Свет
Путин: Руската армија ќе ги докрајчи украинските вооружени сили
Рускиот претседател Владимир Путин изјави дека има причина да се верува оти руските трупи ќе ги докрајчат украинските вооружени сили.
„Руските трупи ја имаат стратешката иницијатива по целата линија на фронтот. Неодамна реков дека ќе ги притиснеме, но има причина да веруваме дека ќе ги докрајчиме“, рече Путин во четвртокот за време на обиколката на нуклеарната подморница „Архангелск“ во рамките на работната посета на Мурманск, пренесува „РИА новости“.
Тој оцени дека воведувањето привремена администрација во Украина ќе овозможи да се одржат „демократски избори и да се донесе легитимна влада на власт“, со која потоа ќе може да се преговара за мир.
„Со оваа влада Русија би можела да почне преговори за мировен договор и да потпише документи што ќе бидат признати во целиот свет и кои ќе бидат сигурни и стабилни. Сега Русија не е јасно со кого треба да потпише нешто бидејќи утре ќе дојдат други лидери. Но, ова е само една опција. Не велам дека други не постојат. Но, ова е една од можностите и таква практика постои во работата на рускиот претседател“.
Зборувајќи за можностите за решавање на конфликтот во Украина, Путин потсети дека практиката на надворешно управување или привремена администрација е користена неколкупати во рамките на мировните активности на ОН, на пример, во Источен Тимор, Нова Гвинеја и во некои делови од поранешна Југославија.
Според него, бидејќи минатата година немало претседателски избори во Украина, граѓанските власти во земјата сега се нелегални.
„Ова може да доведе неонацистичките групи ефективно да ја преземат земјата“, посочи тој.
Путин истакна дека руските војници ослободиле 99 отсто од територијата на Луганск и над 70 отсто од територијата на регионите Донецк, Запорожје и Херсон.
Тој посочи дека Русија постепено, но упорно и самоуверено се движи кон реализација на сите цели на, како што наведе, „специјалните воени операции“.
Како што оцени, кураторите од Европа ја убедиле Украина да ја продолжи војната до последниот Украинец за да ѝ нанесе стратешки пораз на Русија.
„Нивните куратори пристигнаа од Европа, особено од Велика Британија. Поранешниот премиер Борис Џонсон го убеди украинското раководство дека е неопходно да се продолжи вооружената борба до последниот Украинец во суштина со цел да ѝ се нанесе стратешки пораз на Русија“, рече Путин.
Тој рече дека Русија е посветена на мирно решение на украинскиот конфликт.
„Дури и кога конфликтот влезе во вжештена фаза во 2022 година, ние сепак предложивме сите прашања да се решат по мирен пат“, посочи Путин и додаде „дека Русија не е земјата што ги почна непријателствата“.
Според него, Русија е подготвена да преговара со Европа за решавање на конфликтот во Украина, но ЕУ се однесува неконзистентно и постојано се обидува да ја влече за носот Русија.
„Патем, ние сме подготвени да работиме со Европа за решавање на конфликтот во Украина, само тие се однесуваат неконзистентно. Постојано се обидуваат да ни го влечат носот“, но во ред е, веќе сме навикнати. Се надевам дека нема да правиме грешки врз основа на прекумерна доверба во нашите таканаречени партнери“, вели Путин.
Рускиот лидер рече дека Западот не разбира каков е рускиот народ.
„Западните лидери очигледно заборавија или навистина не разбираат кој е рускиот народ, каков е во душите и срцата на нашиот народ кога станува збор за безбедноста на татковината“, рече Путин.
Тој изјави дека и Русија и светот внимателно го следат напредокот на руско-американските преговори.
Тој истакна дека Русија има стратешки баланс со САД и дека ќе ја развие својата флота навремено и внимателно.
„Имаме стратешка рамнотежа со САД. Ќе се однесуваме со најголемо внимание. Ќе направиме сѐ навремено“, заклучи претседателот на Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Макрон: Мирот станува можен за Израел, за Газа и целиот регион
Францускиот претседател Емануел Макрон го поздрави ослободувањето на првите седум израелски заложници кои беа ослободени од Газа утрово, нагласувајќи дека со овој чин „мирот станува можен за Израел, за Газа и целиот регион“, објавува “The Times of Israel£.
Ја споделувам радоста на семејствата и израелскиот народ, напиша Макрон на социјалната мрежа Икс.
