Спорт
Нов шок во тенисот – тенисери и тенисерки им се заканија на грен слем турнирите

Претставниците на топ-20 тенисери и тенисерки доставија јасна листа на барања до организаторите на четирите грен слем турнири.
Само неколку недели откако Професионалната тениска асоцијација (PTPA) ги тужеше водечките тениски авторитети (ATP, WTA, ITIA и ITF), се случи нов потрес во белиот спорт.
PTPA не ги тужеше грен слемовите, но затоа најдобрите тенисери на планетата планираат потенцијално да го сторат ова, и тоа поради парите.
Според информациите на францускиот „Лекип“, 20-те најдобри тенисери испратиле остро барање до Австралија опен, „Ролан Гарос“, Вимблдон и Ју-ес опен и бараат порамноправна распределба на парите.
Тие во писмото наведуваат дека лига како НБА дава минимум 50 проценти од приходот во текот на една сезона на играчите, а во тенисот таа бројка е многу помала. На пример, вкупниот награден фонд на „Ролан Гарос“ лани изнесуваше 53,4 милиони евра, односно само 16 % од приходот на овој турнир (338 милиони).
Претходниот притисок на играчите се исплатеше бидејќи 2022 година забележа значително зголемување на паричните награди, најмногу за победниците на грен слем турнирите (54 %), полуфиналистите (60 %) иза победниците од првото коло (40 %).
Минатата година „Ролан Гарос“ го зголеми наградниот фонд за 7,82 отсто во однос на 2023 година, а победниците во машки и женски сингл добија 2,4 милиона евра.
Кога ќе се соберат сите грен слем турнири, беа поделени вкупно 254 милиони евра наградни средства, што е повеќе од 231 милион од 2023 година, а тие пари ги собраа над 800 натпреварувачи во сите категории.
Сега се очекува реакцијата на организаторите на грен слемовите, пред сè, на „Ролан Гарос“, кој почнува на крајот на мај. Наградниот фонд „Роланд Гарос“ ќе го објави за еден месец.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Интер мора да донесе уште двајца играчи

Вице-првакот на Италија е Европа, Интер има намера да засили две позиции до крајот на преодниот рок. На „Џузепе Меаца“ преба да пристигнат играч од средниот ред и стопер, а клубот за оваа намена има буџет од 80 милиони евра, објавија италијанските медиуми.
Кога станува збор за средниот ред, „нераѕурите“ имаа намера да го доведат францускиот фудбалер Ману Коне (24), но Рома не сакаше да отстапи од износот на отштета. Рома инсистираше на сума од 50 милиони евра, па Интер на крајот се откажа од Коне.
Сега, според италијанските медиуми, тие го насочија вниманието кон играчот од средниот ред на Рен, Џауи Сисе (21), чиј договор со францускиот клуб е важечки до јуни 2029 година.
Што се однесува до позицијата стопер, во потесниот список останаа уште двајца играчи, Умар Солет (25) од Удинезе и Лоик Баде (25) од Севилја. Интер донесе четири играчи ова лето, а полскиот играч од средниот ред Никола Залевски беше продаден на Аталанта.
Најмногу го чинеа играчот од средниот ред на Марсеј, Луис Енрике, и централниот напаѓач на Парма, Анж-Јоан Бони. За овие трансфери клубот издвои по 23 милиони евра, а потоа следува хрватскиот репрезентативец и до неодамна играч на Динамо, Петар Сучиќ. На Динамо му е исплатена отштета од 14 милиони евра.
Фото/ Принтскрин
Спорт
УЕФА жестоко го казни Малме

Дисциплинската и етичка комисија на Европската фудбалска унија (УЕФА) објави дека го казнила Малме со вкупно 110.000 евра поради инцидентите што ги предизвикале навивачите на шведскиот клуб за време на натпреварите против Копенхаген во третото коло од квалификациите за Лигата на шампионите (ЛШ).
На 5 август, фудбалерите на Малме и Копенхаген одиграа без голови во Шведска во првиот натпревар од третото квалификациско коло за Лигата на шампионите на УЕФА. Во соопштението на УЕФА се наведува дека шведскиот клуб е казнет со вкупно 50.000 евра затоа што навивачите палеле факели и ги затворале приодите за време на натпреварот со Копенхаген.
Исто така, Малме доби условна забрана од две години да ја затвори северната трибина во следниот натпревар како домаќин во европските клупски натпреварувања.
УЕФА изјави дека навивачите на Малме предизвикале инциденти и на реванш натпреварот против Копенхаген (0:5), кој се одигра на 12 август во Данска. Малме е казнет со 60.000 евра затоа што неговите навивачи фрлале предмети, кршеле столчиња и палеле факели за време на натпреварот против Копенхаген.
Исто така, шведскиот клуб доби двегодишна условна забрана за продажба на билети на своите навивачи за следната посета на натпреварите на УЕФА.
Спорт
Лидс потроши 20 милиони евра за напаѓач што минатата сезона постигна ниеден гол

Фудбалерот Ноа Окафор потпиша четиригодишен договор со Лидс. Швајцарецот (25) доаѓа од италијанскиот Милан и може да игра на двете крилни позиции, но и како централен напаѓач доколку е потребно.
Лидс му плати на Милан 20,5 милиони евра, а Окафор доби договор вреден 2,4 милиони евра по сезона до 2030 година.
Окафор постигна само еден гол со две асистенции на 21 натпревар во сите натпреварувања минатата сезона.
Окафор ја започна својата кариера во Швајцарија во Базел, каде што беше прогласен за најдобар млад играч на Суперлигата.
Потоа се пресели во Салцбург, каде што одигра повеќе од 100 натпревари во сите натпреварувања и постигна 57 гола.