Пратеникот од ВМРО-ДПМНЕ, Бране Петрушевски, прашува зошто СДСМ молчи за случајот Јон Фрчкоски кој беше снимен како се дрогира.

„Случајот со Јон Фрчкоски не е единствен во СДС. Јавноста сведочеше и на други вакви случаи кога станува збор за СДС. Поранешниот пратеник на СДС, Павле Богоевски исто така потврди автентичност на снимка според која тој нарачува психотропна наркотична супстанца. Богоевски беше и еден од водачите на Шарената револуција. Јон и Павле се луѓе од СДС кои од една страна делат лекции за правда и ја бараат истата, а од друга страна се лица кои користат психотропни супстанци“, рече Петрушевски.

Дополнително, рече тој, во случајот со Јон станува збор за личност која е фатена на дело како користи кокаин на работно место.

„Истиот тој е поранешен помошник директор на Јавното претпријатие за станбен и деловен простор и син на грдото лице на транзицијата Љубомир Фрчкоски. Јон сака да помине само со јавно извинување, а СДС во меѓувреме молчи. Јон е само еден од ликовите на трулиот и корумпиран СДС, кој имал функции благодарение на СДС како на државни институции, така и партиски. Молкот од СДС и Венко Филипче е алармантен и отвора неколку прашања, меѓу кои: Дали молкот и неоградувањето од постапката на Јон Фрчкоски значи дека Филипче одобрува земање на кокаин? Дали СДС ќе се извини на јавноста? Дали СДС ќе побара институции да постапат согласно законските надлежности?“, праша Петрушевски.

Додаде и дека Социјалдемократскиот сојуз и Венко Филипче досега само потврдуваат дека се лице на корупција, на активности како што е земање на психотропни наркотични супстанци.