Со нивното ослободување, како и на другите заложници, мирот станува можен за Израел, Газа и целиот регион, рече Макрон, кој ќе им се придружи на светските лидери на самитот во Египет, каде што треба да се дискутира за американскиот план за завршување на војната во Газа.
Фото: принтскрин
Свет
(Видео) Трамп во израелскиот парламент: Хамас ќе се разоружа
Американскиот претседател Доналд Трамп изјави дека Хамас ќе се држи до планот за разоружување кога пристигна во израелскиот парламент за да одржи говор. Зборувајќи со новинарите пред почетокот на говорот, Трамп одговори со „да“ кога беше прашан дали војната е завршена.
Обраќањето на Трамп до израелските пратеници доаѓа во време кога Израел ги враќа последните 20 живи заложници земени од Хамас за време на нападот на 7 октомври 2023 година, клучен чекор во завршувањето на двегодишниот конфликт во Газа како дел од договорот за примирје што го откри американскиот претседател Доналд Трамп.
"A great and beautiful day. A new beginning"
US President Donald Trump shows his written message before speaking to Israeli parliamentarians in the Knesset
Follow live: https://t.co/xMmcqmjQ1g pic.twitter.com/RyS1dEjZhm
— BBC Breaking News (@BBCBreaking) October 13, 2025
„Ова е голема чест за мене, одличен ден, прекрасен ден. Нов почеток“, напиша тој во книгата за гости на Кнесетот, додека претседателот на парламентот Амир Охана и израелскиот премиер Бенјамин Нетанјаху го гледаа.
Трамп пристигна во Израел во понеделник, каде што треба да се сретне со ослободените заложници и нивните семејства. Договорот за прекин на огнот беше постигнат минатата недела во египетското одморалиште Шарм ел Шеик, каде што Трамп и други светски лидери ќе се сретнат на самит.
фото: принтскрин
Свет
Медведев: Евентуална испорака на американски „Томахавк“ во Украина, би можела да заврши лошо за сите
Заменик-претседателот на рускиот Совет за безбедност, Дмитриј Медведев, реагираше на изјавите на американскиот претседател Доналд Трамп за можното испраќање крстосувачки ракети „Томахавк“ во Украина. Во објава на Телеграм, Медведев рече дека таков потег би можел да има сериозни последици.
„Трамп рече дека ако рускиот претседател не го реши украинскиот конфликт, „тоа ќе заврши лошо за него“.“ Накратко, тој се заканува по стоти пат, напиша Медведев. Тој додаде дека евентуалната испорака на американски „Томахавк“ во Украина „би можела да заврши лошо за сите, а пред сè за самиот Трамп“.
„Сто пати е кажано, дури и за оние во пругасти униформи, дека е невозможно да се разликува нуклеарен „Томахавк“ од конвенционален во лет. Ако не бидат испукани од Киев, туку од САД, поточно – Трамп – како треба да одговори Русија? Точно така“, напиша Медведев, алудирајќи на можноста за нуклеарна ескалација.
Тој го заврши постот иронично: „Се надеваме дека ова е само уште една празна закана, како приказната за испраќање нуклеарни подморници поблиску до Русија. Но, знаете како оди – подморницата веќе се појави во степите на Украина.“
Американскиот претседател Доналд Трамп синоќа изјави дека не ја исклучува можноста за испраќање крстосувачки ракети „Томахавк“ во Украина. Зборувајќи со новинарите во претседателскиот авион „Ер Форс Уан“, Трамп рече дека ќе разговара за ова со Москва.
Трамп го опиша оружјето како „неверојатно, многу моќно оружје“ и истакна дека „на Русија не ѝ е потребно“. Додаде дека веќе разговарал за оваа можност со украинскиот претседател Володимир Зеленски.
Во последните недели, украинскиот претседател Володимир Зеленски бараше од САД да испорачаат ракети „Томахавк“, кои имаат дострел од околу 2.500 километри. Таквото оружје би ѝ овозможило на Украина да погоди стратешки руски цели, вклучувајќи воени бази и рафинерии далеку од бојното поле.
Зеленски претходно изјави дека ќе ги користи „Томахавк“ исклучиво против воени цели, а не против цивили. „Никогаш не сме ги нападнале нивните цивили. Тоа е голема разлика помеѓу Украина и Русија“, изјави украинскиот претседател за Фокс њуз.
Фото: принтскрин
Граѓаните да се пријавуваат на vakcinacija.mk за вакцинирање против сезонски грип
Во тек е дистрибуција на вакцините против сезонски грип низ јавните здравствени установи, граѓаните може да се пријавуваат на апликацијата...
