Во првиот натпревар од новиот циклус на квалификации за пласман на Евробаскетот во 2027 година, женската сениорска репрезентација на Македонија славеше минималнаа, но голема победа над селекцијата на Данска 79:78.

Изедначено прво полувреме одиграа Македонија и Данска во премиерниот меч од групата „Ф“ од квалификациите за Евробаскетот во 2027 година.

Нашите девојки имаа почетна предност, во 9.минута од натпреварот, водеа со пет поени разлика (18:13), но им дозволија на гостинките од Данска со серија од (8-0) да го преземат водство, на истекот на првата четвртина имаа (21:18).

Во воедните де минути од втората, нивната позтива изнесуваше и највисоки девет поени (29:20),

Но Македонија ја имаше расположената Хемпе, која во тој дел од играта делуваше незапирливо. По нејзиниот 16.поен, намаливме на (29:33), а потоа на теренот во СРЦ „Кале“, и тоа во вистинско време се „појави“ и Илина Селцова. Како наш втор голем адут во фазата на нападот. По нејзината серија на поентирање во која собра дури 12.поени, во последната минута од првото полувреме, Македонија одново водеше, со (39:37), но првиот дел заврши со предност на Данска (39:40).

Хемпе и Селцова искомбинираа 28 од 29 поени на Македонија во тие 20.минути во кои, интересно, капитенот Митрашиновиќ беше без поени, но имаше шест успешни додавања.

Без промени, и во играта, а и низ резултатот се играше и во вториот дел. Двете репрезентации се менуваа во водството, но ниту една не направи некоја посериозна предност. Македонија имаше плус од три поени (51:48), по поентирањето на Стојановска (нејзин 10.поен), момент од 25.минута, но не и нешто повеќе од тоа.

Имавме постојано водство и во последнито период од европската премиера. Највисокото на три минути пред крајот, кога капитенот Митрашиновиќ постави на семафорот скор (74:68), но Данска се доближи на (76:77), кога до крајот останаа да се доиграат 68.секунди.

При резуллтат (79:78) Данска имаше 12.секунди да дојде до победата, Македонија успеа да се одбрани и да слеви голема победа.

За три дена, исто така во Скопје, во второто коло Македонија ќе ја пречека Грција.

Izvor/ https://mkd.basketball

Фудбалската репрезентација на Нигерија ќе го игра натпреварот против Габон во плеј офот за пласман на Светското првенство во 2026 година.

Во вторникот, фудбалерите и стручниот штаб започнаа штрајк поради неплатени хонорари и бонуси. Побараа од Нигериската фудбалска федерација (NFF) проблемот итно да биде решен, бидејќи некои долгови дтарираат уште од 2019 година.

Тимот, предводен од ѕвезди како Виктор Осимхен и Адемола Лукман, одби да тренира во Мароко, каде што се подготвува за полуфиналниот натпревар. Според извештаите, играчите побарале исплата на посебен бонус за африканските плејоф натпревари, како и заостанати квалификациски такси за Африканскиот куп на нации во 2025 година и тековната кампања на Светското првенство.

Драмата доби среќен крај што потврди капитенот Трост-Еконг на социјалните мрежи.

„Проблемот е решен. Сите отворени финансиски прашања се решени и ние сме подготвени на теренот. Тимот е обединет и, како и досега, фокусиран на претставување на Нигерија со максимални перформанси во следните натпревари.

Бојкотот фрли сенка врз подготовките за натпреварот против Габон, кој ќе се игра во четврток на стадионот „Мулај Хасан“ во Рабат. Победата е клучна за да се одржат надежите на Нигерија за пласман на Нигерија на Светското првенство следната година во Канада, Мексико и САД.

Победникот од овој натпревар во неделното финале од африканскиот плејоф ќе игра против подобриот тим од натпреварот меѓу Камерун и ДР Конго.

Тимот што ќе триумфира во финалето ќе обезбеди место во интерконтиненталните квалификации во март 2026 година, каде што шест репрезентации ќе се борат за последните две места на Светското првенство.

