Свет
Пенс: Путин не сака мир, тој ја сака Украина
Политиката со царини на Доналд Трамп ќе предизвика „ценовен шок“ и евентуален недостиг и ќе доведе до јавен притисок за промена на неговиот пристап, изјави поранешниот потпретседател на САД, Мајк Пенс.
Во еден од неговите најобемни настапи против политиките на претседателот на кого некогаш му служеше, Пенс ја критикуваше „недоследната“ поддршка на Белата куќа за Украина во интервју за Си-Ен-Ен и изјави, директно спротивставувајќи се на тврдењата на Доналд Трамп, дека рускиот претседател Владимир Путин не сака мир.
Зборувајќи за царините што Трамп ги направи централна политика во својот втор мандат, воведувајќи 90-дневна пауза за повеќето земји по превирањата на меѓународните пазари, Пенс нагласи дека тие „не се победа за американскиот народ“ и предупреди дека најлошите последици допрва доаѓаат.
– Загрижен сум дека царините на претседателот, воведени и против пријателите и против непријателите, значат дека администрацијата всушност спроведува политика која не е насочена кон земјите кои ги злоупотребиле нашите трговски односи, туку се однесува на нова индустриска политика која ќе доведе до инфлација, ќе им наштети на потрошувачите и ќе ѝ наштети на американската економија – рече тој.
Дури и администрацијата призна дека може да има ценовен шок и евентуален недостиг во економијата по паузата – рече Пенс.
Тој предупреди дека Белата куќа ризикува да предизвика политичка реакција, осврнувајќи се на неодамнешната изјава на Доналд Трамп дека царините би можеле да доведат до тоа „американските деца да имаат две кукли наместо 30“ и дека тие кукли би можеле „да чинат неколку долари повеќе“.
– Одржувањето на играчките по прифатливи цени за нашите деца е навистина дел од американскиот сон – рече тој.
– Мислам дека американскиот народ ќе ги види последиците од ова. Мислам дека ќе бараат поинаков пристап.
Тој, исто така, ја критикуваше администрацијата за заканата дека ќе ја повлече поддршката за Украина, чиј претседател, Володимир Зеленски, беше јавно обвинет од Трамп за руската инвазија, додека тој постојано го фалеше Путин. Дури неодамна ја промени својата реторика, откако рускиот претседател ги отфрли понудите за мир и наместо тоа нареди ракетни напади врз Киев.
Пенс рече: „Ако последните три години нè научија нешто, тоа е дека Владимир Путин не сака мир, туку ја сака Украина. Фактот дека Украина се согласи на прекин на огнот, додека Русија одложуваше и нуди изговори речиси два месеци, ја потврдува таа изјава. Според мене, недоследната поддршка на администрацијата во последните месеци само дополнително ја охрабри Русија.“
Тој беше подеднакво остар и кон ставот на Доналд Трамп кон Канада, за која воведе трговски царини и изјави дека би ја сакал како 51-ва федерална држава на САД. Пенс ја нарече Канада „голем сојузник чии војници се бореле и умирале рамо до рамо со Американците во секоја војна од Првата светска војна“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Унгарија ги осуди иранските напади врз заливските држави
Министерот за надворешни работи и надворешна трговија на Унгарија, Петер Сијарто, изјави дека Будимпешта најостро ги осудува иранските напади врз суверенитетот и територијалниот интегритет на заливските држави.
Како што наведе, нападите насочени кон Обединетите Арапски Емирати, Катар, Бахреин, Кувајт и Саудиска Арабија претставуваат сериозна закана за регионалната безбедност.
„Секој чекор што води кон ескалација на конфликтот е неприфатлив и дополнително ја зголемува нестабилноста на Блискиот Исток. Безбедноста и стабилноста на регионот се од глобален интерес, а Унгарија поддржува деескалација“, порача Сијарто во објава на социјалната мрежа Икс.
Тој додаде дека Унгарија изразува солидарност со своите партнери во регионот, кои, според него, се изложени на континуирани напади.
Свет
(Видео) Израелската армија објави снимка од нов голем напад врз Техеран
Израелските одбранбени сили (ИДФ) објавија снимка од воздушен напад врз, како што наведуваат, „штаб на иранскиот терористички режим“ во Техеран.
На видеото се гледа уништување на две згради во иранската престолнина.
Претходно, војската соопшти дека спроведува бран обемни напади врз „цели на иранскиот терористички режим во срцето на Техеран“.
צפו בתיעוד ראשון מהמטס הרחב של חיל האוויר בלב טהראן
מצורף תיעוד מהדקות האחרונות של השמדת מפקדה של משטר הטרור האיראני בלב טהראן pic.twitter.com/jGSpx0oo2Y
— צבא ההגנה לישראל (@idfonline) March 1, 2026
Свет
(Видео) Експлозии одекнуваат низ Техеран откако Израел најави широк напад во срцето на иранската престолнина
Нови експлозии одекнуваат низ Техеран, а снимки и фотографии од густ чад се појавуваат на социјалните мрежи.
Израелските одбранбени сили (ИДФ) пред нешто повеќе од половина час објавија дека почнале напади врз срцето на Техеран.
तेहरान के ऊपर विशाल धुएँ के कॉलम उठ रहे हैं, इज़रायली हमलों के बाद। क्या ये मिडिल ईस्ट का नया युद्धक्षेत्र बन गया? #TehranUnderAttack #IsraelIranWar#Iran #Khamenei #Israel #Tehran #Teheran #IranRevoIution2026 #IranWar pic.twitter.com/IllTWLSKhe
— Mayank Tiwari (@imayanktiwari) March 1, 2026
„Воздухопловните сили, водени од военото разузнавање почнаа широк бран напади врз цели на иранскиот терористички режим во срцето на Техеран“, се наведува во соопштението на армијата.
Војската додава дека во текот на изминатиот ден биле спроведени обемни напади со цел да се обезбеди воздушна надмоќ и да се отвори патот кон Техеран.
Фото: ЕПА