На полноќ завршува објавувањето резултати од анкети за локалните избори
Агенцијата за аудио и аудиовизуелни медиумски услуги ги потсетува радиодифузерите дека согласно Изборниот законик, резултатите од испитувањата на јавното мислење...
(Видео) Израелските заложници контактираа со своите семејства преку видео врска пред да бидат ослободени
Некои заложници што ги држеше Хамас можеа да разговараат со своите семејства преку видео повик кратко пред нивното ослободување, објавија...
(Видео) Ослободени сите живи заложници од Газа
Тринаесет преостанати живи заложници што ги држеше Хамас во Појасот Газа се ослободени и предадени на Црвениот крст, објавија израелските...
„Влен“: Вресоците на Ахмети, Таравари и Села се последните извици на една коалиција во распад
„Селотејп коалицијата, составена од ситни лични интереси, по локалните избори го завршува своето политичко поглавје, засекогаш. Вресоците на Ахмети, Таравари...
Царински инспектори пронајдоа дрога во стан на студентка, државјанка на Турција
Психотропна дрога метилендиоксиметамфетамин, мефедрон и марихуана е пронајдена при претрес на дом во Гостивар во кој престојувала студентка, државјанка на...
(Видео) Големо невреме во Шпанија: црвен аларм, поплавите носат сè пред себе
Големи поплави предизвикани од обилни дождови го погодија североисточниот шпански регион Каталонија, заробувајќи десетици луѓе во нивните возила, соопштија локалните...
Хамас ги ослободи првите заложници
Првите седум заложници се предадени на Црвениот крст во Појасот Газа. Меѓу ослободените се Гали Берман, Зив Берман, Матан Ангрест,...
(Видео) Хамас ги објави имињата на заложниците што треба да бидат ослободени
По прекинот на огнот во Газа, се очекува Хамас денес да ги ослободи израелските заложници што ги држи повеќе од...
(Видео) Трамп на летот за Израел: Војната е завршена
Американскиот претседател Доналд Трамп синоќа прогласи дека конфликтот во Појасот Газа е „завршен“ додека леташе за Израел и Египет за...
(Видео) Украинците нападнаа големо складиште за нафта во Крим, се шират снимки
Украински напад со беспилотни летала предизвика пожар во голем складишен објект за нафта на Крим, украинскиот полуостров што Русија нелегално...
Јужна Кореја: Русија веројатно ѝ помогнала на Северна Кореја да развие подморници
Северна Кореја веројатно добила техничка помош од Русија за развој на своите подморници, изјави денес пред парламентот јужнокорејскиот министер за...
Мицкоски: Венко не го поддржуваат дури ни неговите пратеници од СДС и го оставаат сам да потоне
На вчерашниот народен митинг во Штип во рамките на изборната кампања за локалните избори со слоган „Вистинскиот избор! Tвојот човек!...
(Видео) Филипче од Струмица: Македонија не може да ја води Мицкоски, човек без компас и без човечност!
„Година и пол премиерот Мицкоски ја води владата и државата без компас и без човечност, Македонија не може да ја...
Во тешка сообраќајка попладнево загина маж, а тешко повредено е 18-годишно момче
Во директен судир на две патнички возила попладнево околу 14 часот на експресниот пат Штип – Велес загинал маж, а...
Зеленски бара акција откако Москва изврши над 4.000 напади за една недела врз Украина
Украинскиот претседател Володимир Зеленски денеска ја повика меѓународната заедница да преземе акција, по една недела во која биле извршени повеќе...
Папата Лав дели дека договорот за примирје во Газа даде искра на надеж во Светата земја
Папата Лав Четиринаесетти изјави дека договорот за примирје во Појасот Газа „даде искра на надеж во Светата земја“. Тој ова...
Фатени шверцери на луксузни автомобили, ОЈО Скопје бара притвор
Основното јавно обвинителство Скопје поведе постапка против три лица за кривични дела – Криумчарење и Фалсификување исправи. Како што се...
Над 500.000 лица се вратиле во градот Газа откако стапи во сила прекинот на огнот
Агенцијата за цивилна заштита на Газа, која е под контрола на Хамас, соопшти дека повеќе од 500.000 лица се вратиле...
Од утре секој ден по 15 часот ќе има блокади за загинатите во дискотеката „Пулс“
Од утре, ќе има мирни јавни собири и блокади на кружниот тек кај двојниот мостот на улицата „Стево Теодосиевски“ во...
