.L. Cereijido