Спорт
Ерика Гарсија: Не успеавме поради работи што беа надвор од наша контрола

Барселона не успеа да се пласира во финалето во Лигата на шампионите. Во два спектакуларни натпревари, Интер славеше со вкупен резултат 7:6. По нерешениот резултат 3:3 во спектакуларниот прв натпревар, италијанскиот тим ја победи Барселона со 4:3 по продолженијата и со тоа се пласираше во второто финале во последните три сезони.
Барселона губеше со 2:0 на полувреме, а во 88-та минута имаше водство од 3:2, но сè се распадна во последните секунди кога примија гол за 3:3. Во 99-та минута, преку Давиде Фратеси, Интер го постигна решавачкиот гол.
Ерик Гарсија од Барселона, стрелецот на голот за 2:1 во 54-та минута, беше разочаран по испаѓањето: „Мислам дека фудбалот беше многу неправеден кон нас. Влеговме во второто полувреме со негатива од 2:0 и тимот повторно покажа карактер.
Овој тим е неверојатен, а истото важи и за навивачите кои отсекогаш нè поддржувале. Не знам што се случува на овој стадион, но поради работи што не беа под наша контрола, не бевме во можност да го постигнеме она што го сакавме“, рече Гарсија и дополни.
„Сите знаеме што се случи со судијата минатиот пат кога игравме тука. Но, мора да бидеме горди. Ова беше година во која никој не веруваше во нас, а погледнете што успеавме да направиме. Бевме подобри од нив, но кога ќе примите гол во 93-та минута, тоа многу боли. Во продолженијата, тие се затворија и се бранеа добро. Ова нема да нè поколеба за Ел Класико. Напротив, заклучоците се многу позитивни. Во Барселона нема преодни сезони“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мењан во Челзи, во Милан доаѓа Милинковиќ-Савиќ

Францускиот репрезентативен голман Мајк Мењан (29) ќе ја продолжи кариерата во Челзи. „Сините“ за услугите на голманот на Милан ќе му платата 18 милиони евра отштета, објавија италијанските медиуми.
Мењан пристигна во Милан летото 2021 година од Лил, а неговиот договор важеше до јуни следната година.
Милан се согласи да го продаде бидејќи не можеше да се договори за продолжување на договорот, па овој летен преоден рок беше последна шанса да заработи нешто од неговиот трансфер.
Мењан треба да биде заменет на голот на Милан со српскиот голман Вања Милинковиќ-Савиќ (28), чиј договор со Торино истекува за една година.
Спорт
Седум играчи го засилија Алкалоид

Фото/ rkalkaloid.mk
РК Алкалоид останува на својата определба и во следната сезона да биде клуб составен во најголем дел од македонски ракометари кои ќе добијат врвни услови за тренинг, ќе работат според професионална програма и ќе имаат простор за напредок преку настапите на домашната и на европската сцена.
Неколку ракометари со голем потенцијал и за клубот и за сениорската репрезентација на Македонија доаѓаат следната сезона во клубот.
Алкалоид кој ја освои титулата во Европскиот куп, за следната сезона ангажира седум нови играчи, шестмина се Македонци, странец е само Србинот, Урош Борзаш. Покрај него нови играчи на Алкалоид се: Ненад Костески, Емилијан Ѓорговски, Михаил Аларов, Михаил Иваноски, Ѓорѓи Николовски и Давид Трајкоски,
Спорт
Пукна љубовта, Мурињо ќе го напушти Фенербахче

Жозе Мурињо и Фенербахче ќе го објават прекинот на соработката во следните неколку дена, тврдат турските медиуми.
Ова е епилогот од средбата во Лондон помеѓу познатиот тренер и Али Коч, претседателот на клубот од Истанбул. Мурињо бара 15 милиони евра за предвремен раскин на договорот.
Португалецот го презеде тимот минатото лето, но Фенербахче под негово водство не освои ниту еден трофеј. Во првенството на Турција, тие беа втори зад нивниот најголем ривал Галатасарај.
Покрај тоа, Мурињо беше во постојан конфликт, со судиите, со службените лица од другите клубови, што предизвика гнев кај навивачите и новинарите и му наштети на угледот на турскиот фудбал.