Спорт
Барселона добила неверојатна понуда за Јамал
Со само 17 години, Ламин Јамал стана еден од најдобрите фудбалери во светот и играч околу кого многу работи се вртат, а Барселона сака околу него да ја гради иднината. По брилијантните настапи во дресот на Барселона, талентираниот Шпанец очекувано се најде на радарот на европските гиганти и оние кои се во многу подобра финансиска состојба каталонскиот клуб.
Спортскиот директор на Каталонците, Деко, призна дека клубот добил екстра понуда, која не не била лесна за одбивање. Според него, ПСЖ понудил 250 милиони евра.
Тековниот договор на Јамал со Барселона истекува на 30. јуни 2026 година, а Каталонците презедоа конкретни чекори за продолжување на неговиот договор.
„Обновувањето е на вистинскиот пат. Го гледам Ламин на необично зрело ниво. Мора да бидеме среќни и да се радуваме, бидејќи нешто вакво не е нормално. Играч толку млад, со толку многу квалитет, не изгледа нормално.
Не смееме да заборавиме дека тој има 17 години и, без разлика колку и да е зрел, мора да живее според неговите години. Светот околу него е комплициран и тој треба да биде среќен“, рече Деко.
Деко потоа потврди дека минатата година добиле понуда од Париз, но дека не биле точни шпекулациите дека интерес за Јамал покажал и Реал.
„Тој не побара да биде најплатен играч во тимот. Нема јавно да зборувам за договорите на играчите. Ламин не побара ништо. Негов приоритет не е да биде најплатен играч, а неговиот договор ќе биде прилагоден на реалноста“, рече Деко.
Доколку Барса ја прифатеше понудата од Париз, рекордот ќе беше соборен, бидејќи ниту еден играч претходно не бил платен толку многу. Рекордот го држи Нејмар, кого ПСЖ го купи од Барселона за 222 милиони евра во летото 2017 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Граѓаните“ ја прекина неверојатната низа на Ливерпул
Пеп Гвардиола го победи Ливерпул со 3:0 во својот 1000-ти натпревар во како тренер и во исто време ја прекина одличната серија на тимот од Енфилд.
Актуелните англиски шампиони постигнаа голови во 44 последователни натпревари од Премиер лигата.
Подобра серија од нив имаше само Арсенал од сезоната 2001/02, кој успеа во 55 натпревари да постигне најмалку еден гол.
Интересно е што уште една генерација на Ливерпул е меѓу првите пет, станува збор за тимот од сезоната 2019/20.
Liverpool FC's incredible scoring streak ends 11 games shy of Arsenal's 2001/02 record ❌🔚
It could only be Pep to stop them on his 1,000th game 😤 pic.twitter.com/1Uj3NRS0Sp
— OneFootball (@OneFootball) November 10, 2025
Спорт
Лионел Меси се врати на „Камп ноу“
Според многумина, најдобриот фудбалер во историјата, Лионел Меси, го посети стадион „Камп Ноу“, кој е во последна фаза од реновирањето. На овој стадион, 38-годишниот Аргентинец доживеал многу брилијантни моменти во својата кариера носејќи го дресот на Барселона.
Лионел Меси го носеше дресот на Барселона 2004 до 2021 година, и сосема е логично што неговата „тајна“ посета во неделата навечер била придружена со емотивна порака.
„Синоќа се вратив на местото што ми недостига во душата. Местото каде што бев неизмерно среќен, каде што ме направивте да се чувствувам илјада пати посреќен“, се зборовите со кои започнува објавата на Меси на Инстаграм.
Меси не се враќа во клубот што го водеше до најславните моменти од неговото основање, но не ја затвори ниту вратата за таа можност.
„Се надевам дека еден ден ќе можам да се вратам, а не само да се збогувам како играч, што никогаш немав можност да го направам“, подвлече Меси во емотивната порака.
Пред круната на неговата кариера, осовоејувањето на титулата на Светското првенство во 2022 година во Катар, Меси ја предводеше Барселона до 10 титули во Ла Лига, седум во Купот на кралот и четири во Лигата на шампионите.
Потоа, тој ги бранеше боите на Пари Сен Жермен две сезони, а сега влезе во третата сезона откако го носи дресот на Интер од Мајами.
Спорт
Јуриќ доби отказ, на неговото место доаѓа Паладино
Италијанските медиуми пред пет дена објавија дека два натпревари ќе ја одредат судбината на Иван Јуриќ на клупата на Аталанта.
Првиот го доби, против Марсеј во Лигата на шампионите, во вториот доживеа дебакл на домашен терен од Сасуоло (0:3).
Италијанскиот инсајдер, новинарот, Николо Скира, тврди дека Иван Јуриќ ќе биде отпуштен. Според овој извор, Аталанта има фаворит за нов тренер.
Тоа е Рафаеле Паладино, кој зад себе има само два тренерски ангажмани. Ја водеше Монца (2022-2024) и Фиорентина минатата сезона. Двете страни треба да потпишат договор со до летото 2027 година.
Јуриќ ја презеде Аталанта ова лето од клупската легенда Џанпјеро Гасперини, а во 15 натпревари постигна само четири победи со осум нерешени резултати и три порази.

