Спорт
(Видео) Сампдорија испадна во Серија Ц, навивачите на Џенова славеа до доцна во ноќта

Веста за испаѓањето на Сампдорија во Серија Ц (трет ранг на италијанскиот фудбал) предизвика бурни прослави меѓу навивачите на лутиот градски ривал Џенова. Додека навивачите на Сампдорија тагуваат по шокантното испаѓање во Серија Ц, навивачите на градскиот ривал Џенова „скокаа“ од радост.
Навивачите на овој клуб палеа факели и огномети низ целиот град до доцна во ноќта. Исто така, беше организиран и „погреб“.
Сампдорија, поранешен италијански шампион и финалист на Купот на шампионите во 1992 година, ја заврши сезоната во Серија Б на понижувачки начин. Ремито во последното коло на гости против Јуве Стабија им донесе пад на 18-то место на табелата и испаѓање во третата дивизија за прв пат во нивната историја.
Кратко откако беше потврдено нивното испаѓање, групи навивачи на Џенова ги преплавија улиците на градот, пеејќи гласно и факели за да го прослават падот на градските ривали. Видеата го прикажуваат и ковчегот и погребот на „починатиот“.
Под водство на легендарниот југословенски и српски тренер Вујадин Бошков, Сампдорија беше шампион на Италија во 1991 година, а една година подоцна играше за титулата европски шампион кога беше поразена од Барселона во финалето во Лондон (0:1).
La Sampdoria est donc reléguée en Serie C. Le malheur des uns faisant le bonheur des autres, les tifosi du Genoa ont immédiatement célébré l'enterrement de la Doria avec une minute de silence rompue par le cri "Serie C !"
This is Italy ! pic.twitter.com/EbyhkC1EIy— Olivier Laval (@olivierlaval27) May 14, 2025
Mentre i tifosi della Sampdoria piangono per una clamorosa retrocessione in Serie C, i tifosi del Genoa festeggiano il declino dei propri rivali di sempre con fumogeni, cori e fuochi d'artificio 🎆#Sampdoria #Genoa #SerieB pic.twitter.com/cfjxpegnvd
— Rompipallone.it (@Rompipallone_) May 13, 2025
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Имобиле се врати во Серија А

Фото/ EPA-EFE/ERDEM SAHIN
Искусниот италијански напаѓач Чиро Имобиле (35) се враќа во Серија А.
Неговиот нов клуб е Болоња, тврди најпознатиот трансфер инсајдер Фабрицио Романо.
Имобиле ја помина претходната сезона во Бешикташ, одигра 30 натпревари и постигна 15 голови, потврдувајќи ја својата класа, но еден повик од неговата татковина го направи своето.
Чиро е играчот со најмногу титули „крал на стрелци“ во италијанското првенство, тој дури четири пати беше „Капоканониере“ на Серија А, еднаш во дресот на Торино, три пати како играч на Лацио.
Според Романо, тој ќе потпише едногодишен договор со Болоња со можност за продолжување за уште една сезона. Истиот извор претходно објави дека поранешниот играч на Јувентус, Федерико Бернардески, ќе се приклучи на Болоња ова лето.
Спорт
„Леброн е фрустриран поради Дончиќ“

Фото/ EPA-EFE/ALLISON DINNER
Американските медиуми шпекулираат дека работите се хаотични во соблекувалната на Лос Анџелес Лејкерс и дека Леброн Џејмс е фрустриран од Лука Дончиќ.
Според американскиот „Јаху“ и нивниот НБА инсајдер Џон Гамбадоро, ситуацијата во соблекувалната на Лос Анџелес Лејкерс не е баш најдобра и наводно има тензии.
Иако сè изгледа фантастично на паркетот, тој наведува дека нема добра хемија помеѓу Лука Дончиќ од една и Леброн Џејмс и Остин Ривс од друга страна.
„Леброн е фрустриран затоа што не сака да игра со Лука. Ривс не сака да игра со Лука. Не сака да ја добие топката две секунди пред крајот на нападот. Лејкерс дефинитивно треба да изградат тим околу Лука, а не околу Леброн. Сега ова е тим на Дончиќ. И двајцата ќе се вратат по летната пауза, но мора да се биде внимателен“, рече Гамбадоро.
Оваа информација е изненадувачка за многумина, но многумина ќе разберат дека на Леброн не му се допаѓа што Дончиќ е новото лице на франшизата и дека е навикнат да биде на местото на Лука.
Гамбадоро, исто така, праша дали Леброн има тешкотии со реалноста да го дели целото тоа внимание за прв пат во својата кариера и апострофираше дека Џејмс го фали Дончиќ и е единствениот соиграч кого не го критикувал.
Погледот на бројките на Ривс дава поинаква перспектива за нивниот однос. Во натпреварите без Лука минатата сезона, Ривс имаше просек од солидни 19,8 поени, 6,3 асистенции, 4,3 скока, 1,3 украдени топки, шутирајќи 45% од поле и 36,2% за три поени.
Кога играше покрај Лука, Ривс всушност ја зголеми својата продуктивност, постигнувајќи просек од 21 поен, 4,8 скока, 4,8 асистенции, додека шутираше подобро со 47,9% од поле и 40,2% за три поени.
Досега, доаѓањето на Дончиќ не му наштети на Ривс во офанзива. Напротив, се чини дека ја зголеми неговата ефикасност и бројот на поени. Поголемиот проблем кога двајцата беа заедно на теренот беше одбраната.
И Дончиќ и Ривс беа мета на противничките играчи, особено на Минесота Тимбервулвс во првото коло од плејофот, што придонесе елиминацијата на Лејкерси по пет натпревари.
Спорт
Квитова се збогува со Вимблдон

Фото/ EPA/DANIEL HAMBURY
Двократната шампионка Петра Квитова (35) загуби од Ема Наваро со 6:3 6:1 во првото коло на Вимблдон.
Тенисерката од Чешка беше ѕвезда по мечот, бидејќи се збогува со Вимблдон, има намера да посвети повеќе време на своето семејство.
„Честитки Ема. Жал ми е што не можевме да играме уште малку. На ова место се најубавите спомени што можев да ги посакам. Среќна сум што можев да играм на ова посебно место уште еднаш“, рече Квитова.
„Никогаш не сонував дека ќе го освојам Вимблдон, а го освоив двапати… Ќе ми недостига Вимблдон, ќе ми недостига тенисот. Но, подготвена сум за следното поглавје во мојот живот. Дефинитивно ќе се вратам тука како член на клубот“, заклучи Квитова.
Таа го освои Вимблдон во 2011 и 2014 година и заработи над 37 милиони долари само од тенисот.