Свет
Се преврте брод кај Флорида, пет лица се водат за исчезнати, едно е пронајдено мртво

Американската крајбрежна стража трага по пет лица кои се водат за исчезнати по превртувањето на брод во близина на заливот Сент Луси, Флорида.
Крајбрежната стража соопшти дека четири лица се спасени на местото на несреќата, додека едно лице е пронајдено мртво.
Еден од патниците рече дека чамецот се превртел во петокот, според објавата на крајбрежната стража на социјалната мрежа Икс.
Во неделата попладне властите известија дека потрагата по исчезнатите патници од превртениот брод сè уште трае.
Крајбрежната стража исто така соопшти дека потрагата започнала откако „добронамерен граѓанин го пријавил инцидентот“ што се случил на околу 29 наутички милји од брегот на Сент Луси на Флорида.
Противпожарната служба на округот Мартин објави на социјалните мрежи дека крајбрежната стража била на местото на несреќата нешто пред 10 часот во неделата.
„Пронајдени се пет лица, од кои едно е починато. Четворица од нив се пренесени на понатамошна медицинска помош“, соопштија од противпожарната служба. „Нашите тимови ги примија тие четворица пациенти со хеликоптер на аеродромот во Стјуарт.
Во друго соопштение, пожарникарите додаваат дека едно лице се здобило со тешки телесни повреди, додека другите три се со повреди кои не се опасни по живот. Сите беа пренесени во Клиниката во Кливленд.
„Потрагата по уште пет лица пријавени за исчезнати продолжува“, соопшти крајбрежната стража.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Нов аларм во Грац: само неколку часа по масакрот во училиштето, пристигнаа заканувачки повици

Во вторникот наутро, Грац беше шокиран од веста за масакрот во училиштето, каде што напаѓачот убил 10 лица, а потоа извршил самоубиство, а само неколку часа подоцна имаше нов аларм.
Како што пишува „Кронен“, само неколку часа по масовното убиство во училиштето, имитаторите го искористиле пукањето како изговор за да упатат закани.
Имено, друга гимназија во Грац добила заканувачки повик во вторникот вечерта, изјави Франц Руф, генерален директор за јавна безбедност.
Закана била испратена и до централната станица во Грац во вторникот попладне, пишува „Кронен“ и додава дека истрагите за овие закани се во тек.
Свет
Руски амбасадор: Обновувањето на односите меѓу САД и Русија го забавува „длабоката држава“ во Америка

Разговорот меѓу САД и Русија за решавање на прашањата во нивните билатерални односи ќе биде преместен од Истанбул во Москва, изјави денес за ТАСС новиот руски амбасадор во Вашингтон.
„Сè уште има долг пат за обновување на руско-американските односи“, рече амбасадорот Александар Дарчиев.
Според него, зближувањето со Москва го забавуваат таканаречената „длабока држава“ во САД и антируските „јастреби“ во Конгресот.
„Можам да потврдам дека во блиска иднина во Москва ќе се одржат нови разговори на делегации“, рече Дарчиев.
Војната во Украина предизвика најголеми тензии во односите меѓу Москва и Западот од Студената војна. Искусни дипломати од Москва и Вашингтон изјавија за Ројтерс во 2024 година дека не можат да се сетат дека односите некогаш биле полоши.
Администрацијата на претседателот Доналд Трамп го смета украинскиот конфликт за посредничка „proxy“ војна меѓу САД и Русија. Трамп постојано предупредуваше на ризикот од ескалација на конфликтот во светска војна.
Свет
ЕУ го додаде Монако на листата на земји со висок ризик за перење пари

Европската комисија денес објави дека го додаде Монако на листата на земји со „висок ризик“ во однос на перењето пари, како и дека ги отстрани Обединетите Арапски Емирати од листата.
Европската комисија се согласи со „сивата листа“ на Работната група за финансиски дејствија (FATF), меѓународно тело задолжено за евалуација на активностите на земјите во борбата против перењето пари.
Монако е на нивната листа од 2024 година.