Ракот на усната шуплина е меѓу 20-те најчести видови на рак во светот. Кај мажите, тој е на 12-то место, додека кај жените е на 18-то место, според податоците од Светскиот фонд за истражување на ракот. Оваа болест може да влијае на јазикот, непцата и внатрешноста на усните, а во некои случаи се шири и на задниот дел од грлото.

И додека генетиката игра улога, експертите нагласуваат дека исхраната и начинот на живот можат значително да влијаат на ризикот од развој на рак на усната шуплина.

Една секојдневна навика, која многумина ја доживуваат како дел од релаксација или социјални моменти, всушност може да биде сериозна закана – а тоа е консумирањето алкохол.

„Кога консумираме алкохол, тој се разградува во телото во ацеталдехид – токсично соединение кое може да ја оштети ДНК-та и со тоа да го зголеми ризикот од рак“, објаснува диететичарката и нутриционистка специјализирана за онколошка исхрана, Керол Саливан, за EatingWell. Покрај тоа, алкохолот им овозможува на штетните супстанции полесно да навлезат во клетките на усната шуплина и грлото.

Таа додава дека алкохолот е класифициран како канцероген од категорија 1. Може да ја наруши природната рамнотежа на микроорганизмите во устата и цревата, да предизвика воспаление и да го ослабне имунолошкиот систем – сето тоа заедно создава плодна почва за развој на рак.

Саливан истакнува дека дури и умерената консумација на алкохол може речиси да го удвои ризикот од развој на рак на усната шуплина. Алкохолот, исто така, се меша во апсорпцијата на важни хранливи материи како што се фолна киселина, витамини А, Ц и Е – кои се неопходни за обновување на клетките и заштита од слободни радикали.

„Редовното консумирање алкохол може да предизвика сериозни недостатоци на есенцијални витамини и минерали. Алкохолот речиси и да нема хранлива вредност, но сериозно ги нарушува природните одбранбени механизми на телото“, нагласува таа.

Стоматологот Чед Либрати советува дека, за превенција, треба да се грижите за исхрана богата со овошје и зеленчук, да избегнувате тутун, редовно да посетувате стоматолоg и да користите заштита за усни во сончеви денови.

„Дури и умереното пиење може да го удвои ризикот, додека за оние кои пијат често, ризикот може да биде пет пати поголем“, предупредува д-р Либрати.

Саливан додава дека многу луѓе се грижат повеќе за ритуалот на пиење отколку за самиот алкохол, па затоа предлага да се премине на безалкохолни алтернативи – кои се сè повеќе достапни денес и можат да помогнат во одржувањето на здравјето без да се жртвуваат социјалните навики.

Славната Линдзи Лохан (39) со години важеше за една од најубавите, но и најскандалозните јавни личности, а потоа се пензионираше. Подоцна се појави со сосема ново лице и, како што се пишуваше, потрошила околу 300.000 долари за операции.

Таа пристигна на премиерата „Freakier Friday“ на Дизни во Лос Анџелес со својот сопруг Бадер Шамас, со кого е во брак од 2022 година, но не го покажува толку често на социјалните мрежи, иако е доста активна.

Контроверзната Линдзи овој пат привлече внимание со поедноставен изглед на Барби. Таа избра нежно розов долг фустан од тил со длабоко деколте, додека изгледот го комплетираше со впечатлива сребрена огрлица.

Таа ја стилизираше својата долга руса коса во бранови и уживаше во погледите од јавноста, додека сите забележуваа колку младо изгледа Линдзи.

Не е познато дали во меѓувреме имала други корекции, но несомнено блесна на овој црвен тепих и покажа дека може да биде доста гламурозна ако сака.

Фото: принтскрин

Милијардерот Џеф Безос и неговата сопруга Лорен Санчез секогаш имаат барем една причина да бидат главна тема на сите медиуми. Нивната раскошна свадба заврши, но сите се уште се импресионирани од сè што видоа.

Тие сега се во Франција, каде што повторно уживаат во луксузот, а потоа на сцената стапува Лорен, која секогаш има инспиративно парче облека. Овој пат, нејзината скапа чанта го привлече вниманието.

За лежерната прошетка, Лорен избра винтиџ фустан од Роберто Кавали во нијанси на розова, тиркизна и зелена.

Модерните очила за сонце беа таму за да го надополнат модното издание, а потоа на сцената влезе минијатурна чанта Lady Dior.

Чантата за која станува збор е дел од колекцијата Rêve d’Infini и е рачно украсена со перли. Дизајнот е инспириран од мозаик од детството на Кристијан Диор во Франција. Таа повеќе не е достапна за продажба и е дел од колекција со ограничено издание, а беше продадена за повеќе од 12.000 евра.

фото: принтскрин