Спорт
Замина најлошиот тренер во историјата на Премиер лигата

Иван Јуриќ повеќе не е тренер на Саутемптон. Хрватскиот стручњак го напушти клубот по 31. коло, откако официјално испадна од Премиер лигата, со најлошиот учинок во историјата на лигата. Хрватот ја активираше клаузулата во договорот која му овозможува заминување, ден откако беше потврдено враќањето на тимот во Чемпионшип.
На Јуриќ му беа доволни само 108 дена на клупата за да влезе во историјата – како најлошиот тренер на Премиер лигата досега, пишува „АС“ во текстот со наслов „Заминување на најлошиот тренер во историјата на Премиер лигата“.
Тој освои само четири поени на 14 натпревари, во просек 0,29 поени по натпревар. Ниту еден друг менаџер кој раководел со клуб најмалку десет кола во ерата на Премиер лигата нема полош просек.
„АС“, дополнително го анализира настапот на Јуриќ.
Претходниот неславениот рекорд го држеше Тери Конер, поранешен менаџер на Вулверхемптон, кој во сезоната 2011/12 во просек освојуваше 0,31 поен по натпревар“.
На 26 декември 2024 година, Јуриќ го наследи Расел Мартин по катастрофалниот почеток на сезоната 2024/25, но резултатите под негово водство се покажаа уште полоши. На 14 натпревари од Премиер лигата, хрватскиот стручњак освои само четири бода, што е дури и помалку од петте бода на Мартин.
Јуриќ оезоната 2024/2025 ќе сака што побргу да ја заборави. Пред Саутемптон доби отказ по само два месеци како тренер на Рома.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Интер сака да го врати Онана

Интер наводно повторно ја следи ситуацијата со својот поранешен голман Андреа Онана откако Манчестер јунајтед го изостави од составот за отворањето на сезоната во Премиер лигата.
Според „Сан“, италијанскиот клуб внимателно го следи неговиот статус бидејќи има сè повеќе шпекулации за иднината на Камерунецот на „Олд Трафорд“. Се додава дека Интер е заинтересиран за враќање на 29-годишникот, кој замина во Јунајтед во 2023 година.
Од неговото доаѓање, тој не ја оправда отштетата од 56 милиони евра, а со оглед на тоа што тренерот на Интер бара нов голман, додека Јан Сомер во моментов е прв избор, враќањето би можело да стане реална опција.
Фото/ Принтскрин
Спорт
Лукаку ќе го пропушти првиот дел од сезоната

Тежок удар за Наполи пред почетокот на сезоната во Серија А во која ја бранат титулата. Ромелу Лукаку се повреди и го очекува подолга пауза.
Напаѓачот кој минатата сезона забележа дабл-дабл учинок од 14 гола и 11 асистенции го повреди квадрицепсниот мускул и ќе му биде потребна операција. Се очекува да отсуствува четири до пет месеци.
Огромен проблем за Конте и Наполи. Бидејќи сега Наполи како класичен напаѓач го има само Лоренцо Лука засилувањето од Удинезе.
Затоа е јасно дека Наполи ќе мора да се активира на пазарот. Според првите информации, целта е Расмус Хајлунд од Манчестер јунајтед. Идејата на Наполи е да го доведе на позајмица.
Сепак, Наполи не е единствениот што е заинтересиран за Данецот. Милан е во игра веќе некое време и преговара со „црвените ѓаволи“ и го сака Хојлунд во случај да не постигнат договор со Душан Влаховиќ. Како што стојат работите, Хојлунд е на добар пат да се врати во Серија А.
Спорт
Нотингем Форест го засили нападот

Арно Калимуендо, до неодамна играч на Рен, потпиша договор со Нотингем Форест.
Францускиот клуб доби 30.000.000 евра обештетување, а двократниот европски шампион со овој трансфер најави големи амбиции во новата сезона, во која ќе се натпреварува и во Лига Европа.
Калимуендо ја започна својата кариера во Пари Сен Жермен, но таму играше многу малку. Пред три години се пресели во Рен, каде што одигра одлични натпревари. Постигна 40 гола и имаше 14 асистенции.
Третиот е најскапото засилување на клубот во овој преоден рок. Форест издвоија повеќе од него за Омар Хачинсон и Ден Ендо.
Нотингем, ја отвори новата сезона во Премиер лигата со убедлива победа од 3:1 против Брентфорд.
Фото/ Принтскрин