Го поддржуваме Договорот за стратешка соработка со Британија, но по информациите во британски медиумите упатувам прашање до Владата дали е спремна да разговара за сместување мигранти во нашата земја, повика претседателот на СДСМ, Венко Филипче на денешната прес конференција.

„

Имено, непосредно после Самитот излезе информација дека откако Албанија го одбила договорот со Велика Британија да прима мигранти, имајќи предвид дека таков договор има со Италија, лидерите на Косово, Северна Македонија, генерално од Западен Балкан кажале дека исто така не се согласуваат да има кампови за мигранти, но се отворени за тоа да се разговара. Упатувам прашање до владата, дали навистина се спремни со Велика Британија да разговараат за сместување на емигранти во нашата земја?“, рече Филипче.

Тој потенцираше дека СДСМ го поддржува Договорот за стратешко партнерство со Обединетото Кралство и дека пратениците ќе го поддржат во македонското Собрание потсетувајќи дека и владите на СДСМ во минатото имале потпишано таков договор за стратешка соработка.

„Апсолутно го поддржуваме. Нашата Влада во изминатите години има потпишано еден договор за стратешка соработка со Обединетото Кралство и сметам дека тоа е земја, наш сериозен партнер во изминатите години, децении, секогаш, и во кризи кога сме биле, а и генерално во сите процеси за напредок на земјата, Велика Британија давала подршка. Тој чин, тој гест е за поздравување и ние тој Договор кога ќе дојде во Собранието за ратификацика ќе го подржиме“, рече претседателот на СДСМ, Венко Филипче.

Претседателот на СДСМ, Венко Филипче, на денешната прес-конференција обвини дека постои недостаток на транспарентност и информации поврзани со содржината на договорите за нов кредит од 6 милијарди евра кој го зема Владата.

Тој посочи дека, според изјавите на премиерот и вицепремиерот, станува збор за два договори: „еден во делот на стратешка соработка, и еден договор на заем“ со Обединетото Кралство. Филипче потенцираше дека целата постапка се одвива без доволна информираност на јавноста и институциите: „Сметам дека јавноста, за жал, а ниту политичките субјекти, дали во парламентот или генерално во земјата, за ваков сериозен договор за заем, немаат доволно детали“.

Тој додаде дека Владата е должна веднаш да излезе со повеќе информации, бидејќи, како што рече, ваква рамка за волкава сума на пари досега нашата земја не потпишала со ниту една институција, со ниту една влада.

Истакна дека е особено важно да се знаат сите параметри, бидејќи се работи за огромни суми на пари, камати кои што не знаеме колкави се, а кои ќе ги враќаат следните генерации.

Во однос на првиот договор, за стратешка соработка, Филипче ја истакна поддршката од СДСМ.

„Апсолутно го поддржуваме“, рече тој, објаснувајќи дека и претходната влада потпишала ваков договор со Обединетото Кралство.

„Сметам дека тоа е земја, наш сериозен партнер во изминатите години, децении, секогаш, и во кризи кога сме биле, а и генерално во сите процеси за напредок на земјата, Велика Британија давала поддршка и тој чин, тој гест е за поздравување“.

Околу вториот договор Филипче изрази сомнежи и постави серија клучни прашања. Според Филипче, износот од 6 милијарди евра е алармантен.

„Огромна сума на пари, 6 милијарди евра, го надмина дури и нашиот буџет“, рече Филипче. Тој истакна дека прво мора да се утврди потеклото на средствата и да се одговори на прашањата дали парите се британски и директно од британската влада или станува збор за фонд којшто е лоциран во Велика Британија, а располага со пари од некоја друга земја.

Филипче потсети на заемот од Унгарија, за кој, како што рече, биле понудени полоши услови од оние на Светска банка:

„Ние докажавме и покажавме документи кога Владата зема ист таков влада со влада заемот од Унгарија, дека во тој момент кредитот, односно заемот кој што можевме да го земеме за развој на општините од Светска Банка, беше далеку поповолен од таа камата што ја даде Унгарија – 3,25 проценти, дополнително одредени провизии за банките коишто ги делат кредитите“.

Тој остро реагираше и на начинот на кој повторно се прави договор од типот влада со влада и за тоа колку ќе има транспарентност во трошењето на овие средства.

Како пример за целосен недостаток на информации, го наведе случајот со унгарскиот заем: „Ние, на пример, за парите кои што стигнаа од Унгарите немавме и јавноста, ама апсолутно никакви информации. Транспарентноста е еднаква на нула“.

Филипче оцени дека Владата мора итно да одговори на сите овие прашања, бидејќи, како што рече, се работи за клучна одлука со огромни импликации.

Генералниот секретар на Движењето ЗНАМ за Наша Македонија, на прашање од граѓаните на Македонски Брод, ја потенцираше јасната и принципиелна позиција на движењето во однос на прашањето за внесувањето на Бугарите во Уставот на Република Македонија.

„Ние немаме ништо против ниту еден народ, вклучително и Бугарите. Не сме против нивното уставно спомнување, но бараме цврста гаранција дека тоа ќе биде последното барање од нашите соседи на патот кон Европската Унија,“ рече тој.

Истакна дека протоколите кои претходната Влада ги потпиша со Бугарија содржат сериозни замки кои директно го допираат националното достоинство и историската вистина за македонскиот народ.

„За нас е неприфатливо Гоце Делчев да биде прикажан како Бугарин. За нас е неприфатливо да се прифати дека македонскиот народ постои од 1945 година, и уште помалку да се нарекува бугарскиот фашистички окупатор администратор“ – додаде генералниот секретар.

Тој потсети дека Македонија веќе направила огромни отстапки на европскиот пат со промена на името, знамето и уставни измени и порача дека македонскиот народ нема да дозволи самопоништување и историски ревизионизам.

„Доста е! Ние сакаме европска иднина, но не по цена на нашата историја, идентитет и јазик“ – заклучи тој.