Поранешниот репрезентативец на Мали, Абдулае Дукуре, го напушта Евертон во јуни, објави клубот од Ливерпул.

„Абдулае Дукуре ќе го напушти Евертон кога ќе му истече договорот во јуни“, се вели во соопштението на деветкратниот шампион на Англија.

Дукуре (32) е роден во Франција, но играше за сениорската репрезентација на Мали. Тој е во Евертон од 2020 година и одигра 165 натпревари за клубот во сите натпреварувања и постигна 21 гол.

Пред Евертон, Дукуре играше во Англија за Вотфорд, како и за шпанска Гранада и француски Рен.

Манчестер сити го победи Борнмут со 3:1 во претпоследното, 37-мо коло од Премиер лигата. Кевин Де Брујне го одигра последниот натпревар во светло синиот дрес пред домашната публика. Еден од најдобрите играчи во историјата на Премиер лигата го напушта клубот по 10 години како слободен играч.

Клубот го искористи последниот натпревар од сезоната на „Етихад“ за да се збогува со фудбалерот, за кого многумина тврдат дека е најдобриот што играл за Сити.

Де Брујне ја напушти играта во 69-та минута со овации, а по натпреварот се збогува со клубот со трогателен говор.

Додека го слушаше Де Брујне, Пеп Гвардиола се расплака.

Pep Guardiola crying at KDB’s farewell I’m hurt pic.twitter.com/DVxLLAy8za

— ⚡️🇧🇼 (@Priceless_MCI) May 20, 2025

Белгискиот офанзивен играч од средниот ред дојде во 2015 година од Волфсбург за сума од 75 милиони евра, што тогаш беше рекордна сума што Сити ја плати за играч. Оттогаш, КДБ одигра 421 натпревар за Сити, постигна 107 гола и забележа 177 асистенции.

Тој освои шест англиски титули, една Лига на шампиони, два ФА купа и пет Лига купови. Два пати беше прогласен за најдобар играч на сезоната од Премиер лигата и Здружението на фудбалски професионалци, а пет пати беше избран во тимот на сезоната на англиското првенство.

Оклахома Сити Тандер ги победија Минесота Тимбервулвс со 114:88 и поведоа со 1:0 во финалето на Западот.

Шеј Гилџес-Александер и тимот ги декласираа „Вулвс“ во второто полувреме и јасно ставија до знаење дека сериозни се во намерата да го освојат шампионскиот прстен.

Првиот дел од натпреварот беше обележан со силни одбрани на двете страни. Минесота се покажа за нијанса подобро и заминана големата пауза со плус четири, 48:44.

Слично беше се до средишницата на третиот период кога Оклахома со серија 10:0 стекна предност од осум поени. Во последниот период Оклахома го засили притисокот и го прегази ривалот.

Шеј Гилџис Александер немаше одлична шутерска вечер, погоди 10 од 27 обиди, но беше најефикасниот актер на натпреварот со 31 поен со пет скока и девет асистенции. Џејлен Вилијамс постигна 19, Холмгрен 15, а Хатерштајн 12 поени.

Во редовите на Минесота, Џулиус Рендл беше убедливо најдобар со 28 поени и осум скока, а првата ѕвезда на тимот Ентони Едвардс забележа 18 поени и девет скока.

Вториот натпревар ќе се игра ноќта помеѓу четврток и петок во 2 часот и 30 минути по македонско време.