Заврши сезоната во англиската Премиер лига. Од претходно беше познато дека титулата ја освои Ливерпул, дека Арсенал го освои второто место, а главната борба се одвиваше меѓу пет тима за трите места и пласман во Лигата на шампионите.

На крајот место во Лигата на шампионите изборија Манчестер сити, Челзи и Њукасл. Извисија Астон Вила и Нотингем Форест.

Вила доживеа пораз на „Олд Трафорд“ од Манчестер јунајтед (2:0), откако второто полувреме го одира со фудбалер помалку. Голамнот Дибу Мартинез доби црвен картон во својот последен меч во дресот на Астон Вила. Ќе се анализира голот на Морган Роџерс во финишот на мечот при резултат 0:0.

Њукасл неочекувано потклекна пред Евертон на домашен терен, но поради подобрата гол-разлика од Астон Вила го освои петтото место.

Резултати:

Борнмут – Лестер 2:0 (0:0)
(Семенјо 74,88)

Фулам – Манчестер Сити 0:2 (0:1)
(Гиндоган 21, Халанд 72п)

Ипсвич – Вест Хем 1:3 (0:1)
(Бродхед 52 – Вард Проус 43, Бовен 55, Кудус 87)

Ливерпул – Кристал Палас 1:1 (0:1)
(Салах 84 – Сар 9)

Манчестер Јунајтед – Астон Вила 2:0 (0:0)
(Дијало 76, Ериксен 87)

Њукасл – Евертон 0:1 (0:0)
(Алкараз 65)

Нотингем Форест – Челзи 0:1 (0:0)
(Колвил 50)

Саутемптон – Арсенал 1:2 (0:1)
(Стјуарт 56 – Тиерни 43, Одегард 89)

Тотенхем – Брајтон 1:4 (1:0)
(Соланке 17п – Хиншелвуд 51.64, О’Рајли 88п, Гомес 90+3)
Вулверхемптон – Брентфорд 1:1 (0:1)
(Мунечи 75 – Мбеумо 20)

Многу емоции беа видени денес на Ролан Гарос, каде на Филип Шатрије беше приредено простување за Рафаел Надал, кој со солзи се прости од навивачите на турнирот каде што освои неверојатни 14 трофеи.

Организаторите приредија големо изненадување за Надал, на кого му ги доведоа неговите најголеми ривали. Во еден момент на теренот се најдоа Новак Ѓоковиќ, Федерер и Енди Мареј – таканаречената голема четворка од најдобрите времиња на тенисот во историјата. Сцената за сите времиња се случи на Филип Шатрије, каде што порано водеа исцрпувачки битки што влегоа во историјата, а сега пријателски разговараа, се гушкаа и се шегуваа.

Надал не можеше да ги сокрие солзите, а многу емоции имаше и на лицата на неговите ривали – Новак Ѓоковиќ во еден момент беше видно трогнат од емотивниот говор на Надал, иако се обидуваше да се шегува и да го расположи, што во еден момент и успеа.

„Знаете, по сите овие години, борејќи се за сè, неверојатно е како времето ја менува перспективата за сè. Новак и Роџер знаат, му кажав и на Роџер – колку нерви, притисок, тие чудни чувства кога си ривал, а како сето тоа станува поинакво кога ќе ја завршиш кариерата. Треба да бидеш среќен со она што си го постигнал. Сон е тоа што успеавме да го направиме во кариерата. Успеавме, покажавме дека можеме да се бориме, но истовремено и да се почитуваме еден со друг.

За мене, многу ми значи што сте тука сите. И Давид е тука. Ми приредивте толку многу тешки моменти на теренот, токму поради вас секој ден се трудевав до максимум. Тенисот на крајот е само игра. Ние разбираме, на крајот на денот, тоа е само игра. Многу ми значи пораката што можеме да ја испратиме до светот – дека сме големи пријатели, иако бевме големи ривали.

Ви благодарам на сите за сè овие години. Се надевам и сигурен сум дека ќе продолжиме да правиме позитивни работи за нашиот спорт, дека ќе продолжиме да работиме. Ви благодарам за сè и сè најдобро,“ – порача емотивниот Надал.

Повеќе лица се повредени денеска, кога автомобил влета во толпата гледачи за време на трка во Полска.

Возачот (27) веднаш по стартот на трката изгубил контрола над возилото, јави ТВН24 повикувајќи се на полицијата.

Трката се одржа како дел од автомобилскиот настан на аеродромот Кросно во регионот Карпатскo подножје во југоисточна Полска.

Според полицијата, повредени се најмалку 14 лица, од кои четворица потешко.

Новинската агенција ПАП јавува дека во тек е голема акција на пожарникарите и спасувачките служби, а на местото на несреќата е распореден и спасувачки хеликоптер.