Кандидатот за претседател на Барселона, Ксавиер Вилахоана, го обвини актуелното раководство на чело со Џоан Лапорта дека лаже за финансиската состојба на клубот, повикувајќи на целосна транспарентност во врска со заминувањето на Лионел Меси во 2021 година.

Според нов независен извештај, нарачан од самиот Вилахоана, долгот на каталонскиот гигант пораснал на рекордни 4,12 милијарди евра, што фрла сомнеж врз приказните за економско закрепнување и го доведува во прашање дали заминувањето на Меси било навистина чисто финансиски мотивирано, пишува „Goal.com“.

Темелите на претседателствувањето на Лапорта повторно беа потресени по објавувањето на извештајот насловен како „Економски рендген на ФК Барселона (2005-2025)“.

Деталната, независна анализа презентирана во Барселона е нарачана од Вилахоана, поранешен директор на клубот и веројатен противник на претстојните избори. Студијата ја открива загрижувачката финансиска траекторија на клубот, наведувајќи дека вкупниот долг достигнал 4,12 милијарди евра – највисок во историјата на европскиот фудбал и зголемување од дури 293% од 2021 година.

Овие податоци директно се спротивставуваат на наративот на Лапорта дека неговата администрација го „спасила“ клубот од економски колапс. Во извештајот се наведува дека дури и кога ќе се исклучи проектот „Еспаи Барса“ од 2,82 милијарди евра, оперативните и финансиските долгови сè уште надминуваат 1,3 милијарди евра, што е повеќе отколку што Лапорта наследил од администрацијата на Жозеп Марија Бартомеу.

Особено загрижува тврдењето дека клубот искористил 929 милиони евра од продажба на средства (ТВ права, студија на Барса, ВИП седишта) за финансирање на тековните операции наместо долгорочно закрепнување, што Виљахоана го нарекува „заведувачка и неодржлива“ стратегија.

За време на презентацијата на извештајот, Вилахоана остро го критикуваше начинот на кој администрацијата на Лапорта управува со финансиите и транспарентноста. Тој ја обвини администрацијата дека ја прикрива вистинската ситуација.

„Во овие четири години, Лапорта продаде речиси 900 милиони евра наследен имот. Без тоа наследство, акумулираните загуби веќе би надминале една милијарда евра, што е износ еквивалентен на вкупната вредност на сегашниот прв тим“, истакна Вилахоана.

Тој додаде дека податоците откриваат многу поделикатна ситуација од онаа што претседателот јавно ја прикажува.

„Студијата открива практики на сметководствена манипулација со цел да се претстави закрепнување што не одговара на финансиската реалност на клубот.

Вкупно, повеќе од 380 милиони евра би биле вклучени во сметките без реална основа, менувајќи ја перцепцијата за долгот и резултатите.

„Овие операции не го намалуваат вистинскиот долг; тие само го кријат. Преправањето дека бројките се избалансирани не го спасува клубот, туку го лаже клубот.“

Едно од најгласните тврдења од извештајот е дека заминувањето на Лионел Меси можеби не било само од финансиска природа. Поранешниот директор го повика Лапорта „конечно да ја каже вистината“ за причините за отпуштање на аргентинската легенда.

„Заминувањето на Меси се темелеше на финансиски причини. Се велеше дека клубот не може да си го дозволи најдобриот играч на светот. Ако причината беше финансиска, сега не ја гледам никаде“, рече Вилахоана.

„Нека Лапорта ни ја каже вистинската причина зошто Меси замина“.

Вилахоана, исто така, предупреди дека се намалуваат инвестициите во Ла Масија, познатата фудбалска академија.

„Лапорта живее од успехот на Ла Масија, а воедно ги намалува инвестициите. Од почетокот на неговиот мандат, тој ги намали инвестициите во Ла Масија од 40 милиони евра на 25 милиони евра. Ако треба да научиме нешто од оваа економска катастрофа, тоа е дека Ла Масија е најдобриот капитал на Барса“, заклучи тој.

Иако извештајот носи катастрофални податоци, пораката на Вилахоана е насочена кон обнова на клубот. Тој најави дека официјално ќе го претстави својот изборен проект на 27 ноември, нудејќи визија заснована на транспарентност, одговорност и развој на млади играчи.